تجربة بنزين 95 في السيراتو
استنيت لحد ما العربية فضت التانك خالص.. و كان كمان شوية حايطلعلي تنبيه Distance to Empty : حس علي دمك و حط بنزين :)))
قلت المرة دي افول 95 من امارات مصر اللي في الدائري و اهو مرة من نفس العربية بعد اول 5000 كم ..
اللي لاحظته كالتالي:
1- ربنا مبارك فيه جدا .. عملت اربع مشاوير علي الدائري رايح جاي و ما استهلكتش غير تمن 1/8 التانك (لسه ما دخلتش في الربع) منهم مرتين كنت باشد و باحرق مع خلق الله :))
2- صوت الموتور واطي.. حتي لو كنت باعلي بالموتور.. صوته كان مش طالع .. و انا واقف زي ما تكون العربية مش دايرة
3- النتشة و الطلعة ابطأ كتير من المعتاد.. ماعرفش بس في 92 كانت طلعتها افضل كتير و الحرق كان بيجيبلي نتايج اسرع
4- دفعت 125 جندي تمن التفويلة :)