عرض للطباعة
يا رجالة انا قريت حوار ان فى واحد هايتغيرله مساعدين الساجا عشان فى صوت طق مع الحفر وصوت تخبيط الحديد من العجلتين اللى قدام
انا عندى الحوار ده وكانوا بيقوللى فى التوكيل ده تربيط عفشة وكنت اربط وبعدها امشى كام كيلو الاقى برضه صوت تخبيط الحديد ده وبذات لما بكون باخد مطب مش ناعم
انا عايز اعرف احكم ازاى عشان لو كده اروح التوكيل يغيروها لانى فعلا حاسس ان العربية مبقتش زى اول ماجبتها فى النعومة فى المطبات والتكسير غير صوت الحديد ده
ممكن حضرتك تقولنا العربية عاملة كام كيلو وبقالها قد ايه معاك ؟
المساعدين تبان لو حسيت كأن العربية مش راسية
اختبار المساعد
تدوس على طرف العربية بايدك وتنزله لتحت
سيب الطرف
شوف ارتداد العربية
سلس ومرة واحدة
مساعد كويس
مرجيحة
مساعد الله يرحمه
الخبطده سوست او علب دركسيون وباقى العفشة
انا عندي نفس الحوار علي فكره و عامل 10 الاف كيلوا لحد دلوقتي هقولهم عليها في صيانة ال 10 المره اللي جايه
العربية عاملة معايا دلوقتى 17500 كيلو وانا غيرت علبة الدريكسون ومش حاسس انه مأثر على حاجة لان حتى بعلبة الدريكسون القديمة كان برضه نفس الكلام
انا حاسس فعلا ان فى حاجة مش طبيعيه من السسوت نفسها زى مايكون السسوت مش بتاخد وتدى مش مرنه المشوار بتاعها قصير فعشان كده احس انى نزلت فى الحفر بهدبه يعنى اكنى مش راكب حاجة طرية وبرضه لما تيجى تطلع مطب بلدى مرة واحدة تحس ان السسوت مش طويلة كفايه فتسمع صوت حديد خبط فى بعضه
ومتهايلى ان ده مش عيب ترطيب عفشة
من رأيكوا كده يا رجالة ان ده عيب سوست فعلا ولا انتوا ايه رأيكوا عشان بس احب لما اروح التوكيل ابقى عارف رأى الناس كلها عشان محدش يثبتنى فى الكلام فى التوكيل
أخي العزيز...
أنا عندي نفس الموضوع وكان عاممب لي ازعاج لغايه ما روحت التوكيل وسألت قالو لي ده بسبب ان المساعدين بتاعت البروتون الجديده قصيره المشوار ( وده معمول علشان زياده الثبات) وبالتالي اي مطب او حفره تاخدها فالمساعد بيجيب أخر مشواره فيعمل الصوت ده
الحقيقه ان الكلام ده انا مش مقتنع بيه 100% ....لكن اتعودت علي كده وبقيت ما أركزش في الصوت ده ...أهم حاجه ان حضرتك ( زي ما تفضل الاخ العزيز وقال انك تختبر المساعد بالضغط علي سوكه الرفرف) وطالما المساعد سليم يبقي ما تحطش في بالك واستمتع بعربيتك
وربنا يبارك لك فيها
تحياتي........
فعلا كلام مش مقنع بس مدام ده طبيعى فى العربية يبقى خلاص نسبها لله انا كنت فاكر ان معنى الصوت يبقى هايغير المساعدين
الله يبارك فيكوا يا رجالة كلكوا انتوا دايما عند حسن الظن
تصدقو بقي اني عندي نفس الصوت ده يادي النيله
ياعني ممكن اكون عندي المساعدين بايظين
ربنا يستر