الموضوع: على البحر dayuse في مدينة الحرفيين

السلام عليكم يا اهل الاوبل و كل عام و انتم بخير جميعا .. يوم الاربعاء الى فات قلت اقضى يوم في مدينة الحرفيين للأستمتاع بالجو النقى و السماء الصافية .. المهم وصل الحرفين و على محمد علام علطول المهم قلت اكشف على العفشة الاول علشان العربة كانت مفكوكة من بعضها خالص ( بشهادة الخبراء - محمد طنانى ) المهم كشف على المساعدين و البطاحات و الكبالن و كلة تمام و قالى بس محتاجة بيض مقص و كاوتشة كوبل داخلى و بالمرة غير جلب الميزان و رحت جبت الحاجة و ركبتها و كلة تمام و العربية ظبطت و رجعت زى الاول قلت ( و دة السبب الرئيسى لذهابى ) طالما لسة فى فلوس اغير بقى عصاية الفتيس علشان كانت مبوشة خالص عندى .. المهم سألت علام قالى تعمل 200 جنية استيراد و رحت علشان اجيبها .. و من هنا يبداء اليوم :-
الاول طبعا ساعة عند بتاع الاستيراد ( اولاد عبد الشافى - علشان هانى العايدى اخر مرة عمل حركة نص كم ) علشان نطلع عصاية نضيفة و خدت العصاية و رحت علشان اركبها ( العصاية الى جبتها فيكترا 95 و العمود بتاعها مستقيم ) وبعد فك العصاية بتاعتى لقيد ان العمود بتاعها واخد لفة فى الاخر فطبعا الجديدة مش هتركب رحت علشان اجيب واحدة زى بتاعتى قالى دي بتاعت ال 79 ( مش عارف ازاى - الى راكبة عندى بتاعت العربية الاصلى ) قولتلو طيب و مالو المهم انا عايز زى دى قالى دى اغلى 100 جنية طبعا قولتلو .... , و قولتلو هاتها اوريها للميكانيكى بس و بعدين نتفاهم في السعر و ورتها لعلام و قالى دى بردو فيها بوش شوية شوفلك واحدة نضيفة و انا بصراحة كنت زهقت بقالى اكتر من ساعتين عمال ادور على حاجة نضيفة المهم بصيت على الجذء الى فية بوش دة لقيتةى عبارة عن كورة فى نص عصاية الفتيس راكبة جوة حلقة و راكبلها جوان علشان ياخد البوش و الجوان دة طبعا متاكل عندى سألت علام قولتلو منجبلها جوان و نركبو .. ينفع ؟ قالى جرب .. بس فى ناس بتحشيها تيل بس بتبوظ تانى و ساعات بتكسر الفيبر .. و عليها فلت و انا هخسر اية يعنى لو اتكسر ما كدا كدا هجيب عصاية جديدة و رحت على بتاع الجوانات و اهات يا عم جوان المقاس دة قالى مفيش جوان بالحجم دة قولتلة اديني بس جوان نفس القطر و جابلى جوان نفس القطر بتاعها و ركب حبك و كلة تمام بس في فرق في الارتفاع بتاع 2مم قلت اجرب و مش مشكلة .. و رجعت على الورشة علشان العصاية فى العلبة تانى و لقيت ان الجيوان الى جايبة اتخن من المكان الموجود ( الحلقة ) بشوية قلت تمام ناويلنى يابنى حتة شحم ( جبت شحم من بتاع الكوبلن الجديد ) و شحمتها و سايستها لحد مدخلت في الحلقة و قلت بس كدة تمام قوى طبيعى انها طالما مضغوطة يبى المطاط هيروح فى الجذء الفاضى ( ال 2 مم بتوع الارتفاع ) و بالبلدى هيطبع على المكان الجديد و ركبت التيلة بتاعت العصاية و قفل بقى يا ابنى و بعدين يالاا نجرب و قد كان راح تماما بوش العصاية و دى كانت نهاية المغامرة و رجعت العصاية الاستيراد و خدت فلوسى و رحت جايب طبقين جداد الي بركبو على المساعد من جوة العربية علشان القديم الجلد بتاعة كات راح بالمرة بقى


خلاصة اليوم

2 بيضة مقص توبران 110 جنية
كاوتش كوبلن داخلى 30 جنية ( بمشتملاتها )
4 جلب ميزان 10 جنية
جوان لعصاية الفتيس 2.5 جنية
2 طبق المانى جى ام اصلى 80 جنية
خرطوم كوعة المية 30 جنية ( الى عندى كان مقطوع )
مصنعيات 100 جنية على كل حاجة


و الجدير بالذكر ان محمد علام عمل مركز لصيانة الاول و فية كل حاجة حتة الكار-كير بدل الورش القديمة يعنى تدخل بالعرية داى يوز كامل عندة .. اسف للأطالة و سلامى للجميع و ارجو ان الموضوع يعود بالفايدة .