اخبار حصرية عن اهم الاستفسارات (سبب زيادة مقاس كاوتش الصنى-الصنى الهاى لاين-القشقاى)

لسه حالا عارف شوية اخبار كنت موصى عليها عشان اعرفها عشان خاطر الاعضاء

الاخبار جاية من مصادر موثوق فيها

اولا

بخصوص موضوع الكاوتش والاستفسار على المقاسات الجديدة المختلفة من 32/29 الى 36/33 ؟

تم التزويد عشان قصة استهلاك البنزين ..وسنسور الاوكسجين الجديد وبقا مرتبط بالمقاسات دى

ثانيا

بخصوص القشقاى اللى حتنزل فى المعرض وقصة المانيول والاتوماتيك وقصة السعر؟

باذن الله القشقاى حتنزل مانيول مش اتوماتيك

السعر 155 الف

وحتنزل معاها شوية امكانيات تحفة , سقف بانوراما , وتكيف منقسم على الناحتين ,زى اللى فى البانوراما , عشان لو كل واحد عاوز يظبط التكيف بالدرجة اللى هو عايزها

وحاجات كتير اوى لسه حعرفها لما اقعد مع الناس وافهمها واكتبها بطريقة عليمة ليكم مدعمة بالصور عن السيارة

ثالثا

بخصوص العربية الصنى الهاى هالاين ؟

هى هى السوبر صالون مع اضافة فامية على الزجاج الخلفى , وطبعا ده حيكون مثبوت فى الرخصة , يعنى بعد كدا اللى عاوز يفيم العربية كلها حيفيم وبراحته , لانه بقا مكتوب فى الرخصة

وكمان حيكون الفوانيس الخلفية والامامية حيكون لونها مدخن يعنى قريب الى اللون الرمادى , من الاخر شكلها حيكون اكنك مفيم الفوانيس بردوا

وسعرها حيزيد حوالى 1000 جنيه عن سعر السوبر صالون

رابعا

طلب ورجاء من الاعضاء باذن الله لعمل التقارير عشان قسمنا ؟

ياريت لما نعمل تقرير مصور عن اى سيارة تبع نيسان فى المعرض .. برجاء يكون معمول بتنسيق وجمع معلومات تكون مهمة ..عشان عاوزين دايما نكون مميزين عن باقى المنتديات الاخرى .. ويكون عندنا الجديد دايما

لاننا الحمد لله فى نايل موتورز بنحظى باعضاء مجتهدين جدا فى جلب المعلومات وبحب النايل موتورز وده بجد اللى بيميزنا عن اى مكان اخر , شغلنا واجتهادنا

فمحتاجين تقرير عن القشقاى مدعم بالصور
سواء من المعرض على الطبيعة , او من صور على النت
والاهم مع الشرح الداخلى للسيارة بامكانياتها
عشان يكون مرجع لينا هام

والتقرير التانى عن الصنى الهاى لاين بالصور
وياريت لو حد يتطوع بعمل تقرير عن الصنى بالصور كامل
وبكل امكانياتها وفئتها والفروق ايضا

يعنى فى النهاية محتاجين ترتيب وتنسيق هام حتى بينا كاعضاء فى عمل التقارير الجديدة دى.. ومش مهم السرعة فى النزول وطرح الموضوع على قد ما مهم الترتيب

واللى بيجهز حاجة يكتب فى توقيعه انه بيجهز لعمل تقرير عن كذا عشان بس لو حد بيجهز فى نفس الوقت ممكن يتحدوا ويتفقوا يساعدوا بعض من اجل قسمنا الحبيب

تحياتى

اخوكم فى الله

احمد مصطفى

10/10 يا باشا.
اللة ينور عليك.

تسلم ايدك يا استاذ احمد وشكرا ليك على المجهود الكبير ده .

بس هو مافيش احتمال ان القشقاى تنزل اتوماتيك

:verygood::verygood:

شكرا علي الأخبار الحلوه دي.ياريت نعرف مواصفات القشقاي يعني فيه منها كذا فئه ولا هي فئه واحده و المواصفات الفنيه بالنسبه للصني الهاي لاين 1000 جنيه تعتبر معقول لأن الزيادات مش كتير و ياريت تتأكد من موضوع الزيادات الي حتنزل في الهاي لين
وشكرا ليك مره تانيه علي الاخبار دي

لا تعليق............................لا تعليق بصراحة
اقول ايه؟؟؟ ........... في حاجة ممكن تتقال علشان اشكرك يا جميل علي المجهود ده ..... معتقدش :))
الف شكر يا بو حمييد علي الموضوع التحفة ده ... واللي عجبني موضوع الضغط ده واخيرا عرفنا ليه السبب الحمد لله
ونفيم براحتا الصني الجميلة ان شاء الله :)) ...... بس ده ينفع عادي ولا ليها اسم معين ؟؟؟

اه صحيح والقاشقاي مانويل اهيه مش اوتوماتيك ................. ههههههههه
ياسلام ده تقدير العلم والعلماء بصحيح ............. ههههههههههههههه

ممتاز و الى الامام دائما

شكرا جزيلا علي المعلومات الجديدة
رأيي الشخصي في نقطة ان لو القشقاي منزلش منها اوتوماتيك يبقي العربية كده ملهاش لازمة خالص

مجهود رائع من الاستاذ الكبير

القشقاى هتنزل مانيوال لـــــــــــــيــــــــــ ـه ؟؟؟؟ !!!! وياترى هتبقى يـابـانـى ؟؟؟
الزيادات فى الصنى الهاى لاين بصراحه خسارة فيها ال1000 جنيه الواحد كان فاكر هيبقى فى زراير مالتى ميديا فى الدركسيون وفتحة سقف والشغل العالى ده !!

أنا بجد مش عارف أقول ايه !!
ألف شكر ليك يابوحميد ، وياريت لو في تفاصيل أكتر عن القاشقاي ، وهل كلها هتنزل بسقف بانوراما (n-tec)؟؟
ولا يمكن دي النسخة الفل أوبشن بتاعة المعرض بتاعة المعرض

مجهود رائع من انسان رائع
و الف شكر على المعلومات الجميلة دى و الى الامام دائما ان شاء الله

بخصوص القشقاى فلا مش ينزل منها للاسف اتوماتيك , لان العربية دى اصلا بتنزل فى انجلترا مانيول , وحينزلوها زى ما بتنزل هناك

لان اصل التصميم للعربية انجليزى

على فكرة العربية واخدة أعلى المراكز الكبيرة فى اختبارات .euroncap

والعربية فيها بانوراما بس مش بتتفتح نظام زجاج فى السقف كامل
والعربية دى حتعمل شغل عالى جدا لما تنزل السوق المصرى من بكرة , وفعلا عربية رائعة وتصميمها من الداخل اكثر من رائع وحيعجب الناس جداااا

بخصوص التعديل فى الصنى الواحد مصدوم فى الفكر بتعهم اللى عملوه ده , لان كان افضل طبعا انهم كانوا على الاقل كانوا حطول فتحة سقف وزراير مالتى فنكشن وزودوا 3000 جنيه مثلا كان وقتها العربية دى حتكسر الدنيا اكتر , بس حنقول ايه بقا

وبخصوص الكاوتش , ياما بنبه وحنفضل ننبه , خالى بالكم كويس من قصة نقص الهواء فى الكاوتش عموما بيقصر على اداء العربية خصوصا فى استهلاك البنزين ,
فياريت من هنا ورايح نهتم بقياسات الكاوتش , وكمان ياريت بقا نزود نيتروجين افضل كمان , لانه بردوا حيفرق فى الاستهلاك بردوا

اقتباس:

---

المشاركة الأصلية كتبت بواسطة ahmed.tv

بخصوص القشقاى فلا مش ينزل منها للاسف اتوماتيك , لان العربية دى اصلا بتنزل فى انجلترا مانيول , وحينزلوها زى ما بتنزل هناك

لان اصل التصميم للعربية انجليزى

على فكرة العربية واخدة أعلى المراكز الكبيرة فى اختبارات .euroncap

والعربية فيها بانوراما بس مش بتتفتح نظام زجاج فى السقف كامل
والعربية دى حتعمل شغل عالى جدا لما تنزل السوق المصرى من بكرة , وفعلا عربية رائعة وتصميمها من الداخل اكثر من رائع وحيعجب الناس جداااا

بخصوص التعديل فى الصنى الواحد مصدوم فى الفكر بتعهم اللى عملوه ده , لان كان افضل طبعا انهم كانوا على الاقل كانوا حطول فتحة سقف وزراير مالتى فنكشن وزودوا 3000 جنيه مثلا كان وقتها العربية دى حتكسر الدنيا اكتر , بس حنقول ايه بقا

وبخصوص الكاوتش , ياما بنبه وحنفضل ننبه , خالى بالكم كويس من قصة نقص الهواء فى الكاوتش عموما بيقصر على اداء العربية خصوصا فى استهلاك البنزين ,
فياريت من هنا ورايح نهتم بقياسات الكاوتش , وكمان ياريت بقا نزود نيتروجين افضل كمان , لانه بردوا حيفرق فى الاستهلاك بردوا

---

4:verygood::verygood::verygood:

فعلا يا خبر بفلوس بكرة يبقى ببلاش

ال 1000 ج عشان الزجاج الفاميه

والله حرام -- انا اجيب ستاير ب 80 ج اوفر 100 مره

انا حاسس ان موتور القشقاي هايكون هو بتاع التيدا والليفينا والبلو بيرد

كله واحد

لا صعب يا بسام
استحالة يكون نفس الماتور

هو فعلا موضوع الفامية بتاع الصنى اللى مش ظريف ابداااا , وكان مفروض يزودوا حاجات تهم الناس فعلا

هو فعلا نفس كود الموتور hr16de
لكن نسبة انضغاطه أعلى فبدلا من 9.8 أصبحت 10.7

اقتباس:

---

المشاركة الأصلية كتبت بواسطة ahmed.tv

لا صعب يا بسام
استحالة يكون نفس الماتور

هو فعلا موضوع الفامية بتاع الصنى اللى مش ظريف ابداااا , وكان مفروض يزودوا حاجات تهم الناس فعلا

---

طب هاتشوووف

ممكن الفتيس نسبه تتغير عشان العزم لكن الموتور احساسي ها يكون هو هو

القاشقاي ياباني ولا صيني ؟

شكرا للمجهود والموضوع

اقتباس:

---

المشاركة الأصلية كتبت بواسطة ahmedhawas

هو فعلا نفس كود الموتور hr16de
لكن نسبة انضغاطه أعلى فبدلا من 9.8 أصبحت 10.7

---

عذرا ، الموتور اللي نسبة انضغاطه أعلى ده نازل في انجلترا ، ومش هينفع لمصر عشان البنزين (محتاج بنزين بريميم ، عشان البنزين بتاعنا حيبوظ محول الحفز الثلاثي اللي راكب في الشكمان ، وعشان احنا هنا معندناش اهتمام بالبيئة وتقليل العادم وانبعاثات CO2 )

اقتباس:

---

المشاركة الأصلية كتبت بواسطة bassamhafez

طب هاتشوووف

ممكن الفتيس نسبه تتغير عشان العزم لكن الموتور احساسي ها يكون هو هو

---

ظنك في محله يا أستاذ بسام ، هو نفس الموتور بتاع التيدا والليفينا والبلوبيرد سيلفي ، 1600 سي سي HR16DE نسبة انضغاطه 9.8 ، مع مراعاة اختلاف ال net power لكل سيارة تبعا لعوامل أخرى زي الوزن ونوع الفتيس و....الات الجر

اقتباس:

---

المشاركة الأصلية كتبت بواسطة د.محمود صلاح

القاشقاي ياباني ولا صيني ؟

شكرا للمجهود والموضوع

---

قاشقاي إنجليزي- بتتجمع في مصنع نيسان ساندرلاند (هههههه..... أيوه عند المحمدي)

فعلا طلعت نفس ماتور التيدا
انا لسه جى من هناك واتاكدت من كلامكم

وبعدين العربية اللى واقفة هناك دى 2000 سى سى , والنفيجاتور اللى فيها حيتشال , وحيتشال منها المالتى فنكشن ده كله اللى فيها ومش حيكون فيها غير مالتى فنكشن للصوت بس
ومش حيكون فيها كاميرا خلفية , كل الامكانيات اللى ناس سمعت عنها واغلبها حتتشال

والعربية يابانى بتتجمع فعلا فى انجلترا

عربية شكلها تحفة بصراحة وجميلة

وان كنا نفسنا انها تنزل اتوماتيك ,منها

والفامية شكله حلو على الصنى مش وحش خصوصا اللون الفيرانى اللى هناك


وعلى فكرة انا اتفرجت على النيو اكسنت اللى هناك يا جماعة الجديدة , العربية الكنبة تشيل اتنين مرتاحين فقط

فبلاش بقا حد يتكلم من هنا ورايح على كنبة الصنى , ههههههههههههههههه

انت شفت العربيات دى فين يا ابو حميد
و انا حسب ما قريت فى المنتدى السعر بتاع القشقاى حيكون 155 الف الكلام دة اكيد

فى المعرض يا ريس

والسعر اكيد بتاع القشقاى

وبخصوص العربية اللى موجودة فى المعرض هناك والامكانيات اللى فيها اللى الناس بتتفرج عليها هناك , مش هى دى اللى حتتباع والناس حتستلمها , عشان بس تكونوا عارفين

وبخصوص الصنى الهاى لاين , هى لذيذة ولايق عليها الفامية ومعطيها برستيج اكتر

وهما كل فترة بيقولوا حيدلعوا العربية

وسالتهم على ليه مثلا معملوش فتحة سقف , قالوا عشان الصاج ده بيجى من بره ومينفعش يتلعب فيه , وبيدخلوه على مكن بيلحم على طول

واحتمال ممكن قدام يزودوا فيها المالتى فنكشن , ويامسهل

بكرة باذن الله نصورلكم الصنى مع وفد نايل موتورز باذن الله

مستنى الصوووور

تسلم ايدك وشكرا على المجهود الكبير ده .

عاوزين الصور

انتظروا صور عن الصنى باذن الله بحرفية عالية , وصور عن القشقاى وتقرير عنها قوى وقوى جدا باذن الله

وصور عن المورانو

الف شكر بس ياريت القشقاى تصور فيها كل حتة بالتفصيل داخليا وخارجيا لانى هشتريها باذن الله وان كنت هستنى شوية يمكن الاوتوماتيك بتاعها ينزل

بكرة باذن الله الصور والشرح اوبشن اوبشن مع البرشور وحيتم رفع كل شى عنها باذن الله

بصراحة عربية عجبتنى جدا , وسعرها معقول وان كان نفسى ميزدش عن 150 الف

والاتوماتيك لسه مش دلوقتى ابدا لان العربية اصلا ال1600 سى سى متصنعش منها اتوماتيك

بخصوص ضغط الاطارات يا استاذ احمد انا لسه عامل صيانة ال5000 من اسبوعين في السبع زهراء المعادي وسألت علي ضغط الاطارات اكدوا لي ان الضغط زي القديم الامامي 32 والخلفي 29 رغم ان الارقام الموجودة علي الابواب 36-33 عايزين تأكيد نهائي في هذا الموضوع لو سمحت
عايزين تاكيد في هذا الموضوع المهم واسف علي الازعاج

يا استاذ اشرف والله انا قعدت من ناس من المصنع , نقلا عن كلامهم

اولا التزم باللى مكتوب فى القايم

ولو فكرنا بالعقل ايه اللى حيخليهم يحطوا تنبيه على القياسات الجديدة , ولو فى حاجة غلط مكنوش حطوا كدا والا الكاوتش حيبوظ ويتحملوا الخطا

وبعدين لما سالته عن موضوع ليه واشمعنا

قالولى عشان قصة استهلاك البنزين وجودوا مع تظبيط المقاسات دى الاستهلاك بيتحسن , وكمان عشان السنسور بتاع الاوكسجين وكل القياسات دى دى مرتبطة ببعض

وسالتهم بالنسبة للناس القدام اللى مفروض 32 29 عادى لو عمل , قالولى اه عادى لان نفس المقاس ونفس الكاوتش ونفس العفشة

وده كلام مسئولين فى نيسان جوة فى المصنع

ومتخفش يا فندم

شكراً على مجهودك الرائع بس موضوع زيادة ضغط الهواء فى الإطارات ممكن نجربه فى موديلات 2010 أم هذا خاص فقط بداية من موديلات 2011 ياريت الإفادة مش حأجرب إلا بعد الرد إن شاء الله

اعتقد الزيادة كبيرة اوى فى ضغط الكاوتش وطبعا حتقلل استهلاك البنزين لان حيقلل المداس بس كدة العربية حتبقى خفيفة اوى على ما اظن

اقتباس:

---

المشاركة الأصلية كتبت بواسطة ashouhdy

اعتقد الزيادة كبيرة اوى فى ضغط الكاوتش وطبعا حتقلل استهلاك البنزين لان حيقلل المداس بس كدة العربية حتبقى خفيفة اوى على ما اظن

---

بالظبط كده يافندم
حيقل المداس بتاع الكاوتش فتقل المقاومة وبالتالي يقل معدل استهلاك البنزين نسبيا
ولكن حيكون على حساب الراحة؛ لأن الموضوع ده حيخليك تحس بكل تفاصيل الطريق

الله يفتح عليكم , بالظبط كدااا , وده تفسير علمى ومهم جدا اللى وصلته اليه

بس احساس الطريق مش حيكون محسوس للدرجة

وصعب تاخد كل حاجة ابدااااا

اهم حاجة عندنا ان فعلا قصة الاستهلاك فى الصنى تتظبط مع القياسات الجديدة

وعشان محدش يحس باى مشكلة فى المطبات يبقا حلها نيتروجين

انا مزود الصني 2011 32 قدام وخلف 29 هما قالولي كدة في توكيل السبع بس أنا حغير المقاس الجديد علشان حاسس بأستهلاك بنزين عالي
يعني العربية بتعمل 300 ك لحد علامة e اول ما المبة تنور وهيه علملة حوالي 2200 ك

انا العربية 2010 وغيرت المقاسات بتاعة الكاوتش36.33
البور بقي احسن والعفشة كويسة مش ناشفة قوي
بس العربية بتحدف شمال جامد قوي
مش عارف هل هي محتاجة ظبط زوايا ولا الزادة في الكاوتش عمل كدة

انا لسة كاتب دلوقت موضوع كلمتين عن الهاي لاين بس مكنتش بصيت علي موضوع حضرتك و اعتقد شرحك اوضح و بعتذر عشان مكنتش بصيت علي موضوعك انا دخلت كتبت علي طول

تحياتي و تسلم ايدك

شكرا استاذ احمد علي الاهتمام واسف مرة اخري علي الازعاج

اقتباس:

---

المشاركة الأصلية كتبت بواسطة atefadel

انا العربية 2010 وغيرت المقاسات بتاعة الكاوتش36.33
البور بقي احسن والعفشة كويسة مش ناشفة قوي
بس العربية بتحدف شمال جامد قوي
مش عارف هل هي محتاجة ظبط زوايا ولا الزادة في الكاوتش عمل كدة

---

حتتظبط العربية اول ما تعمل ظبط زوايا باذن الله

اقتباس:

---

المشاركة الأصلية كتبت بواسطة hossam_zaky

انا لسة كاتب دلوقت موضوع كلمتين عن الهاي لاين بس مكنتش بصيت علي موضوع حضرتك و اعتقد شرحك اوضح و بعتذر عشان مكنتش بصيت علي موضوعك انا دخلت كتبت علي طول

تحياتي و تسلم ايدك

---

ياباشا من غير اعتذار ولا حاجة , كلنا واحد , واللى مش بيبص هنا يبص فى الموضوع بتاعك , المهم الناس تستفاد , والمعلومة تتكرر عشان الافادة فميش مشكلة
وتسلم ايدك يا حسام باشا وعلى روحك معانا , وبالعكس الواحد بيكون سعيد بزيادة الموضوعات والمشاركات , اللى بتقربنا ببعض اكتر وبتفيدنا

اقتباس:

---

المشاركة الأصلية كتبت بواسطة ashraf a.kader

شكرا استاذ احمد علي الاهتمام واسف مرة اخري علي الازعاج

---

ههههههههههه كدا .. انا زعلت منك... ازعاج ايه يا استاذ اشرف , مفيش ازعاج ولا حاجة , اوعى تقول كدا تانى

انا بس عاوز اطمنك يا باشا بس مش اكتر , عشان فى فنيين بيشتغلوا من دماغهم وخلاص

والكلام ده جايبه من ناس جوة فى المصنع

وبعدين غير كدا لو كان فى قلق مكونوش حطوا ورقة على الطابلوه فى الجنب بالمقاسات الجديدة , وكمان مكنوش علقوا ورقة على المرايا وكتبوا عليها كلمة تحذير

فعشان كدا بقولك متقلقش يا باشا

وتحت امرك وتحت امر كل الاعضاء