بص هو ال N8 و الiphone الاتنين حلوين جدا و محدش يقدر يقول على واحد فيهم وحش. هي الحكاية انهم دماغ مختلفة. ادخل على النت و شوف الfeatures المختلفة لكل واحد منهم , و اتفرج على الاتنين مع حد من أصحابك قبل ما تقرر.
. ال iphone ميزته في الapplications بتاعته أكتر من التليفون نفسه (الهارد وير). هو بس فيه ناس عندهم apple mania :majd(4): يعني تلاقيه مهووس بالتليفون بس عشان هو iphone انما لو سألته ايه مميزاته عن أي تليفون تاني, مفيش. أنا جوزي واحد من الناس دول. هو معاه ال iphone 3gs و هو اللي اشترالي ال N8 و بيقول عليه أحسن من الiphone في حاجات كتير بس برضه لو حيغير حيجيب ال iphone 4.
أنا مثلا عاجبني جدا الN8 أكتر من ال iphone لأني بأستخدم الكاميرا كتير و هو الكاميرا بتاعته تحفة بجد, في حين أن كاميرا ال iphone تعبانة. الsoftware بالنسبة لي سلس جدا فمش عارفة الأخ اللي في الفيديو ده بيتكلم على ايه, انما موضوع ال OVI applicactions دي مش حقدر أفتي فيها عشان عمري ما حاولت أدخل ال store أصلا. برضه خد بالك ان ال iphone فيه شوية حاجات مستفزة برضه. يعني مفيهوش بلوتوث غير للسماعة بس مثلا, و مش بيشغل الflash..........الخ.
اتفرج الأول على الاتنين و شوف الأحسن لك, و ان شاء الله ايا كان الي حتختاره حتكون مبسوط بيه لأن الاتنين حلوين جدا, و مبروك عليك مقدما.