مش فاهم يعنى إيه
عرض للطباعة
الموتور لما بيطلع منه العادم ،، في أنبوب العادم ،، بيطلع على هيئة نبضات ،، عشان كل سيليندر بيطلع العادم بتاعه وراه عادم السليندر التاني و هكذا ،، حسب ترتيب السيليندرات في الموتور ،،
المهم الغاز اللي طالع بيكون تحت ضغط ،، حسب قطر أنابيب العادم
الغرض من التوسيع عامةً هو زيادة القطر ده ،، و ده لازم يصاحبه التخلص من "على الأقل " علبة من علب الشاكمان ،،
علشان يدي الغاز الطالع رااحته و هو طالع من العربية ، بالتالي لو طلع غاز ... بص حفهمك كالتالي
أفرض و تخيل أن كل سليندر مثلاً بيطلع 1 لتر غاز عادم ..
المفروض أنهم يطلعوا ورا بعض من الشاكمان ،، تخيل أن كل لتر غاز ماشي ورا التاني ،، ماشي في أنبوبة قطرها 2 إينش ...
طيب مهو كده حيطلع ،، بس الشارع اللي هوا ماشي فيه ضيق شوية و زحمه ،، فده بيعمل ضغط عكسي على الموتور ،، بحيث أنه ميطلعش غاز عادم تاني بسرعة لحد لتر الغاز اللي في آخر الشاكمان يطلع ،، و يفضي مكان للي بعده عشان يطلع بحرية برده
بالتالي تسارع المكنة حيكون شوية مخنوق لأنها مش عارفه تطلع العادم اللي فيها بسرعة ،،
لو وسعنا بقى الشارع ده "الجاكمان" و خليناه 2.5 أينش ،،
حنلاقي ان كده كده كمية العادم اللي طالعه من السليندر واحده و هي في المثال بتاعنا 1 لتر ،، و السكة قدامها بقت سالكة أكتر ....
و أوسع ،، و مفيش علب كتير تخنقها ،، فحتطلع تجرري ،، أسرع من قبل كده
و بكده فضت مكان للي بعدها يطلع بسرعة زيها و هكذا ،، و الضغط العكسي بتاع العادم على الموتور قل شوية ،، فتسارع الموتور و سرعته في طرد العادم زادوا شوية ،،
و لكن خلي بالك ،، ان الضغط العكسي ده لما بيقل ،، بيكون ليه حدود ،، كلٌ حسب سعته اللترية ،، و قوته في طرد العادم ،، بيختلف من موتور للتاني ،، ممكن نلاقي موتور 1400 سي سي و متوسعله زي الموتور ال 2000 أو ال2800
و ده طبعاً في حالة وجود تربو في الموتور ده ،، طيب وسعنا جامد أوي كده ليه ،، عشان ضغط الغاز اللي طالع "نتيجة وجود التربو" أصلاً طالع جامد أوي ،، فحتى لو وسعنا أكتر هو كده كده حيعمل ضغط ،، و مش حتأثر معاه ،، إلا لو وسعنا بغباء برده ،، ساعتها حيبقى كأننا وسعنا اوي في حالة المواتير العادية
طيب عامةً بقى لو وسعنا أوي حيحصل أيه ؟!!
حيحصل أن الغاز اللي طالع حيبقى حر أوي أوي ،، و ممكن يحصل حاجة زي التيارات العكسية أو الدوامات جوه انبوب الجاكمان ،،
بس الأهم من كل ده !! انه الضغط العكسي اللي بيأثر بيه الهوا اللي خارج من العادم بيقللل أوييي ،، و الضغط ده ضروري للحفاظ على عززم الموتور ،،
فبكده ،، انت تعتبر ضيعت عزم الموتور.....
أي نعم زودت سرعة خروج العادم ،، و لكن من غير حسابات ،،
و في حالة أنه لو أخد من كل سليندر الأنبوب بتاعه على العادم ورا ،، فلازم يكون في نسبة للحفاظ على الباك بريشر على كل سليندر ،، و لازم الباك بريشر"الضغط العكسي" يكون هوا هوا على كل سليندر "رينجه ثابت" ،، ماذا و إلا الموتور بححح :))
:B4_237:
فهوا لو أخد من كل سليندر انبوب و قطره 2 أينش أو 2.5 أينش ،، ده كده هبب الدنيا و خلا العزم بتاع الموتور ده ، مش حقولك يكفي أنه يدور عربية و يمشيها ،، لا ده مش حيكفي نلف بيه خلاط عشان يفرم موز نعمله عصير ...
و جيت تكحل العروسة ،، عمتها !! :hugging::Copy of rfds::0002014A:
دي معلوماتي والله ،، و أن كان فيها غلط ،، ارجوا ان ذوي الخبرة يصلحوها ،، و ان كانت كاملة و وافية ،، فبتوفيق من الله
أرجوا أني اكون عرفت أفيدك أن شاء الله !! :ask:
1st of all .. U R welcome
2nd.
Generally U'll be in a safe side ,, if U just increased the diamter in a range from "0.25 : 0.5" more inches ,, of course this tune up will be accompanied with a spore muffler ... which we call a "devil system" this will insure U a well tuned up performance ... sorry for writing in English .. but I'm having problems with my system .. it's not writing in Arabic ...& FRANKO ARAB is un-allowed