ما هو أى حاجة بتبقى إضطهاد اليومين دول ...
مظاهرات قدام المطرانية و هتافات طائفية ..
زى بنت صديقتى مسيحية مدايقة قوى إنها جت الإمتحان ... و بتقول يراعوا الظروف إللى إحنا فيها ؟؟؟
سألتها ظروف إيه إللى إحنا فيها الإمتحانات يعنى ؟؟ تقولى إللى بيحصل فينا إحنا مش فيكم إنتم ..
بصراحة أنا إتصدمت يعنى كلنا مركب واحدة مش عارف ليه بيفصلوا بين الإتنين ... وواخدين جنب كده
كأنهم أو شعب أخر .. بالدليل البابا شنودة بيتعامل كأنه رئيس الشعب المسيحى فى الجمهورية المسيحية ..
مش رجل دين ... لأ بيتعامل كرجل سياسة ...
فى الأخر المظاهرات و الطبطبة على جزء من الشعب إنه يعمل مظاهرات و يضرب الأمن ( مش عارف مظاهرات على إيه ) و ناس تانية تضطهد فى بلدها لمجرد إنه مصرى مسلم فقير غلبان مغلوب على أمره ..
أتوقع إن العنف المسلم هيبدأ قريبا مش ضد المسيحيين .. لكن ضد السلطة ...
أو المصريون المسيحيون إللى بينزلوا فى مظاهرات و المتعصبيين يعملوا مظاهرات و أعمال عنف أشد ( زى ما قطعوا الطرق و رمو العربيات بالطوب و كسروها) يزودوها جدا و يتدخل الأمن و يحصل بقى مشاكل مع القساوسة و القيادات المسيحية الذين يعتقدون أنهم سياسيون , على شوية أمريكا على شوية الفاتيكان ..
و هنوصل لنتيجة واحدة بس ...
ينتهى دور الشرطة و يتدخل الجيش بكامل العتاد مع حظر تجول و تفويض إستخدام السلاح ضد أى حد ..
و يموت 2000 مسيحى على 3000 مسلم على هروب كبار رجال الاعمال .
و قد يسقط نظام مبارك بعد سيطرة القوات المسلحة على البلاد ... يمكن
ووقتها ممكن يتولد فجر جديد ...
معلومة : سمعت من قرايبى فى الجيش إنهم من شهرين كده عملوا محاضرات لبعض الضباط عن الأمن الداخلى و حرب المدن.
المشكلة إن الطائفية دى هتأدى لنتيجة واحدة ..
المسيحيين هيخسروا 70 مليون قوة بشرية و أيدى عاملة
المسلمين هيخسروا 10 مليون أيدى عاملة و قوة بشرية