السلام عليكم
ما هى الاسباب المؤدية الى قطع الجنزير وكيف اعرف ان الجنزير يحتاج الى تغيير وهل الجنزير كله مقاس واحد ويظبط حسب التركيب ارجو الافادة
عرض للطباعة
السلام عليكم
ما هى الاسباب المؤدية الى قطع الجنزير وكيف اعرف ان الجنزير يحتاج الى تغيير وهل الجنزير كله مقاس واحد ويظبط حسب التركيب ارجو الافادة
موضوع مهم كنت لسه بفكر فى الحكايه فى انتظار المعلومات من الوحوش .
متشكر جدا يا محمد باشا
فى علامات جنب الصامولة اللى رابطة العجلة الخلفية بتشد على اساسها الجنزير كل فترة لحد لما تلاقى الجنزير وصل لآخر العلامات معنى كده ان الجنزير اتمدد على الأخر ومفيش شد اكتر من كده وكمان هتلاقى الجنزير وسع من الفتحات اللى بتخش فيها التروس وهتلاقى الجنزير بيعمل صوت عالى اوى
وده شكل السنون للترس الخلفى اللى راكب عليه الجنزير فى الحاة السليمة وحالة التآكل وهنا بردو لازم يتغير الترس لأنة هيأثر على الجنزير مهما كان نوعة.. هتلاقى السنون المتآكلة رفيعة من الطرف بعكس السليمة
http://dc08.arabsh.com/i/02544/3qnhfqvepvq5.jpg
بجد شكرا على المعلومات القيمة
موضوع مهم...
معلومات جامد هو بيتغسل ازى بقى ؟
ربنا يوفقك يا رايس معلومه جامده و صور أخر دلع بصراحه , جزاكم الله خيرا :verygood: .http://dc08.arabsh.com/i/02544/3qnhfqvepvq5.jpg
ya gama3a la2 mesh kol el ganazer nafs el ma2as kol ganzer leeh ma2as maktoob 3aleeh hatla2y el ma2as maktoob 3ala 7ala2at el ganzeer kol 3 or 4 7ala2at maslan maslan ana 3andy (525 f) fe honda 400 fireblade lamma sa2alt 2aloly el mohem el arkam bas mesh el 7orof fa gebt (525 rx) we rekeb we tamam lazem tegeb ganzer be nafs el arkamwe el tool el mekaneky we howa byrakebo hay7otto 3ala el bike we ye2es we el zyada haye....o 3ashan 3'aleban hayb2a atwal be kam 7ala2a we ba3den yerakebo we yeshedo 3ala el makana we el ters el odamany kaman momken yetsabeb fe at3 el ganzer ;ya rab akoon fedteko :D
معنى كده ان الجنزير مش نضيف او مش معملوا صيانه هيبوظ الترس , الهوا بعد كده هيقطع الجنزير .
الاستاذ شاجى بيقول ان كل جنزير له مقاس معين بيكون مكتوب على الجنزير وان هو سأل فعرف انا المهم الارقام مش الحروف
عموما مفيش تناقض .. احنا بنتكلم ان الجنزير كله مقاس واحد ده بالنسبة للطول وفعلا الميكانيكى بيشيل العقل الزيادة بعد ما بيقيس ..
اما اللى الاستاذ شاجى يقصده مقاس الفتحة اللى بيدخل فيها الترس وده اكيد هيختلف
allah yenawar ya gamed :D we ana shady we ahlan be sa3attak
متـــــــــــــــــــــــ ـــــــــــابعكم
اولاً احب اني اشكر dolphine لكن في نفس الوقت احب اضيف كام حاجة كده
اولا الجنزير مش بيبقي نفس المقاس يعني عندك 530 و 525 و مش كل البيكات ذي بعضها في الطول
وطريفة غسله بتكون بالجاز لحد ما الشحم القديم ينزل وتمشي بالبيك علشان تطير الجاز الي عاليها و بعدين بترش شحم سائل من اسبراي علي الكاتينا كلها و البيك داير و العجله بتلف لكن وانتا بتنضع لف العجلة بايدك علشان متعورش نفسك
و طبعاً كل الكلام ده كان قايله بشمهندس محمد في موضوع متثبت و انا مش فاضي دلوقتي ارفع صور ادخل الموضوع بتاعه و حتفهم انا فهمت حاجات كتير منه و ساعدتني في التطبيق
فى اسباب متعددة لقطع الجنزير
انا مثلا الجنزير عندى والتروس غيرتهم لسبب ان فى بلية عندى باظت وانا اهملت فيها شوية خلت الجنزير مايل اكل الترس وباظ الجنزير وطبعا غيرت كل حاجة عشان بلية ب30 ج بس نفهم اة ان الاهمال وراء بوظان الحاجة وعدم الاهتمام
بس بعيد عنك لو الجنزير اتقطع هتبقا مصيبة حقيقية لانة ممكن يتقطع ويلف على العجلة يجنزرها وانت والمتوسكل فى خبر كان بجد الموضوع دة مهم جدا لازم كل فترة تشحمة ولما يوسع شوية كتير يستحسن تغيرة عشان متتبهدلش وتشترية اصلى لان فى السوق كتير اهم حاجة يكون اصلى انا عملت كدة الية الجر مهمة جدا
ثانيا الجنزير مقسات طبعا بالنسبة للطول هو المكنيكى بيظبت ويشيل الباقى وبيكون محفور على كل عقلة يابانى غير كدة بيكون وحش
وطبعا احدى الاسباب الشائعة لتلفة شدة على الاخر عشان كدة ظبتة محتاج خبرة شوية عشان شدة على الاخر مع التحميل والجرى هيتقطع بسهولة جدا
الله يخليك يا أستاذ شادى وانا اتشرفت بيك
طبعا المتابعة من الاستاذ اتش لا تكفى .. ننتظر الجواب الكافى الشافى
الشكر لله ياباشا وكلامك كله تمام بس فى حاجة افضل من انك تمشى بعد لما تحط الجاز ...انت ممكن ترفع العجلة الخلفية على
حامل ( holder ) او على الدبوس ( stand ) بس حد يميل المكنة معاك بحيث تبقى المكنة متحملة على الدبوس والعجلة الأمامية وتكون العجلة الخلفية مرفوعة وبعد كده تدور المكنة وتدى الغيار الاول هتلاقى العجلة الخلفية بتلف تبتدى انت بقى ترش الجاز على الجنزير والترس وتزود بنزين بالراحة لمدة دقيقة او دقيقتين لحد لما الجاز ينزل كل التراب والزيت او الشحم القديم ( بالنسبة لـ WD40 ده عبارة عن منظف زى الجاز واحسن وثمنة مش غالى ) وبعدين الشحم السائل اللى حضرتك قولت عليه او ممكن زيت شل بتاع المكنة ( لا يفضل الا فى عدم وجود شحم سائل )
كلامك زى الفل يا تامر باشا
احب اضيف كمان ان فيه طقم تروس (ترس ورا وترس قدام تعديل )
الاول بيزيد من تسارع البايك(بيكون الترس اللى قدام اكبر بسن او اتنين عن الفابريكه
واللى ورا اصغر بسن او اتنين)
وده اقل تعديل ف التكلفه
والتانى مجموعه تروس للرفع بيكون فيها الترس الخلفى كبير شويه
وبييجى مع الاتنين الجنزير بتاعهم
وهنا فيه سوال بيطرح نفسه
ايه اللى بيحصل لو الجنزير اتقطع وانت ماشى؟
مين هيجاوب صح؟؟؟؟؟؟؟؟؟؟؟؟؟؟
أحتمال كبير تتشقلط أو تتخرشم لو الجنزير أتقطع علشان العجلة الخلفية حا تقفش و تحجر
و في برضه أحتمال أنه يكسر الوش الجانبي المغطي للترس الأمامي و في جميع الأحوال حاتروح مش سايق
كده الأجابة صحيحة ؟
:36_3_10[1]:
تفتكروا الشركات المصنعه للبايكز فاتت عليها حاجه مهمه زى دى
انا هسهل عليكم الموضوع وكمثال هقولكم ايه اللى بيحصل لو الجنزير اتقطع بتاع بايك زى الهايا بوسا
( بطريقه ميكانيكيه الجنزير بيلف على الاشاره الشمال)
وممكن يضرب فى كلتيرة الزيت وحصلت مع احد الناس مرة
مش حتفرق انك تمش ولا ترفع البيك علي الهولد المهم ايد متتمدش علي الجنزير و اللبيك داير علشان ايدك متتقطعش لا قدر الله و حكاية الwd40 منصحكش علشان لو لقدر اللله جه علي الطنبور و تيال الفرامل البس يا معلم مافيش فرامل و بعدين في فرق بين الwd40 و الشحم السائل الي بقولك عليه ال wd40 حينضف الجنزير و بعدين الحلقات تقفش في بعض علشان هو مش معمول للغرض ده لكن الشحم السائل و حجبلك اسمه علشان مش فاكرة دلوقتي ده معمول لتلين الحلقات الي علي طول بتتحرك لكن ال wd40 لو مسمار معصلج معاك بتلين بيه مرة واحدة ساعت التركيب و الفك بس لكن مش عملي للحاجة الي فيها احتكاك علي طول ببعض
و خد بالك الwd40 لو جه علي الكوتش حتعيش في زحليقوا ياما
انا قولت الي اعرفة و عن ثقة بلاش ال wd40 للجنزير و لا الزيت بتاع البيك كل حاجة و ليها حاجتها :36_3_10[1]::36_3_10[1]:
بجد انا استفدت كتير من الموضوع ده
بالمناسبه والله واحد حبيبي عنده معرض في المعادي لسه كنا بنتكلم دلوقت علي الموبايل وقالي علي راجل كبير الجنزير اتقطع منه لف كسر اول المارش والوش الشمال وبهدل حاجه اسمها موتوسيكل
ربنا يقويك انت واللى زيك وان شاء الله تنجحوا بتفوق