الموضوع: مش هاركب فوجات خلاصصصصص وهابيع المفتاح

تصدق انا بدور علي المفتاح دا بس التابلوه عندي رمادي فالبيج هيبقي صعب ربنا يكرمك ويحسنلك في بيعته وشوف كدا لو هو لسه في كيسته حاول تروح ترجعه

المشاركة الأصلية كتبت بواسطة organic_magic

تصدق انا بدور علي المفتاح دا بس التابلوه عندي رمادي فالبيج هيبقي صعب ربنا يكرمك ويحسنلك في بيعته وشوف كدا لو هو لسه في كيسته حاول تروح ترجعه

امين يارب وبامر الله هتتوفق وتلاقى المفتاح اللى بتدور عليه.ويارب يا مسهل الاقى الفاتورة واقولهم فى قليوب اننى مش عاوزه لاننى اعرف ان اللون البيج قليل وده كان اخر واحد موجود فى الفروع.

المشاركة الأصلية كتبت بواسطة theprofessiona

ليه يا عم , بس انت روق واشرب عصير لمون بس و اهدى كده .... دا كنت مستنيك تخلص الموضوع ده وامشي على انت عملته

يا عم ولا يهمك.قوللى انت عاوز تعرف ايه وانا اساعدك بامر الله لاننى كنت مشيت لحد ما اتفقت على التركيب وخلاص كنت هاركب.لكن انا بقى عندى (مش عارف اسميها ايه)

كل ما اقول اعمل حاجة فى العربية (فوجات او جنوط او مرايا كهربا وانزل شارع دمشق لازم العربية يحصلها حاجة.فقولت خلاصصصصصصصصصصص مش مركب حاجة .

المشاركة الأصلية كتبت بواسطة meza

انا برضه عاوز تفاصيل تركيب الفوجات ... أجيب الفوانيس و الفبرة السودا جاهزة منين؟
المفتاح عندى هيبقى رمادى لو موجود فى التوكيل يبقى اتحلت مشكلته ,بس مفيش بره أرخص؟

بالنسبة للمرايا الكهربا انا لقيتها ... بس كان محل عاوز ينصب عليا فى الحرفيين ... كنت رايح أسأله على غطا المراية البلاستيك عشان كان اتكسر عندى .. ولقيت عنده الكهربا الواحدة ب 400 ... قاللى و ممكن أخد المراية السليمة (الأصلية) و ابيعلك الإتنين ب 400 !!! شغل نصب عينى عينك

المشاركة الأصلية كتبت بواسطة meza

اسف لو خرجت بره موضوعك ... إن شاء الله يتباع بسعر مناسب

التفاصيل سهلة جدا ومعظمها كان ردود من الاخوة الاعضاء هنا.

سالت فى التوكيل وقالولى سعرهم 700 جنيه.روحت فرع التوكيل فى شارع دمشق قاللى ب 630 بعد التخفيض وكنت هشتريهم بس ملقتش الاتنين لقيت اليمين بس وكانوا هيجوا تانى يوم.

سالت موزع معتمد فى شارع دمشق جنب التوكيل قاللى 500 .

دخلت على التوكيل قلتله ورينى العلبة اليمين وبصيت عند الموزع المعتمد لقيتهم مختلفين.بتاعة التوكيل مقفوله بلصق وتمام وبتاعة الموزع مفتوحة ومش نفس النوع.

لقيت فوجات صينى ب 340 وحاجة محترمة بس انا مبشجعش الصينى ولو ببلاش

سالت على الفبره فى التوكيل قاللى 275 جنيه ومش موجودة عند الموزع.بس كنت هشتريها عشان يبقى الشغل نضيف.وكان واحد من الاعضاء هنا قاللى ب 195 فانا مسالتش تانى على سعرها .

المفتاح مش موجود غير فى التوكيل.104.5

الكهربائى من شارع دمشق قاللى 160 تركيب بالضفيرة وكله لحد ما اشغلهملك.

سالت الكهربائى اللى بتعامل معاه عن الشبورة الاصلى قاللى بتيجى بكتاوتها ولو لا تبقى مضروبة.بس انا نسيت اسال فى التوكيل معاها الكتاوت ولا لا.

الخلاصة والنصيحة لو ناوى تركبهم وتدفع يبقى متسترخصش وهات النضيف.وممكن تستغنى عن الفبرة لو عندك حد يقطع الفبرة الفابريقة تمام.