اقتباس المشاركة الأصلية كتبت بواسطة xahhr مشاهدة المشاركة
شكرا لحضرتك
انا من المنصورة
اهلا بيكى والف مبروك العربية ربنا يديكى خيرها و يكفيكى شرها
بس هو غطاء الووتربروف انا اشتريته بس ده غالي ب 120 جنيه طيب ماهو يغري بالسرقة ولا انتو بتعملوا ايه؟؟؟
والله كل حاجة معرضة للسرقة اليومين دول دول حتى دلوقتى بيسرقوا العلامة بتاعة العربية
طيب انا اركب انذار وريح دماغي ( العربية مالهاش جراج )
طبعا العربية فيها انذار ولكن بيشتغل مع فتح الباب او الكبوت او الشنطة عنوة يعنى مش عن طريق خبط العربية
طيب اركبه في التوكيل بس انا لسه هارخص يوم السبت اساسا ولسه هابعت الرخصة علشان اخد الضمان يعني ممكن يعملوه في التوكيل من غير الضمان ويدوني فاتورة من عندهم يبقوا يثبتوها بعدين؟؟؟
التوكيل ما بيرداش يركب اي كماليات فى العربية و حضرتك لو ركبتى انذار برة كهرباء العربية بتخرج من الضمان يعنى انصحك ما تركبيش اي كماليات الا لما الضمان يخلص
طيب هو موضوع الضمان ده بيتأخر أد إيه ؟؟؟
حضرتك فى ناس بتستنى الضمان لما بتكون مشترية من معرض بالشهرين و الحل الاوقع ان حضرتك معلش تتعبى نفسك شوية او تتعبى حد يكون نازل القاهرة و يكون معاكو اصل الرخصة و يروح فرع منصور سور نادى الذمالك شارع جامعة الدول العربية المهندسين يوريهم الرخصة هايعملولوا كتيب الضمان فى خمس دقائق
شكر خاص جدا للاستاذ aymanmaly
احنا هنا كلنا اسرة واحدة ولا داعى للشكر ابدا
وليا سؤال
أنا ليه مش متخيلاك عجوز قوي زي ما انت في الصورة يعني الواحده تقولك يا جدو ولا ايه؟؟؟
حاجة زى كدة هاهاهاهاها
وهل الانذار ده ممكن اتحكم فيه بسهولة يعني بالليل اخليه حساس والصبح أنقص حساسيته ولا ايه؟؟
هو لو ركبتى انذار غير الى فى العربية ممكن تعملى كدة بس هاتزهقى بعد كدة لكن فى اجهزة انذار بيكون فيها شاشة فى الريموت بتديكى صوت و مكان الخبطة بس انا عند نصيحتى ما تركبيش اي كماليات علشان الضمان
هل ده فعلا يمنع السرقة ولا ولاد الايه اياهم ماخلوش؟؟؟؟؟؟؟
كان ليا صديق زمان كان مركب انذار و عربيتة اتسرقت و الحمد لله رجعت تانى فركب جهازين فى العربية و انسرقت تانى و الحمد لله رجعت فقرر انة يشيل اجهزة الانزار و العربية بعها و حجاب عربية تانة لانة اتشام منها و الحمد لله دى ماتسرقتش تانى :-)
على العموم الحرامى ما بيغلبش
فية فكرة اظن انها الاحسن ليكى و هى قفل دريكسيون بيبقى عبارة عن حديدة على شكل حرف S او قريبة من U و بيتثبت جزء منها فى الدريكسيون و الجزء الاخر على دواسة الدبرياج او البنزين و بتبق بمفتاح او ارقام و دى احسن حل و كمان تاكدى كل مرة و انت بتركنى العربية ان اللوك بتاع الدريكسيون مقفول
الحرص واجب ولكن لا يمنع قدر
أخيرا بيتكلف كام وايه عيوبه
دة حسب الجهاز الى انت عايذاة الاجهزة الجيدة من 175ج الى 650 ج شامل التركيب بس لازم تشترية و تركبية عند حد محترم
و بالتوفيق فى القرارات السليمة
و اي حاجة ثانية انا تحت امرك
و فية اعتزار واجب من طرفى ليكى بسبب انى كنت باكتب بصيغة المذكر اسف لانى عمرى ما قراءت انا بكتب لمين فارجو تقبل اعتزارى