-
اول sound system
السلام عليكم .
يا شباب نايل موتورز انا عربيتى لسه مفهاش اى ساوند سيستم غير الكاسيت و السماعات الفبريكه و كنت عايز اخد رأيكم فى طقم صوت و يكون جامد .. انا عندى ٤ سماعات فى الابواب ايه رأيكم اغير الاربع سماعات بغيرهم نفس المقاس و اركب سماعتين بيضاوى فى الرف يبقى كده ٦ و اركب بازوكا .. انا طالب مساعدتكم يا شباب اجيب ايه يعنى السماعات انواعها ايه و كام وات و اوصل جى ام على ايه فيهم و كده و ايه حكايه الكمبوننت بس فى حدود انى مش هخرم اى حاجه غير الرف اللى ورا و لازم اغير الهيد يونت الفبريكه ولا هو يقوم بالواجب ؟ يا جماعا فيدونى فى الحوار ده علشان معلومانى على قدى و اللى هتقولو عليه انا هعمله و اللى يدينى رأيه يعتبر انها عربيته
-
السلام عليكم ورحمة الله وبركاته
بص ياحج احمد فكك من البازوكا والشغل ده
انت هتجبللك صبين بايونير 1400 وات دبل كويل وهتعملهم صندوق عموله عند مجدى كلاريون او اى حد من الى فى وسط البلد وهتجبللك سماعتين كينوود 500 وات دبل بيز لو معاك نقديه لو العمليه محكومه يبقى تجبللك جوز سماعات بيونيير 460 وات او 4 سماعات 400 وات تايلندى
انا عن نفسى حاطط 4 سماعات لان البيز غبى وجامد فصوت الاغنيه مش هيبقى واضح كويس فلازم يكون عندك 4 سماعات على الاقل
والجى ام هاتهم سيمفونى
بص ياحج ده رقمى لو حبيت تستفسر عن حاجه علشان افيدك بجد 0121929999
وبالتوفيق ومبروك انضمامك ل nile motors audio department
-
اولا اهلا بيك فى نيل موتورز - قسم الصوتيات نورتنا :helloogreen:
اول حاجة حط فى دماغك شىء مهم اوى و هو انك هتجيب العدة مرة وحدة بس علاشان متغرمش كتير بمعنى العدة اللى هتعملها دلوقتى مش هتفكر انك تغيرها غير بعد فترة كبيرة و دة طبعا توفير اكبر فى الفلوس و الحوارات التانية :whtauwant:
اولا : سمعات بيضاوى يتحطو على بوردة خشب MDF سمك 1.5 سنتيمتر الى 2 سنتيمتر
*بالنسبة انواع السماعات و الواط بتعهم - جيب سمعتين كينود 400 واط 4 واى ( عادى او دبل بيز ) و لو هتزود سماعات يباء جيب اتنين سونى 450 واط ( طبعا السماعات هتها جديدة ) :3mla:
*بالنسبة للاسعار السماعات - الكينود 400 واط الدبل بيز تقريبا من 400 الى 480 جنية حسب المكان - السونى 450 واط الاسعار ببتراوح من 320 جنية الى 360 جنية حسب المكان برضو ):11:
* الفكرة من اختيار النوعين دول من السماعات هى انك تركب الكينود على الجى ام هتديلك بيز حلوة اوى و تريبل برضو - اما بالنسبة للسونى تركبها من السمعتين اللى فى الباب على الكاسيت هتسمع احلى وضوح صوت ممكن تتخيلة - يباء انت كدة عندك بيز حلو اوى و كمان وضوح صوت بكل تفصيلة و بيز - كدة انت خلصت من السماعات و البوردة بتاعتهم ( معلش انا عارف انى رغيت كتير بس بجد انا عايزة متقعش فى الغلاطات اللى وقعت فيها .:fdsa:
ثانيا : الصب ووفر او البازوكا : دية بتعتمد حسب ما انت بتحب تسمع بيز جامد جوة العربية او برة العربية ازاى كان بيز عميق ولا مفتوح حسب ما انت بتحب تسمع ولا انت طالبة معاك ديب ديب و طاخ و خلاص
انا بقيد الصب البيونير 1400 واط دبل كويل ( بسم الله ما شاء الله ) :S_thum1[1]:بيز حلوة اوى اوى و كمان 400 ار ام اس ( يعنى صافى قوة الخارج من الصب ) اما JBL و الرغى دة و بازوكا و كدة لا منصحكش ممكن تباء لو انت قافشة اوى معاك تركب بازوكا يباء عليك و على الانواع الغالية مثل كلاريون بتجبها بازوكا جاهزة على بعضها بس طبعا الاسعار فى العبيط و تخلف خليها فى بتاع الناس الكويسين البيونير و جبلو صندوق جاهز او اعملو عمولة فى كلاريون احمد عرابى تقفلهم حلو اوى فى الصنديق و بس مش اكتر من كدة:Bravo:
ثالثا : الامبليفير ( GM ):fun_10_9_134[1]:
طبعا لو هتركب صب واحد يباء متظلمهوش و ركبلة واحد كينود 740 واط 4 شانل + واحد كينود 350 واط للسمعتين الكينود 400 واط ( يباء اجمالى الجى ام 2 )
و على فكرة ياباشا هنحتاج نغير الكاسيت بتاع الفريكة بتاع العربية و نركب يا سونى او بايونير و يكون فية USB و وصلة موبايل او ام بى 3 ( AUX ) و تحكم صب و الاوبشن دة كلوة فى الاتنين و الصراحة الاتنين حلوين و انا بحب السونى و فى ناس بتحب البايونير و بيقولو او الخارج بتاعة اعلى و الله اعلم تعمل الكلام دة كلو و ان شاء الله الصوت هيعجبك اوى اوى و يباء ادعيلى :bye:
-
يا باشا نورت نايل موتورز
المفروض انك تقول عامل ميزانيه قد ايه للموضوع ده علشان الناس تقدر تتكلم فى حدود الميزانيه ..
حديلك عده مبدئيا وشوف انت تكلفتها وعلى الاساس ده قرر ممكن تزود حاجات ولا تبقى هى كده ..
الهيديونت : بايونير 5250 فى حدود 1050 جنيه
السماعات الخلفيه : طقم بايونير 400 وات فى حدود 285 جنيه
الصب : بايونير 1400 وات فى حدود 350 جنيه + بوكس عموله مش جاهز فى حدود 150 جنيه .... أو بازوكا جى بى ال فى حدود 620 جنيه ( حسب ما بتحب تسمع )
سماعات أماميه : سونى كومبنت 260 وات فى حدود 350 جنيه
جى ام : كينوود 720 وات 4 شانيل فى حدود 750 جنيه للصب و السماعتين البايونير
سلوك ووصلات و تركيب وبورده : مش عارف
سماعات ابواب خلفيه : سونى 190 وات فى حدود 140 جنيه
لو الميزانيه خرمت ممكن تستغنى عن الهيديونت البايونير وتجيب زيرو باور ..بس مش حيبقى زى البايونير
ولو معاك فلوس تانى حتجيب جى ام كينوود 350 وات للكومبنت فى حدود 400 جنيه
انا بتكلم على اساس ان سماعات الابواب عندك 16 سم
و شوف كمان رأى الشباب:verygood:
-
نصيحة منى و انا معى جيتز 2008 ياريت ما تغلطش علطتى و تخرم فى الرف الخلفى لانه مع المطباط هيخبط و هيكرهك فى العربية و انا فى الوقت الحالى بجمع و اجيب طقم سماعات كومبوننت فى الابواب مع البازوكا فى الشنطة كفاية اوى
-
ايواااااااان يا استاذ احمد انا بصراحه مصدقت لقيت حد معاه جيتز لأنى خايف اعمل حاجه تبوظ بس انا ليا سؤالين معلش .. اول سؤال الكمبوننت بتبقا بنفس مقاس السماعات الفبريكه ؟ و تانى سؤال انا لو ركبت ٤ كمبوننت فى الابواب على صب هيكفى الصوت كده؟ لأنى حاسس ان عده من غير بيضاوى ملهاش لازمه
-
و الله انا شايف البيضاوي مهم ف حاله غياب الصب انما طالما الصب موجود فكك من البيضاوي...ده رأي بناء علي معلومات نظريه و مش عارف بصراحه عمليا هتكون ايه النتيجه......
-
يمكن تركيب سماعات فى الابواب 16 لاكن فى جميع الاحوال متركبش سماعات فى الرف لان البلاستيك الى شايل الرف مش هيستحمل و بعد فترة هيعمل اصوات غريبة
-
يعنى تفتكرو لو سماعات ابواب مع صب هيقضو الغرض؟ ولا البيز هيغطى عليهم؟انا فعلا مقلق من حكايه الرف دى
-
لو جايب سماعات عاليه زي السوني الكمبوننت دي و مركبلهم جي ام مش هيغطي عليهم
Content Relevant URLs by
vBSEO 3.6.0 PL2