باختصار كده جاى اركب العربية فى مرة لاقيت المنظر ده
http://img708.imageshack.us/img708/8110/dsc010134.jpg
http://img529.imageshack.us/img529/7996/dsc010132.jpg
ايه الحل بقا ؟
ولو اتمعجنت ورشيت السقف كده قيمة العربية بتقل؟
عرض للطباعة
باختصار كده جاى اركب العربية فى مرة لاقيت المنظر ده
http://img708.imageshack.us/img708/8110/dsc010134.jpg
http://img529.imageshack.us/img529/7996/dsc010132.jpg
ايه الحل بقا ؟
ولو اتمعجنت ورشيت السقف كده قيمة العربية بتقل؟
صباح الرخامه يعني
ده ايه اللي وقع عليها دي
شكلهم مستفز اوي
بس عادي يعني اعتقد لو رشيت السقف مفيهاش حاجه
كأن العربيه اترشت كلها يعني
مش حتبان
الكلام ده لو فيه حاجه في القوايم الناس بتقلق
انما رش السقف نضافه دي مفيهاش حاجه
بس انتا معرفتش ايه سببها اصلا ؟؟؟
ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام
السلام عليكم
انا حصلت عندى بردة فى السقف انا جاتلى فكرة بس لسا معملتهاش بس انا بفكر اجيب استيكر بلون العربية وااقطعة على شكل دائرة قطرها اكبر من قطر النقرة والصقة عليها بس انا لسا منفزتهاش احسن ما تلعب فى السقف
هو اللون اتشال ولا مجرد نقرة عادية؟
ولا تضايق نفسك كل مشكله وليها حل ودى حلها انها تترد على البارد واياك ترش السقف بس المشكله اللى هاتضايقك هى فك السقف من الصالون محتاجه فعلا سروجى بيفهم علشان مايبوظش الكليبسات
والتقشير بتاع الدهان مش هايبان اوى بعد ما تترد
القلق من السمكرة ع البرد ان الصنيعي لازم يكون صنيعي مش كفتجى
لكن هية تترد ع البارد متقلقش
أولا الحمد لله بسيطه هو حضرتك كنت راكنها تحت عمارة او حاجه وقعت عليها من فوق
بالنسبه انها تتعالج فهى بسيطه زى ما زملاء قالوا
و طبعا حضرتك متضايق بس كام يوم و هتروق فمعلش الحمد لله
حلول اللى اعرفها كالأتى:
1- سمكره على بارد و ممكن بحته قطنه و دهان لونه عربيه تدهنها علشان متصديش
2- ممكن استيكر ساده قريب من لون عربيه و تقصه عليه بالضبط
3- فى ناس بتفيم سقف و بيبقى شكله جميل بس خليه فاميه مطفى مش بيلمع
4- فيه حاجه اسمها تجيلد انا دايما بشوفها ناس بتعملها على كابوت عربيه و بيبقى حلو و بيحمى من زلط على طريق سريع
ممكن يتعمل على سقف هيبقى حلو
5-شوفت على نت فيديوهات بيستخدموا استشوار لمده دقيقه و بعدين يرشوا ثلج اسبراى او يحطوا ثلج جاف و بترد تانى و فى اداه شبه شفاط لما حوض بيتسد و يستخدمة بيفيد بردوا
اهم حاجه لو قشرت ياريت تدهنها علشان متصديش روح لأى حد بتاع بويه يعملك شويه بعشره جنيه بلون عربيه و تدهنها لغايه متشوف حل توديها لسمكرى و تأخذ رأيه و تكلفه او تعمل موضوع استيكر او فاميه او تجليد
و ربنا يوفقك و تبقى طمنا حضرتك هتعمل ايه و ياريت لو تكلم استاذ طارق اكيد هيفيدك اكتر فى موضوع سمكرة هتبقى انضف
tn سؤال تانى بقا دلوقتى فيه سقف استيراد ؟ ولو فيه استيراد فيه منه بفتحة السقف؟ وطبعا فى الحالة دى انا هضطر اغير السقف من جوة حد جرب او شاف الموضوع ده قبل كده؟
اخر فكرة فى ناس بتحط شريطين بالطول لونه ابيض انت ممكن تعمل حاجه مشبه انك تجيب شريط شكله حاوه تعمله بعرض سقف هيغطيه و هيبقى شكله شيك انا عملتها عندى فى باب عربيه لما اتحك كل ناس بتقولى ايه روشنه دى و عجبهم جدا ميعرفوش هههههههههههه
معقووووول تغير السقف عشان نقرتين انا مش معاك في الفكرة دي
انا هقولك على الحل بس هو ممكن يكون صعب عليك شوية لو انا
مكانك بس هو دا أحسن الحلول السيئة وأحسن من فك السقف
والكلام دا ، نقر السقف بالظبط زي نقر العتب السمكري بيعمل فيها إيه
عشان يردها بيخرم خرم صغير على النقرة نفسها ويشد الصاج لبرة
ويلحم تاني ويمعجن ويرش ومتبانش بعد الرش نهائي أنا مجربها عندي في
العتب بس في عربيتي القديمة ومكنتش باينة خالص بعد الرش
لا طبعا اكيد مش عشان النقرة اغير السقف لو ماشى بالمبدأ ده كان زمانى غيرت العربية من اول سنة جبتها
الفكرة انى من زمان نفسى اركب فتحة سقف فيها وكنت عايز اعرض الفكرة هنا على المنتدى وبعدين هى مش فكرة جديدة يعنى اكيد فى كتير فكرو فيها قبل كده وادينا فى الاخر بندردش لحد مانشوفلها حل.
برغم أنها بسيطه بس بتزعل أوى
عندى نقره فى الكابوت منكده عليا....مبقتش أغسل العربيه عشان متبانش
على العموم....أنا سمعت قبل كده عن أجهزة الشفط سواء فى المنتدى أو من السمكريه
محدش يعرف عنها حاجه وفين الكلام ده !
شفت واحد عامل نفس الأستيكر اللى معمول على الكبوت ده
بس عامله على السقف ونفس لون عربية حضرتك وكان شكلها جميل جداً
http://img547.imageshack.us/img547/5...20009large.jpg
هو طبعاً ممنوع فى المرور ( بس اللى ليه ضهر :) )
لو هتجدد الرخصه قريب ولا حاجه....أسئل الأول ينفع ترخص بيه
ربنا معاك
انا عندي منها 3 على الكبوت
بس احمد ربنا امال انا اعمل ايه العربيه كانت لسه جديده لقيت اتضرب عليها طلقة من بندقيه رش خرمت الشنطه من جنب فتحة تنك البنزين وانا واقف!!
جرب الـdry ice الاول ولو منفعتش عادي فك السقف مفيهاش حاجه انا مرره شوية عيال طلعو عالسقف طبقوه والسمكري فكهولي ورده عالبارد من غير مشاكل مع ان عندي فتحة سقف وكنت خايف يحصلها حاجه لانه كان بيدق جنب المجره والازاز بتوع فتحة السقف
اجهزه الشفط دى ماتنفعش فى النقرات انما تنفع فى السطح الهابط فقط وتكون مساحته كبيره زى السقف والكابوت
وهاوريكوا فيديو ازاى بتترد النقرات فى العتب من غير مايفتح ويدق والشغل بتاع تحت الكوبرى ده
والشغل ده مايتعملش الا من واحد عنده ضمير بس طبعا بيكلف واغلب السمكريه مش بيعملوه علشان محدش بيقدره
[youtube]http://www.youtube.com/watch?v=gQOPGY0BveI[/youtube]
ألف شكر با أبو أياد
موضوع العتب ده كان عند واحد صاحبى وفعلاً السمكرى عملها كده
المشكله فى الطريقه ديه لازم الرش بعدها ( ده غير أنها بتشيل معجون كتير )
الف شكر يا ابو اياد على الفيديو انا كنت شفت الموضوع ده قبل كده فى العتب بردو عجبتنى الفكرة جدا العامل المصرى لما يشغل دماغو بيبدع
في حل اسهل
انك متركزش معاهم
ههههههههههههههههههههه
انا عندي نقرتين مقرفين في باب الشنطه بتاع الماروتي
ودي ولا يمكن تتعمل
او عالاقل انا سايبهم
وعندي وحده في السقف برضو
واكتشفت اني لو كل يوم هدقق هتعب
واحلى كلمة سمعتها في الموضوع ده
ان العربية في مصر ملكك من جوه بس
انما من بره فهي ملك الشعب المصري
ههههههههههههههههههههههههه هههه
يعني ممكن حضرتك تروح وتعملها بأي وسيله كانت ويجيلك واحد جزائري يعملك فيها خربوش يقرفك اكتر من اللي فاتو وهكذا
بالنسبه لفتحة السقف في ناس بتعملها وبتكلف 3000 جنيه تقريبا
تحياتي
كلام موزون و عجبنى جدا لأنى حاسس به ان دايما و انا سايق ببقى خايق على عربيه من خارج من ناس انما من داحل مفيش مشكله مرة كنت جاى من شغل و مش لقت ركنه و كنت تعبان فالمهم فضلت ادور لغايه ما لأقت ركنه و كسلت اغطيها انا يوميا بغطيها مرتين مرة لما اروح شغل و لما اجى منه نزلت صبح بفتح شنطه عربيه علشان اطلع مساحه و انظف عربيه من تراب هقبال ما تسحن افجأو الأقى سيجارة كامله متخدش منها نفسين و و قعت على مطاط اللى لافف حواين فتحه شنطه تقريبا حد و لعها و خذ نفس و حطها على سقف عربيه اتزحلقت على زجاج خلفى و وقعت فى حته دى و حرقتها اتضايقت و حمدت ربنا انها بسيطه و حاجات تانيه كتير مرة كنت مستنى و ركن و واقف فجأة سمعت صوت خبط فى شنطه الف و اشوف الأقى واحده رزعت شنطتها على شنطه عربيه و بتغير لأبنها طفل فسبتها بس و هى معديه بعد ما خلصت ادتها كلاكس علشان تعرف فرفعت اديها بتعتذر و اللى يضايق انها سبت بمبرز القديم على شنطه مش رمته ههههههههههههههههههههههههه ه
ابتسم فأنت فى مصر ... من كام يوم شفت ميكانيكي حاطط العدة بتاعتة وشنطة العدة فراشها على كبوت عربيتى قلبها ترابيزة
ومطلع البساتم والصبابات فوق عربيتى بعد مغسلهم بالجاز وبص بقى ع الكبوت وعلى ريحتة والسقف علية كوبايات شاي وقلبوها
قهوة .. حاجة تعل .. بالنسبة لصاحب المشاركة .. نصيحة لله سبها .. انا عربيتى الاولى كنت بحطها ف عينى بمعنى الكلمة
وباردو مش بتسلم واصرف واصلح وباردو الاقي فيها حاجات .. ملقتش حل غير الطناش .. المهم شكلها مقبول ومفيش حاجة
واخدة خبطة جامدة .. وميكانيكا سليمة .. وبس علي كدة .. فعلا العربية من برة ملك الشعب .. اتمتع بسيارتك وانسى النقر .. مع الوقت هتنسى . انا مقدر والله وحسيت بنفس احساسك دة .
انا عايز اشكركم على الكلام الجامد ده وعندكم حق طبعا وانا اصلا ماشى بالمبدأ ده بس كفاية بقا العربية بقت مخبطة من كل حتة بمعنى الكلمة وكلها خبطات وهى مركونة وده اللى غايظنى اكتر يالا الحمد لله
سألت النهارده فى دمشق على الاستيكر الكاربون لاقيتو ب150 جنيه السقف بسس
حد عنده فكرة لو هاشترى بالمتر بيتكلف كام ويتجاب منين؟