استفسار بخصوص الكبالن واعرضها وشوية حاجات كدة...............

**zocor742** · 12-01-2011 12:37 AM

السلام عليكم ورحمة الله وبركاتة
عملين اية اتمنى تكونوا جميعا بخير.

ندخل فى الموضوع على طول ........ دلوقتى العربية جابت معايا كبالن خصوصا الكوبلن اليمين هو اللى بيسمع فى الملفات . بس فية حاجة عايز اتاكد منها هل الكوبلن لية اى اعاض تانية غير الطقطقة فى الملفات...
لانى لما بمشى على ارض غير ممهدة بسمع صوت طقطقة شبية بصوت طقطقة الكوبلن تقريبا وساعات لما بعدى على مطب .... وبصراحة الصوت مسمع لما بمشى فى حتة مش ممهدة وحاجة تكسف فهل الصوت دة ايضا ناتج عن الكوبلن ولا حاجة تانية .
وياريت اعرف سعر جوز الكبالن كام الكورى الاصلى ...وهل ممكن اشترى كوبلن واحد ولا لازم الاتنين عشان يكونوا نفس الحالة ميبقاش واحد جديد والتنى نص نص .

تانى حاجة بقى .... الموضوع دة عملى ازمة نفسية بجد وشيكت على كل حاجة كل حاجة ومفيش عيب يؤدى لريحة العادم دى ....
كنت شاكك فى حساس الشكمان حطيت العربية على الاسكانر لقيت قراياتة عالية المهندس قالى زى الفل وقالى كل الحساسات عندك زى الفل والرشاشات قرايتها كويسة ... طيب الحمد لله .
طلعت البوجيهات لقيتها كويسة ومش مهببة يادوب شوية صدا خفاااااف جدا مش هيبانوا غير لما تركز اوى على السن والميكانيكى اكدلى انة من البنزين المغشوش ميا ومتخفش .... وقولت اغيرها بالمرة طالما فكيتها .... دورت نفس الريحة زى ماهى .
طيب فضلت اتابع الزيت بأستمرار يوميا مفيش نقص ملحوظ .... طيب اعمل اية تانى قولت اقطع الشك باليقين واعمل اختبار كبس للمكنة قومت متصل بالمهندس تانى وروحتلة الورشة وعملى اخبار كبس .والمكنة لسة بصحتها بفضل ربنا عاليا .

طيب لما كل دة مظبوط ومفيش حاجة بتهييس امال اية اللى مخلى ريحة العادم محسوسة . حاسس ان العادم سخن شوية هل دة طبيعى ولا لأ .
معلومة اخيرة كنت شايل علبة البيئة...............
اسف على الاطالة ومستنى رودكم

**MMamdouh** · 12-01-2011 12:41 PM

افتكر الكوبلن الاصلى ب 450 جنية... و ممكن تشترى واحد لوحدة بس يفضل تجيب الاتنين

كدة كدة انت عارف ان الكبالن تالفة فا غيرها و بعد كدة شوف الصوت اللى انت بتشكى منة اختفى ولا لسة موجود

MMamdouh

**tarek_2005** · 12-01-2011 12:58 PM

ريحة العادم

اخبار جوان الفرن ايه
ووصلة السوسته بتاعة الشكمان

**MMamdouh** · 12-01-2011 10:48 PM

انا مشتريتش الكوبلن قبل كدة فا مش عارف شكل العلبة بتاعت الاصلى ايه بس اكيد اكيد حتبقى عليها ستيكر GM اللى بيبقى على كل قطع الغيار الاصلية

MMamdouh

**احمد المصرى** · 13-01-2011 08:36 AM

ممكن تشتريه من ابو الحسن سمعته كويسه ومش بيخم هيقولك الانواع دى بكام وانت تختار

**pesso** · 14-01-2011 02:52 AM

المشاركة الأصلية كتبت بواسطة zocor742

والنهاردة عملت شوية شغل فى العفشة عشان كان فية تهبيد قدام .. غيرت دراعين اسكترة ب150 و 2بيضة دركسيون ب80 وجلب مقصات ب90 (مش الاصلى طبعا) اخدتهم على ضمانة المحل و4 جمايز جلب ب30 والراجل اللى اشتغل فى العربية اخد ب70 ج .
اية رأيكم فى الاسعار والمصنعية .
والحمد لله العفشة بقت فى التمام فاضل الكبالن بقى بس بعد ماتشورى عاليا اعمل اية...........

للاسف يا استاذ احمد انا من الاسكندرية فاصعب اروح لابو الحسن
بس عندنا الزرانى محل قطع غيار وصيانة معتمد دايو وشيفورلية وهيونداى .

مساء الفل عليك ومبروك على العفشه الجديده وبصراحه كده شغل تمام وانا شايف كمان الاسعار والمصنعيه معقوليين جدا علشان كده ياريت تقوللى فين الصنايعى ده وفين مكانه علشان اخوك تعب جدا من الصنايعيه وكمان تقوللى فين محل قطع الغيار بقى بالمره علشان يبقى كل شىء تمام ... انا من الاسكندريه (محرم بك)