يا باشا نا جايبها بالسعر ده من دايهاتسو المعادى
ال 1300 كاملة سبور اخر سعر كان 86500
عرض للطباعة
معاذ الف مبروك وربنا يباركلك فيها
العفشة هاتنعم بعد ما تكمل 5 الالاف كم
اللي عايز اسال عن اخبار استهلاك البنزين ايه
والكاتينة بتاعها سير ولا جنزير زي كرولا
هي الكورولا جنزير!!!!!!!!
انا اول مره اعرف كده
طيب و صوت الزنه اللي فيا ده بقي....رشاشات ولا سير
انا كنت فاكر زيك كده في الاول ولكن بعد ما العربيه مشت اكتر يعني انا دلوقتي حاجه وعشرين الفاقتباس:
4- العفشة : مش ناعمة اوى زىما انا كنت متخيل, انا لسه عامل صيانة الالف بتاعة تربيط العفشة و خلافه, علشان كده مش عاوز احكم عليها بدرى, لكن ادائها الحالى مرضى بالنسبة لى.
العفشه بقت مريحه اكتر من الأول بكتير
اقتباس:
كمان مفيش مثلا خاصية ال Pause
أزاي الخاصية دي عندي في العربيه
مش عندك ازاي
الثبات بصراحه يا معاذ انا مش معاك خالصاقتباس:
7- الثبات: ان لحد 1800 كم, كنت ماشى اخرى 80 كم/ساعة, مبقرصش على العربية, و مبحاولش اجرب ثباتها عامل ازاى. شوية شوية بقيت ابدأ اجرب ادائها فى الملفات على سرعة, فى المناورات على سرعة. النتيجة ان ثباتها جيد جدا (اخره 8 من 10), يساعدها فى كده طول قاعة العجلات, لكنه لن يرتقى لدرجة الامتياز بسبب ارتفاع العربية النسبى لمثيلاتها من نفس الفئة, ده غير العفشة بتاعتها و المعادلةالمعروفة (ثبات اكتر = عفشة انشف)
وهاعتبر انك لم تجري بالعربيه علشان انت لينت فتره كبيره
ولكن العربيه كل اللي بيركبها مش كلامي انا ان الثبات بتاعها ممتاز
وسهلة اللم جدا
يعني التحكم في العربيه جيد جدا
وجرب وانت ماشي في طريق فاضي على 100 مثلا وهات الدركسيون يمين خطف وشمال تعرف ان العربيه ثابته جدا في الحالات الطارئة كمان
ده انا في ملفات جامده على الطريق بعدي فيها ناس بسبب الموضوع ده علشان بعرف اقرص على الملف
العزل برضه مش معاك قوي فيهاقتباس:
11- العزل الداخلى: العربية العزل بتاعها مش جامد اوى, و ده بالنسبة لى بحبه, علشان ابقى متفاعل مع اللى حول منى, زى صوت الموتور و العربيات و خلافه.
لأن العربيه العزل حاجات كتير منها صوت الهوي اللي بيدخل من الشبابك وده شوفته في عربيات كتير ولكن عندي مش موجود يعني لو سمعت بودنك على كل شباك والعربيه ماشيه 140 مش هتلاقي صوت الهواء داخل العربيه وانما سوف تسمع صوت الهواء وهو بيرتطم في الخارج
اما صوت الماتور فده شئ طبيعي لأن الماتور قريب منك مع ان برضه عزله يعتبر جيد
وفي النهاية هو مفيش عيوب للعربيه ولا ايه ؟
اما بخصوص سير الكاتينه فهو جنزير برضه يا كريم زي الكورولا
ألف مبروك يا باشا و ربنا يحفظهالك
ألف شكر على التقييم الموضوعي و في إنتظار المزيد
الف مبروك عالسريون وشكرا على التقيم ده و الردود من ملاك السريون خصوصا الاخ ابو عبدالله انا اصلى شبطانة فالعربية ديه وبقول فيها شعر للناس فحاجة كويسة انى اعرف برضه كلام عملى من الملاك.
الف شكر يا فهد على الكلام الجميل ده
و ربنا يديم المحبة اللى بينا
الف شكر يا يوسفاقتباس:
تققيم جميل وواضح وفي منتهي الحياد
الله يبارك فيك يا مصطفى, عقبالك ان شاء اللهاقتباس:
مبروك يا معاذ، العربية دي بموت فيها
و انا عند وعدى ;)
الله يبارك فيك يا كريماقتباس:
معاذ الف مبروك وربنا يباركلك فيها
العفشة هاتنعم بعد ما تكمل 5 الالاف كم
اللي عايز اسال عن اخبار استهلاك البنزين ايه
والكاتينة بتاعها سير ولا جنزير زي كرولا
انا مش مستعجل على العفشة, و فعلا قالوا لى فى التوكيل انها هتنعم مع الوقت
استهلاك البنزين يا سيدى كالاتى:
متوسط 280 كم فى الصفيحة وقت التليين, يعنى من غير تكييف, و سرعة لا تتعدى 90 كم/ساعة
متوسط 240 كم فى الصفيحة بعد التليين, مع تشغيل التكييف, و شوية حرق كده من اللى قلبك يحبه
الله يخليك يا دكتوراقتباس:
ألف مبروك يا باشا و ربنا يحفظهالك
ألف شكر على التقييم الموضوعي و في إنتظار المزيد
الله يبارك فيكى يا araاقتباس:
الف مبروك عالسريون وشكرا على التقيم ده و الردود من ملاك السريون خصوصا الاخ ابو عبدالله انا اصلى شبطانة فالعربية ديه وبقول فيها شعر للناس فحاجة كويسة انى اعرف برضه كلام عملى من الملاك.
ان شاء الله ربنا يرزقك العربية دى, و تحت امرك فى اى استفسار
خاصية ال pause دى فين يا ابو عبد الله, اى زرار؟
انا لينت تقريبا 1700 كم , لأن مكتوب فى الكتالوج اول 1000 ميل تليين
بالنسبة للثبات ده كان انطباعى عنه مع بدايه انى اقرص على العربية, او اختبرها. على العموم انا فى مكان معين كده لما بحب اجرب ثبات عربية, بجرب هناك, و بيبان حتى و انت مش ماشى على سرعة عالية
العزلو هجرب اللى حضرتك قلت عليه, بس هو عامة مرضى بالنسبة لى (مريحنى) يعنى اكتر من كده يبقى وحش, او اقل من كده. لكن فى ناس حته العزل مهمة جدا لها, علشان كده ذكرتها.
كعيوب, طبعا صعب اوى اطلع عيوب كده من اولها, ده حتى فرحة العربية تروح :o
لكن عموما دى الحاجات اللى انا مش عاجبانى
1- صعوبة التعامل مع الراديو سىدى
2- ارتباط العدادات بالدركسيون, يعنى لو حركت الدركسيون لفوق او تحت , العدادات بتتحرك معاه.
3- البلاستيكات المستخدمة فى العربية, فى حاجات تحسها مفارقة من مكانها, يعنى هصور كام حاجة كده مش عاجبانى و تقولى حضرتك رأيك, ده غير انها ضعيفة نوعا ما.
4- عدم تصفيح العربية من الاسفل
5- صغر حجم حوض الموتور
دول حاليا اللى فى دماغى, علشان انا كنت ناوى اكتب السلبيات دى بالتفصيل, قريب, مع بعض الصور للحاجات اللى قصدى عليها
انا السي دي عندي زرار التشغيل اللي هو بلاي
هو هو نفسه لو ضغطت عليه اثناء التشغيل بيعمل توقف مؤقت
ارتباط العدادات انا معاك ولكن مش بيفرق قوي خصوصا انك لو مش بتحرك الدركسيون كتير
البلاستيك وانه مفارق انا هستنى صورلي الحاجات اللي عندك وانا اشوفها عندي لأن بصراحه انا انف جدا في الحاجات دي
ولكن عموما انا مفيش حاجه داخل العربيه حسيت انها مفارقه خاص
بالعكس
انا شايف كل الخطوط ماشيه مع بعضها بالملي
وبعدين انا عاوز اقولك اني فكيت التابلوه عندي مكان الكاسيت وشوفت هو متربط ازاي
بصراحه شغلهم ينقط في الدقة بتاعتهم في التقفيل
الحاجه متقفله فوق بعض بطريقه جامده
عدم تصفيح العربيه من تحت ده انا مش فاهمه
لأن بصراحه مش عارف ايه القصد بالظبط من التصفيح
لأن في ناس كتير بتقول على عربيات تصفيح وانا مش بلاقي فرق
العربيه من تحت اولا بطن العربيه عالي جدا عن اي مطب
يعني من الصعب جدا انك تحك
اما لو قصدك تحت الماتور
فأكيد الماتور فوق العجل الأمامي بالظبط
يعني عمر ما العربيه تزل او تحك في الحته دي
وعلى فكره في ناس اعرفهم معاهم عربيات تحت الماتور في حديد مصفح
ودخلوا في رصيف ولا اكن في حاجه والماتور خد الخابطه عادي
فانا مش عارف ايه الفايده
اما عن صغر حوض الماتور فده اكيد شئ متوقع من المنظر الخارجي للعربيه
ولكن لا تنسى ان في اختبارات الامن الماتور لم يدخل الكابينه نهائي ومفيش اي حاجه اتأثرت داخل الكابينه
وده معناه ان الماتور بيسقط من مكانه يعني متخفشي قوي من الحته دي
وممكن تشوف صور الأختبار وانت مش هتلاقي اي حاجه داخل الكابيه متحركه يعني حتى مفيش تأثير داخل الكابينه من التابلوه وكده ان الماتور ضغط عليهم مثلا
وفي انتظار الصور