مساعدة فى الاوبترا

**sherif309** · 12-01-2011 02:07 PM

انا لسه جايب اوبترا 2005 اوتوماتيك عامله 70000 كيلو وكنت عايز اعرف ايه الى المفروض اعمله

بالنسبه لزيت الفتيس ايه انسب زيت ويتغير امته وبكام وهل ليه فلتر ولا صفايه

زرار الهولد عندى بيرد لما بدوس عليه بس بينور فى التابلوة مع الدوارة وبيطفى بعد الدوارة متهيالى يكون الزرار نفسه بايظ؟

فى فتحه صغيرة ادام الفتيس لما رفعت الغطا الفضى بتاع الفتيس لقيت تحتها زرار اسمر صغير بس سايب ملهوش مكان فايرت لو حد عندة صور للزرار دة وايه هوا استخدامه

كرستاله المرايه عندى مطوسه هيا بكااام؟

الغطا الفضى الى على الفتيس الى موجود فيه الغيارات يا ترى بتتغير الباغه دى لوحدها ؟ وفى منها جديد ولا مستعمل؟ وبكام ؟

**sherif309** · 13-01-2011 02:15 PM

شباب هوا احدش بيرد ليه

انا عايز اعرف البكرة الى فى علبه التابلوة دى بيقولو عليها تلاجه

طب بتشتغل ازاىىى.

يا ريت لو حد يرد علا يا رجاله

**aymanmaly** · 13-01-2011 05:49 PM

بالنسبة لزيت الفتيس شوف اللينك دة
http://www.nilemotors.net/Nile/174580-a.html
بالنسبة للصيانة الدورية شوف اللينك دة و بعد كدة شوف اية الى اتعمل من صيانة كل 55000 و الى ماتعملش اعملة و بعد كدة و اعمل صيانة دورية عادية
http://www.nilemotors.net/Nile/185698-a.html
اما عن زرار الهولد شوف الموضوع دة و هو لمس والى بيعرفك شغال ولا لأ من التابلوة
http://www.nilemotors.net/Nile/195626-hold.html
اما عن البكرة فى درج التابلوة الكبير دى و انت مشغل التكيف تلفها ( بتلفة بايدك كأنك بتلف غطاء زاجة بس بالراحة ) هاتلاقى هواء من التكيف خارج منها لفها العكس الهواء هايقف بس لازم يكون التكيف شغال
نيجى لموضع الزرار تحت غطاء الفتيس
لو كنت صورتة كانت المعلومة هاتبقى اسرع
بس دة تقريبا من وصفك
فية فى الكافر البلاستيك او الفبر الى حضرتك شيلتة فاتحة هايكون الزرار دة تحتيها و دة بيعمل اية
لو العربية على ال p و عايز تجيب العربية على ال n من غير ما تدور العربية بتدخل فية المفتاح بالضغط بدون لف فادة هايفتح اللوك بتاع الفتيس و اكثر استعمالة لا قدر الله لو البطرية باظت و عايز تزق العربية من مكانها
لو فية اي حاجة لازلت عايز تسأل عليها لا تتردد
بالمرة شوف الموضوع دة فية ارقام مهمة
http://www.nilemotors.net/Nile/165539-a.html
بالتوفيق

**abou-yahia** · 13-01-2011 09:09 PM

انا عايز اقول حاجه يا عمده
انا باطالب باجتهاد اكتر من الاعضاء وخصوصا الاعضاء الجديده في البحث عن المعلومات داخل القسم
لان الموضوع اصبح دلوقتي اشبه بانك بتحط المعلومه في موضوع ردا علي عضو وبعدين الموضوع بيغرق وسط المواضيع ولا كأنه التيتانك
والناس بتكسل تنزل وراه تجيبه
انا والله مش بضايق من التكرار ولا اني اساعد حد جديد ما احنا كلنا في الاول كنا كده
لاكن الواحد حاسس انه بيصدي ومفيش مناقشات جاده جديده واقتراحات تفيد اصحاب العربيات
ياريت الاعضاء تتعاون معانا اكتر من كده
وشكرا

**Bassem Raafat** · 13-01-2011 09:12 PM

المشاركة الأصلية كتبت بواسطة afrtow

انا عايز اقول حاجه يا عمده
انا باطالب باجتهاد اكتر من الاعضاء وخصوصا الاعضاء الجديده في البحث عن المعلومات داخل القسم
لان الموضوع اصبح دلوقتي اشبه بانك بتحط المعلومه في موضوع ردا علي عضو وبعدين الموضوع بيغرق وسط المواضيع ولا كأنه التيتانك
والناس بتكسل تنزل وراه تجيبه
انا والله مش بضايق من التكرار ولا اني اساعد حد جديد ما احنا كلنا في الاول كنا كده
لاكن الواحد حاسس انه بيصدي ومفيش مناقشات جاده جديده واقتراحات تفيد اصحاب العربيات
ياريت الاعضاء تتعاون معانا اكتر من كده
وشكرا

100 100 يا أبو يحيى ، ودى فعلاً نقطه مهمه جداً إحنا إتكلمنا فيها قبل كده .

**sherif309** · 17-01-2011 10:28 AM

رجاله المنتدى الف الف الف شكر على المساعدة وعلى فكرة انا قريت كل المواضيع الى فى المنتدى عن الاوبترا وشكرا جدا على المجهودات الرائعه بس قى بعض التفاصيل الصغيرة مش مذكورة

يعنى زى منا مشاور فى الصور

انا معرفش الزراير دى بتاعت ايه والفتيس عندى بيتحرك من غير المفتاح والزرار الصغير دة انا لقيته بس ملهوش مكان

ويا ريت كمان هيا الباغه بتتغير ولا لاء

**sherif309** · 17-01-2011 11:09 AM

شباب اخيرا عرفت ارفع الصور

يا ريت حد يفدنى عن الزراير الى فى الصورة ولو الوش دة بيتباع مستعمل بكام وجديد بكام
وزرار الهولد قولت قبل كدة انه بينور فى التابلوة وبطفى بعد الدوارة ولكنه مش شغااااال واحيانا وانا ماشى بينور لوحدة فى التابلوة

وطبعا موضوع اللوك دة اصلا مش شغال عندى يعنى زى ما قولت قبل كدة الفتيس بيتحرك من غير مفتاح هلى دة عيب؟

**abou-yahia** · 17-01-2011 03:21 PM

اعتقد انك لازم تروح للحرفيين

بس الاهم نك لازم تروح مركز محترم تكشف علي الفتيس
عشان الصح ان زرار الفتيس مش بينور او يطفي اثناء سير العربيه
وكمان الفتيس مبيتحركش من غير المفتاح
لنصح بشده انك تغير زيت الفتيس ومتستناش عليه
وكمان تكشف علي في التوكيل عشان محدش يفتيلكك فيه
وشكرا