كارير ولا سامسونج ولا شارب

**gebreel** · 12-01-2011 05:50 PM

عندنا شارب و كارير في البيت و سامسونج في الشغل

شارب
كارير
سامسنج

**stormboy** · 13-01-2011 03:11 AM

انا ملاحظ انتشار شارب جامد و جربتو فى المصيف و كان ممتاز

**roky** · 13-01-2011 03:22 AM

بصرحة احنا صعايدة و فـ عُرفنا التكييف ده عيب ... لكن عندنا شفاط في المطبخ

كان عندنا في الشغل في أوضة الاجهزة (السيرفر) كان فيه كذا تكيف و عطلم و في الاخر جابو شارب سبليت ( و أتركب علي أيدي) و شغال زي الحلاوة و الاجهزة متكيفة و السرافر عملت دماغ عال العال ..

بالنسبة للفرق مابينهم .. زي مالاخ العزيز Eng:Mohamed وضح الفرق بطريقة وافية هندسية .. أسمحلي اشرح بعض الفروق بطريقة "منزلية"

بالنسبة للشباك .. ف من أسمه شباك .. يعني أسهر طريقة لتركيبه يتركب في شباك عندك في الاوضة.. و طبعا بتحتاج تعمل تقيفلة للشباك عشان يبقي مقاس التكييف بالظبط .. و بكده بتخسر الشباك و مش بستعمله .. و في نفس الوقت شكل التقفيلة مابيكونش حلو قوي ... ده غير أنك لو معندكش شباك مناسب بتضطر تكسر في الحيطة عشان تعمله فتحة مناسبة .. و لو جيت في يوم شيلته بيسيب طبعا فراغ في الحيطة و تضطر يأما تحشر طوب و تمحرها و تدهنها .. أو زي مالبعض بيعملو تركب خشبة ابلكاش مكانه (بيبقي شكلها عرّه) و برضك في الحالة دي التقفيلة شكلها مش بيبقي حلو قوي
و دي نفس المشكلة اللي واجهت الحاجة في تركيب شفاط المطبخ حدانا في البلد و لكن اسقرينا علي تقفيل حتة من شباك المطبخ عشان تبقي علي قد الشفاط
طبعا التكييف الشباك ده صوته بيبقي واضح جداً عندك في الاوضة لان كله علي بعضه كتله واحدة بس نصها جوة و نصها بره .

أما الآسبليت ف كل اللي بتحتاك تفتحة في الحيطة هو فتحة صغيرة علي قد ماسورة الهواء اللي بتوصل ما بين الكومبرسور و بين وش التكييف .. و اللي بيبقي حجمة اصغر جوه الاوضة .. و الصوت بيبقي كله بره و مش مزعج زي الشباك .. لكن طبعاً كله بتمنه

و طبعا هنا لا يفوتنا سهولة تركيب الشباك عن السبليت بالنسبة للصنايعي .. و الحكم لحضرتك طبعا

**mailo** · 13-01-2011 12:15 PM

المشاركة الأصلية كتبت بواسطة amrrr

انا مجرب كارير كتير
السبليت هايل وصوته طبعا مفيش لأنه بيبقى برة
الشباك حلو بس صوته عالي بطريقة ملحوظة
ماشاء الله مفيش ولا واحد منهم عطل !!! بتاع اوضتي بس عطلان وهاصلحه ان شاء الله في الشتاء دا & ودا راكب بقاله اربع مواسم صيف وشغال طول الصيف بارد طبعا وفي الشتاء مروحة عشان كنت بادخن في الاوضة على طول فــ تقريبا الجهاز ماكانشي بيتطفي بقاله تلات او اربع سنين ومن غير ولا مرة صيانة ودا طبعا استهلاك مش عادي

الماركات التانية اللي انت قلت عليها انا مجربتهاش ولا سمعت عنها حاجة

أنا عندي فالشركة كارير وطبعا شغال ليل مع نهار وال كومنت الوحيد إن فيه كمبرسور عامل صوت زنة شوية بس شكله من 5000 سنة مثلا

المشاركة الأصلية كتبت بواسطة elmkaneeki

sharp والله ممتاز عندنا فى البيت

شكرا ياباشا

المشاركة الأصلية كتبت بواسطة felix

عن تجربة للكارير والشارب اقدر اقولك ان الكارير ملوش اي لازمة لو قدرتو قليلة لكن الشارب جامد اوي

مش فاهم قدرته قليلا دي يعني إيه
يعني 2.25 كارير ضعيف ؟

المشاركة الأصلية كتبت بواسطة shooter123

الكارير طبعا عن تجربة بيستحمل وقوي جدا وعلي فكرة صيانته زي ما انت قلت غالية ولكنها قليلة الحدوث

شكرا عالمعلومة

المشاركة الأصلية كتبت بواسطة eng:mohamed

شوف يا فندم
أول االفرق بين السبليت و الشباك.
إن الأول وحدتين منفصلتين..الأولي الخارجيه تحتوي على الكباس و الكوندينسور و مروحة تبريد الكوندينسر.
أما الثانيه الداخليه تحتوي على المبخر و مراوح تقليب وسحب الهواء حتي يمر على المبخر(السربنتينه) منخفضه الحراره..عشان تديك هواء بارد في الصيف.
لو الكتييف مزود بدائره عكسيه(يعني التكييف بارد وساخن)بيكون فيه صمام بيعكس إتجاه الدائره و يخلي السخن بارد والعكس (بالبلدي كده.)
طبعا الشباك رخيص مقارنة بالسبليت.بس صوته عالي و مزعج جدا.وإن كانت صيانة سهله مقارنة بالتاني.
الإسبليت غالي و صيانته معقده نوعا ما..بس ممتاز من ناحية القدره و الكفاءه و إنخفاض صوته و تكلفة تشغيله.
من ناحية الأنواع.
أنا أرشح كاريير..و ويستنجهاوس و شارب بالترتيب.
صيانة الأجهزه مش مكلفه زي محضرتك متصور ولا تختلف بإختلاف أنواعه إلا قليلا

شكرا جدا على المعلومات بتاعتك
أنا سمعت عن الويستنجهاوس بس مشفتوش عند حد عشان كده أنا حطيت مكانه السامسونج

**ahmed_su** · 13-01-2011 01:36 PM

الويت ويسنجهاوس هو هو الكارير والفرق اللوجو

و وش مروحة الكباس - الشركة واحدة ميراكو - وده علشان تزود الماركت شير

الكارير والويت ويستنج هاوس كان زمان - دلوقتى بقو اى كلام

وعيوب صناعة وخامات بقت اى كلام

الشارب لا غبار عليه هو الكينح اليومين دول - اشترى راحتك

**ahmadmidop** · 14-01-2011 02:23 AM

shaaaaaaaaaaaaaaarp

**Amr A.salam** · 14-01-2011 08:05 AM

SHARP premium plus 2011

مافيش زيه

ال2.25 حصان الاسبليت تمنه 4500 جنيه

**wassim_nasser** · 14-01-2011 12:27 PM

انا رأيى شارب سبليت لسببين : اول حاجة ان الجهاز مالوش صوت - استهلاك كهربا قليل - استخدامه سهل - ميزة التربو فظيعة بتسقع الاوضة فى 45 ثانية وبعد كده بتبطل التربو وتثبت حرارة الاوضة زي ماتحب - ميزة الايونايزر ودي بتنقى الهوا من الجراثيم والروايح

تانى حاجه خدمات مابعد البيع : صيانة لحد باب البيت ورخيصة - مواعيد الصيانة نفسها منضبطة يعنى مش بيطنشو بالاضافة ان الجهاز نفسه اديله عندي 4 سنين بنفحته ف الصيف ومايقولش لأ يعنى تقريبا مفيش اعطال بخلاف الكارير باحس ان اعطاله كتيرة هو بس عيبه الوحيد ان مهندس الصيانة ساعات بيفتكر نفسه باتمان فا بيركب ع الوحدة الخارجية عشان يغلف الكابل بشيكرتون فا ممكن يقع و يجبلك مصيبه

-

الموضوع: كارير ولا سامسونج ولا شارب

LinkBack

أدوات الموضوع

عرض

-

-

-

-

-

-

المواضيع المتشابهه

تجربة مع يونيون جروب ( وكيل سامسونج ) ونصيحة فى موبايلات سامسونج ..

سماعة بلوتوث سامسونج مع سامسونج اندرويد - أرجو الإفادة

ايهما الافضل تكييف شارب ولا سامسونج؟

اية افضل تكيفات موديلات كارير الجديدة

سعر تكييف شارب

الكلمات الدلالية لهذا الموضوع

المفضلات

المفضلات

ضوابط المشاركة