كارير ولا سامسونج ولا شارب

**elmkaneeki** · 14-01-2011 12:59 PM

المشاركة الأصلية كتبت بواسطة mailo

كارير أغلى من الشارب والسامسونج أغلى من الشارب برده فالسعر على حسب معلوماتي

شكرا على كل الردود

طب كده بقى النتيجة
شارب 8
كارير 2
سامسونج 1.5

شارب هو الكسبان لحد دلوقتي

أنا بفكر أجيب واحد من كل نوع واجرب وأشوف أنا هشتيري إيه :p

لا يا فندم انا لما جيت اجيب الشارب الى عندى جبته بارد بس ب 2900 وبارد وساخن كان ب 3100
المنافس بتاعه الساخن والبارد كان ب 2600
شارب اغلى بس انا جبته على اساس كلام الناس الى نصحونى وفعلا طلع 10على 10 ما شاء الله
توكل على الله وهاته ومش هتندم

**م. عمرو شرف** · 14-01-2011 09:52 PM

السلام عليكم
شوف يا سيدى
كلام كل الزملاء صح
بس هقولك على حاجه كمان
الفرق بين الأجهزه زى الفرق بين زيت شل وزيت موبيل
كلهم حاجه واحده وتكنولوجيا واحده ( لأن مفيش تكنولوجيا فيه أصلا ) وسيبك من الموزعيين اللى يقولولك أصل الفلتر والكباس والمحتاس والكلام ده كله كلام أونطه.
بس فيه فروق بسيطه تخلينى أختار شارب وهى:
صوت الجهاز الشارب الشباك أوطى صوت فيهم
خدمه بعد البيع فى توشيبا العربى أفضلهم
مش محتاج تروح تدور عليهم أتصل على الخط الساخن وأديله العنوان وخلال 48 ساعه حيكلمك أقرب موزع لشارب وييجى يركبهولك لأن العربى ليه موزعين مخصوصين

فيه نقطه مهمه لكل الأعضاء
موضوع الضمان على الجهاز والكباس وكام سنه دى ( لأن فيه ناس بتنخدع بيها ) ليها شرط أنك تكون بتعمل الصيانه الدوريه مع موزع معتمد ( زى ضمان العربيه كده ) ودى ليها مصاريف مش كل الشركات مجانيه

أتمنى أكون أفدتك زى باقى الأعضاء ما تكرموا بأفادتك

مع خالص تحياتى
م/ عمرو شرف

**memos** · 15-01-2011 12:04 AM

اخي العزيز انا مهندس تكيف واحب اقول لك كلام ممكن ينفعك في اختيارك اولا لما تحب تشتري تكيف بص الاول لخدمه ما بعد البيع وشوف انه شركه هتبقي مظبوطه معاك ثانيا تبص علي الشركه واصلها هل هي متخصصه في التكييف ولا ده اضافه لمنتجاتها ثالثا بص للسعروانه اوفرلائني هقولك كلمه في ودنك كل الشركات بتستعمل كباسات واحده وهي اما ال جي اوسامسونج او ريشي وكلها كوري فمحدش يضحك عليك ويقولك اصل ده افضل من ده الي بيحصل ان الجهاز بتحس بيه لما يبقي مناسب للغرفه او اكبرشويه ساعتها بتقول ده ممتاز انما كل شركه عندها عيب
اولا كارير ضمان سنه وبيضحكوا علي الناس ويقولوا تلاته عشان تشتري وبعد البيع يحصل الي يحصل ثانيا خدمه ما بعد البيع اسوا ما يكون
شارب جهاز جميل لو فضل سليم والمشكله انهم لم يستطيعوا تحمل كثره العملاء فاوكلوا بالصيانه لبعض الموزعين الي فيهم الكويس وفيهم الوحش
السامسونج جهاز جميل بس ايه اخبار قطع غياره وصيانته لسه محدش يعرف
اليونيون اير ضمات حقيقي بس عامل زي العربيه 128وسعره ارخصهم
الترين جهاز جميل غالي شويه بس قوي واقوي من الجميع عيبه ان مروحته قويه بتتعب الي امامها مع انه صيني بالكامل بس درجه اولي
انا شرحتلك كل حاجه والي نفسك فيه اعمله لك تحياتي

**mailo** · 18-01-2011 11:00 AM

المشاركة الأصلية كتبت بواسطة Amr A.salam

SHARP premium plus 2011

مافيش زيه

ال2.25 حصان الاسبليت تمنه 4500 جنيه

أيوه كده أنا سألت واحد على الاسعار وقال لي الرنج ده والناس بتتكلم في 3000 وكده قلت الراجل ده نصاب

المشاركة الأصلية كتبت بواسطة wassim_nasser

انا رأيى شارب سبليت لسببين : اول حاجة ان الجهاز مالوش صوت - استهلاك كهربا قليل - استخدامه سهل - ميزة التربو فظيعة بتسقع الاوضة فى 45 ثانية وبعد كده بتبطل التربو وتثبت حرارة الاوضة زي ماتحب - ميزة الايونايزر ودي بتنقى الهوا من الجراثيم والروايح

أنا جربت موضوع الايونيذر ده فالشركة الادمة وفعلا بأحس إن الهوا بتاعه فريش شوية عشان كده مهما كان النوع اللي هشتريه لازم يكون فيه الميزة دي

المشاركة الأصلية كتبت بواسطة elmkaneeki

لا يا فندم انا لما جيت اجيب الشارب الى عندى جبته بارد بس ب 2900 وبارد وساخن كان ب 3100
المنافس بتاعه الساخن والبارد كان ب 2600
شارب اغلى بس انا جبته على اساس كلام الناس الى نصحونى وفعلا طلع 10على 10 ما شاء الله
توكل على الله وهاته ومش هتندم

أنا مش متخيل إني هستعمل السخن ده قوي بس أنا أسمع -معرفش- إن بارد/ساخن بتبقى فيه options أكتر أنا مش عارف إيه بس سمعت

المشاركة الأصلية كتبت بواسطة sharafconsult

السلام عليكم
شوف يا سيدى
كلام كل الزملاء صح
بس هقولك على حاجه كمان
الفرق بين الأجهزه زى الفرق بين زيت شل وزيت موبيل
كلهم حاجه واحده وتكنولوجيا واحده ( لأن مفيش تكنولوجيا فيه أصلا ) وسيبك من الموزعيين اللى يقولولك أصل الفلتر والكباس والمحتاس والكلام ده كله كلام أونطه.
بس فيه فروق بسيطه تخلينى أختار شارب وهى:
صوت الجهاز الشارب الشباك أوطى صوت فيهم
خدمه بعد البيع فى توشيبا العربى أفضلهم
مش محتاج تروح تدور عليهم أتصل على الخط الساخن وأديله العنوان وخلال 48 ساعه حيكلمك أقرب موزع لشارب وييجى يركبهولك لأن العربى ليه موزعين مخصوصين

فيه نقطه مهمه لكل الأعضاء
موضوع الضمان على الجهاز والكباس وكام سنه دى ( لأن فيه ناس بتنخدع بيها ) ليها شرط أنك تكون بتعمل الصيانه الدوريه مع موزع معتمد ( زى ضمان العربيه كده ) ودى ليها مصاريف مش كل الشركات مجانيه

أتمنى أكون أفدتك زى باقى الأعضاء ما تكرموا بأفادتك

مع خالص تحياتى
م/ عمرو شرف

المشاركة الأصلية كتبت بواسطة memos

اخي العزيز انا مهندس تكيف واحب اقول لك كلام ممكن ينفعك في اختيارك اولا لما تحب تشتري تكيف بص الاول لخدمه ما بعد البيع وشوف انه شركه هتبقي مظبوطه معاك ثانيا تبص علي الشركه واصلها هل هي متخصصه في التكييف ولا ده اضافه لمنتجاتها ثالثا بص للسعروانه اوفرلائني هقولك كلمه في ودنك كل الشركات بتستعمل كباسات واحده وهي اما ال جي اوسامسونج او ريشي وكلها كوري فمحدش يضحك عليك ويقولك اصل ده افضل من ده الي بيحصل ان الجهاز بتحس بيه لما يبقي مناسب للغرفه او اكبرشويه ساعتها بتقول ده ممتاز انما كل شركه عندها عيب
اولا كارير ضمان سنه وبيضحكوا علي الناس ويقولوا تلاته عشان تشتري وبعد البيع يحصل الي يحصل ثانيا خدمه ما بعد البيع اسوا ما يكون
شارب جهاز جميل لو فضل سليم والمشكله انهم لم يستطيعوا تحمل كثره العملاء فاوكلوا بالصيانه لبعض الموزعين الي فيهم الكويس وفيهم الوحش
السامسونج جهاز جميل بس ايه اخبار قطع غياره وصيانته لسه محدش يعرف
اليونيون اير ضمات حقيقي بس عامل زي العربيه 128وسعره ارخصهم
الترين جهاز جميل غالي شويه بس قوي واقوي من الجميع عيبه ان مروحته قويه بتتعب الي امامها مع انه صيني بالكامل بس درجه اولي
انا شرحتلك كل حاجه والي نفسك فيه اعمله لك تحياتي

شكرا على الاهتمام وأكيد إن شاء الله هاستفيد بالكلام ده وأنا بشتري

**Mohamed Fathy** · 18-01-2011 11:39 AM

شارب جميل جدا

**M.Yahia** · 19-01-2011 02:28 AM

بص يا باشا عن تجربة شخصية احنا عندنا 4 تكيفات فى البيت ابعد تماما عن الشباك و ادفع اكتر فى الاول بس حتشترى دماغك بجد بعد كدا ...... بالنسبة للنوعية الشارب احسن واحد فى اللى انت قايلهم و ممتاز معانا من 5 سنين و تمام التمام و الصيانة بتاعته محترمة جدا و الضمان كويس قوى ...... بالتوفيق فى الاختيار