| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 18

  1. #1

    الصورة الرمزية أبو صلاح

    رقم العضوية : 30921

    تاريخ التسجيل : 23Jan2009

    المشاركات : 4,877

    النوع : ذكر

    الاقامة : KSA

    السيارة: kia rio 2001

    السيارة[2]: Lincoln Town Car 2001 4.6

    دراجة بخارية: لايوجد

    الحالة : أبو صلاح غير متواجد حالياً

    افتراضي سيدتي :لماذا يعشق الرجال الجلوس على المقاهي - ساخر - Facebook Twitter whatsapp انشر الموضوع فى :

    hasad">

    لعل المرأة تندهش من الرجل الذي يتركها فجأة وينزل من البيت ليجلس على المقهى المعفن، هناك 5 أسرار !
    لعل المرأة تندهش من الرجل الذي يتركها فجأة وينزل من البيت ولا يطيق أن يجلس مع مامتها إللي هي حماته ويستمتع بالقفشات اللذيذة وخفة دمها وبساطتها في التعامل وروحها المرحة –ده من وجهة نظر الزوجة طبعا-، بينما يتركها وينزل يجلس على المقهى المعفن مع أصحابه الرجال المقاطيع وسط دوشة وكراسي خشب متعبة ودخان كثيف –وده أيضا من وجهة نظر المرأة- بينما لا تعرف أن هناك 5 اسباب تجعل الرجل عاشقا للمقهى مهما كان بسيطا ولا تتوافر فيه سبل الراحة:
    لا يُرفض له طلب
    بالطبع عمر الرجل ما يقعد على القهوة ويقول للقهوجي واحد شاي على بوسطة سكر برة ليرد عليه القهوجي قائلا "أنا تعبان .. قوم اعمل انت .. وبالمرة وانت واقف هتلاقي كوبايات مش نضيفة اغسلها .. ومتنساش ترجع كوبايتك المطبخ وتغسلها مش هجري أنا ورا كوبايات الشاي إللي بتسيبها في كل مكان" فهذه الجملة الطويلة السابقة يسمعها الرجل في البيت حتى ولو كانت زوجته صحتها بمب، ولكنه لن يسمعها على القهوة مطلقا حتى لو كان القهوجي تعبان بالفعل ووراه مواعين قد كدة.
    فالرجل يأمر فيطاع على المقهى، ولكنه يأمر فمراته تسقعله في البيت، وعمره ما يطلب حاجة وتتنفذ على طول، لازم رغي وكتر كلام ومقاوحة ورفض.
    تكلم براحته
    لن يمكن أن يحكي الرجل عن مديره البصباص إللي ماشي مع السكرتيرة ليجد صديقه الجالس بجانبه على القهوة يقول "تلاقيك انت كمان زيه .. صنف نمرود ميملاش عنيه إلا التراب.. ما انتوا عجينة واحدة .. بوريه من الرجالة بوريه .. أيوة يا خويا اعمل إنك مش سامع .. ياما تحت السواهي دواهي" فهذه الجملة يا عزيزي يسمعها في المنزل رغم أنه لم يبدي إعجابه بالسكرتيرة ولكنه يحكي عن مديره البصباص وينتقد ذلك، ولكن مراته تقف له على الواحدة وهات يا تقطيم ورمي كلام وتجريح على الفاضي.
    الرجل يتكلم براحته على القهوة ولا يفكر قبل أن ينطق، ولا ...

    الرجل يتكلم براحته على القهوة ولا يفكر قبل أن ينطق، ولا يخاف من أن يقول "يارب الأهلي يكسب اسمنت أسيوط" فهو إذا قالها في المنزل فسيجد كائن منعكش خارج من المطبخ ولابس المريلة وبيقول "ومالك مش طايق الأسايطة كدة .. عملنالك إيه ياخويا".
    يتصرف بحرية
    هل يمكن أن يذهب الرجل ويجلس في ركن على المقهى ثم يأتي القهوجي ويقوله "لو سمحت قوم من هنا عشان لسة منضف الحتة دي؟" لأ طبعا .. عمر ما القهوجي يقول كدة، الزوجة بس هي إللي ممكن تقول لجوزها "ما تقعد في حتة تانية .. حبكت القراية في الحتة دي .. ده أنا حيلي اتهد في تنضيفها وترتيبها" وهنا ينظر الرجل للسماء ويسأل سؤالا بديهيا جدا "ياربي يعني عشان هي منضفة يبقى أنا مقعدش عشان موسخش المكان.. لازم يعني أقعد في حتة متوسخة.. أمال هي بتنضف علشان مين؟".
    فالرجل على القهوة يقوم ويقعد ويغير مكان الكراسي ويطلب طقطوقة (ترابيزة يعني) ومبسم شيشة يقعد يعضعض في أمه ويتفتف على الأرض بدون أي حرج، ولكنه في المنزل لو وقعت منه لبيسة قلم غصب عنه فلا داعي عزيزي القارئ أن أذكر لك ماذا ستقول زوجته، حيث نظرتها تكفي كي تجعله يتنطر ويفذ على حيله ويحضرها سريعا.
    يشعر برجولته
    هل يمكن أن يقوم صديق الرجل بأن يمسك ريموت التليفزيون ويغير القناة عندما تعرض كليب بوس الواوا، أو هل يمكنه أن يغير القناة التي تعرض فيلم لإيناس الدغيدي ويذهب إلى قناة تعرض فيلم حبيبي دائما؟ استحالة الصديق الصدوق يعمل كدة إما رغبة منه في فيلم إيناس أو خوفا من الوحوش المتسمرة على الكراسي في القهوة أمام الفيلم، ولكن الزوجة تفعل ذلك وأكتر، كما أنها لا تقترب من ميلودي ولا مزيكا طول ما جوزها في البيت كي لا يتهور بإللي في ايده ويعملها واوا حين يشاهد بوس الواوا، كما أن الرجل لو تنح لكليب معين ربما يجد صديقه يداعبه "كفاية يا جدع دا انت كلتها بعنيك" وهنا يشعر برجولته ويبدي إعجابه الشديد بها دون أي خجل، ولكنه إذا لم لم يأخذ حذره وبان عليه إعجابه بكليب معين في منزله، ...
    فربما يجد زوجته تتهكم عليه بكلام ملوش أي لازمة بتاع "ياراجل نظرك هيروح من البص .. ده هو الحاجة الوحيدة السليمة فيك ومباظتش بدري بدري".
    يتذكر أيام العزوبية
    صهللة وسهر وضحك وأكل وتكريع وتهييس ومعاكسة كلها أشياء تحدث في أيام العزوبية وتحديدا على القهوة، فالزواج خالي من الصهللة لأنها دوشة، ومن السهر لأن الهانم تعبانة من شغل البيت –رغم إنها معملتش حاجة- والضحك هو نوع من الروقان الزيادة والتفاهة، والأكل بشراهة هو نوع من البوهيمية وعدم الاتيكيت، والتكريع حاجة مقرفة ولا تدعو للفخر، أما التهييس فهو لأصحاب الفلوس والبال المرتاح – وأنت بالطبع لست منهم على حد زعم زوجتك- بالإضافة إلى أن معاكسة الناس في الشارع فيها قطع رقبتك، فتخيل أن كل المتع السابقة تختفي بعد الزواج وكلها متع كانت تتحقق على القهوة وانت قاعد باشا ملك لا يشغلك شيء ولا تنظر في الساعة وتفزع حين تجد الساعة 11 وتقول "يانهار اسود لازم اروح أنا اتأخرت قوي" فأيام العزوبية كنت تنظر في الساعة لتجدها 11 ليلا وأنت مازلت في منزلك لتتصل بزميلك وتقوله "ها .. فاضي ننزل النهاردة بليل؟".


    المصدر
    http://helwa.maktoob.com/sec6000/art97078/pno1/title_لماذا-يعشق-الرجال-المقهى؟/index.htm


  2. #2

    الصورة الرمزية م.محمد علاء

    رقم العضوية : 28477

    تاريخ التسجيل : 26Dec2008

    المشاركات : 2,066

    النوع : ذكر

    الاقامة : جدة.المملكة العربية السعودية

    السيارة: هيونداي I 10 MT GL

    السيارة[2]: نيسان صنى2009 AT Ex

    دراجة بخارية: لا يوجد

    الحالة : م.محمد علاء غير متواجد حالياً

    افتراضي -

    ههههههههههههههههههه
    معاك حق يا ابو صلاح..في كل كلمه والله..

    م/محمد علاء
    مش شرط اعجب كل الناس .....لان مش كل الناس بتعجبني
    eng:mohamed سابقا


  3. #3

    الصورة الرمزية نور القمر

    رقم العضوية : 7138

    تاريخ التسجيل : 08Mar2008

    المشاركات : 8,275

    النوع : انثى

    الاقامة : ..............

    السيارة: .............

    السيارة[2]: ..............

    دراجة بخارية: ...................زز

    الحالة : نور القمر غير متواجد حالياً

    افتراضي -


    هههههههههههههههههه تصدق فعلا الكلام ده صحيح بنسبة كبيرة
    ربنا يعينا عليكم يا اخي


  4. #4

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    "تلاقيك انت كمان زيه .. صنف نمرود ميملاش عنيه إلا التراب.. ما انتوا عجينة واحدة .. بوريه من الرجالة بوريه .. أيوة يا خويا اعمل إنك مش سامع .. ياما تحت السواهي دواهي"
    "ومالك مش طايق الأسايطة كدة .. عملنالك إيه ياخويا".
    "ياربي يعني عشان هي منضفة يبقى أنا مقعدش عشان موسخش المكان.. لازم يعني أقعد في حتة متوسخة.. أمال هي بتنضف علشان مين؟".

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  5. #5

    الصورة الرمزية wesam_salom

    رقم العضوية : 14360

    تاريخ التسجيل : 07Jul2008

    المشاركات : 3,083

    النوع : ذكر

    الاقامة : جوه البطيخه

    السيارة: كتير

    السيارة[2]: كتير

    دراجة بخارية: لا يوجد

    الحالة : wesam_salom غير متواجد حالياً

    افتراضي -

    ههههههههههههههههه

    موضوع جامد يا ابو صلاح

    (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
    لمجرد أنك تحب الجبن الرومي !)


  6. #6

    الصورة الرمزية semmsem

    رقم العضوية : 67078

    تاريخ التسجيل : 05Apr2010

    المشاركات : 124

    النوع : ذكر

    الاقامة : tanta

    السيارة: لانسر 2008

    السيارة[2]: النترا 2012

    دراجة بخارية: لا

    الحالة : semmsem غير متواجد حالياً

    افتراضي -

    الحمد لله انا لسه محصلش معايا معظم الكلام ده
    (لسه عريس جديد )
    بس اشكر حضرتك على توضيح اللي هيحصل في المستقبل القريب ههههههه


  7. #7

    الصورة الرمزية human

    رقم العضوية : 20140

    تاريخ التسجيل : 25Sep2008

    المشاركات : 6,879

    النوع : ذكر

    الاقامة : Cairo

    السيارة: مافيش عربيه تانيه!!

    السيارة[2]: ميجان

    دراجة بخارية: عجله شوبر

    الحالة : human غير متواجد حالياً

    افتراضي -

    الريموت!!
    اهم حاجه بتسقط من الرجل بعد الجواز الريموت

    مصر هتفضل غالية عليا
    -------------------------------
    الديك الحلبي هايفضل يدن لغاية ما يتدبح


  8. #8

    الصورة الرمزية korkor

    رقم العضوية : 34204

    تاريخ التسجيل : 28Feb2009

    المشاركات : 1,067

    النوع : ذكر

    الاقامة : النزهه الجديده- مصر الجديده

    السيارة: لا يوجد

    السيارة[2]: لوجان 2010

    دراجة بخارية: مالها

    الحالة : korkor غير متواجد حالياً

    افتراضي -

    اقتباس المشاركة الأصلية كتبت بواسطة human12 مشاهدة المشاركة
    الريموت!!
    اهم حاجه بتسقط من الرجل بعد الجواز الريموت


  9. #9

    الصورة الرمزية أبو صلاح

    رقم العضوية : 30921

    تاريخ التسجيل : 23Jan2009

    المشاركات : 4,877

    النوع : ذكر

    الاقامة : KSA

    السيارة: kia rio 2001

    السيارة[2]: Lincoln Town Car 2001 4.6

    دراجة بخارية: لايوجد

    الحالة : أبو صلاح غير متواجد حالياً

    افتراضي -

    اقتباس المشاركة الأصلية كتبت بواسطة eng:mohamed مشاهدة المشاركة
    ههههههههههههههههههه
    معاك حق يا ابو صلاح..في كل كلمه والله..
    انا لسه متجوزتش بس الكلام ده بيحصل مع صحابي

    اقتباس المشاركة الأصلية كتبت بواسطة نور القمر مشاهدة المشاركة
    هههههههههههههههههه تصدق فعلا الكلام ده صحيح بنسبة كبيرة
    ربنا يعينا عليكم يا اخي
    لا فعلا الله يعينكم بتتعبوا في وجع القلب





    اقتباس المشاركة الأصلية كتبت بواسطة wesam_salom مشاهدة المشاركة
    ههههههههههههههههه

    موضوع جامد يا ابو صلاح
    شكرا ليك يا جميل


    اقتباس المشاركة الأصلية كتبت بواسطة semmsem مشاهدة المشاركة
    الحمد لله انا لسه محصلش معايا معظم الكلام ده
    (لسه عريس جديد )
    بس اشكر حضرتك على توضيح اللي هيحصل في المستقبل القريب ههههههه
    لا اتطمن ياباشا ده كاس وداير على كل رجل مصري عايش على أرض مصرية

    اقتباس المشاركة الأصلية كتبت بواسطة human12 مشاهدة المشاركة
    الريموت!!
    اهم حاجه بتسقط من الرجل بعد الجواز الريموت
    تفتكر الريموت ده له علاقة بالزوجة الصينية ؟
    يا اخلي والله الحلم ده لو يتحقق تبقى الحياة لوز


  10. #10

    الصورة الرمزية MISS_MONA

    رقم العضوية : 82437

    تاريخ التسجيل : 01Dec2010

    المشاركات : 932

    النوع : انثى

    الاقامة : alex

    السيارة: لايوجد

    السيارة[2]: قريب ان شاء الله

    دراجة بخارية: no

    الحالة : MISS_MONA غير متواجد حالياً

    افتراضي -

    hasad">

    :019f3b~14::019f3b~14:
    ليه الظلم لييييه



 
صفحة 1 من 2 1 2 الأخيرةالأخيرة

المواضيع المتشابهه

  1. لماذا الرجال يبكون
    بواسطة fineart607 في المنتدى المنتــــــدى الاجتمــاعى
    مشاركات: 0
    آخر مشاركة: 06-09-2011, 03:26 PM
  2. لماذا يرفع بعض الرجال شعار: نار العزوبية ولا جنة الزواج؟
    بواسطة ahmdmagdy في المنتدى المنتــــــدى الاجتمــاعى
    مشاركات: 53
    آخر مشاركة: 02-08-2010, 07:37 PM
  3. لماذا حرم الله تعالى الذهب على الرجال؟؟؟!!!
    بواسطة Tamerzaki في المنتدى المنتــــــدى الاجتمــاعى
    مشاركات: 8
    آخر مشاركة: 25-12-2007, 12:53 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2