مياه الرادياتير ((السعودى))
ملاحظ حاجة يا جماعة وعاوزكم تؤيدونى أو تعارضونى فيها
بقالى كتير بأدور على مياه الرادياتير الخضراء (السعودى) الحجم الصغير ومش لاقيها فى اى بنزينة ولا حتى عند بتوع الزيوت وكله أجمع على وجود الجركن الكبير اللى بيتباع بـ 22 جنيه تقريبا وده على ما أعتقد مياه سيئة (مضروبة ) وشكلها باين إنها ليست الأصلية لأن لونها متغير عن لون المياه اللى فى الزجاجة الصغير ة (اللون غامق كتير وزى ما يكون فيه شوائب) وكمان تلاقى الزجاجة الصغيرة متبرشمة أما الكبيرة فسهلة الفتح وتديك إيحاء لما تشوفها إنها متبرشمة مع العلم إن البيانات عليها بتقول إنها (السعودى)
وبما إننا فى مصر بنشك فى صوابع إيدينا
هل هذا الإحساس عندى صحيح
ولو كان صحيح طيب منين أجيب زجاجة المياه الحجم الصغير
ولا ممكن أغير النوع وأستعمل نوع تانى ؟ وإيه هو النوع التانى ؟
وهل لو غيرت لنوع تانى لازم أفضى مياه الرادياتير كلها وأغسله ولا إيه الموضوع ؟
أصحابنا الخبراء أهلا بكم للمشاركة .
ألف شكر