مشكلة فى نيسان صنى 2008 at العربية مكتومة فى السحب

**amartaha33** · 12-01-2011 04:27 PM

السلام عليكم
انا اشتريت نيسان صنى 2008 من ثلاثة اشهر مستعملة المهم العربية كانت تمام بس لحد الاسبوع الى فات انا لقيت العربية اول لما ادورها الصبح بتنتش وعداد المتور بيطلع وينزل بطريقة غريبة وبعدين تبطل ولما اشغلها تانى تشتغل عادى وكمان لما اجى ادور امشى العربية بتطلع عادى بس مع اول لما اهدى السرعة وتوصل 20 كدة احس ان العربية ماتت يعنى لما دوس بنزين العربية مش بتتاثر خالص بس اقوم مبطلها ومدورها وانا ماشى عادى ترجع عادى وتسحب معاى كويس
المهم روحت لميكانيكى قالى دى عايز تغير زيت الاتوماتيك او الفلتر المهم غيرت الزيت بس (والعربية اخدت 5 لتر !!!!؟ مع العلم انو كان شغال قدامى وانا الى جبتلو الزيت من موبيل بتاع الاتوماتيك) وغيرت الطقم بوجيهات ونظفت الانجكشن والعربية رجعت تانى كويس ومية مية .

المهم من يومين ظهرت حاجة تانى انى لما ادو العربية وهيا بارده عدار السرعة بتاع الموتور مش منتظم وسعات العربية بتبقى تقيل فى السحب يعنى ادوس بنزين على الاخر بس العربية مش بتستجيب بس ارجع ادوس تانى متقطع كده ترجع تانى كويس ...
انا اسف جدا على الإطالة عليكم بس انا مبتدي فى عالم السيارات ياريت لو حد عنده خبرة ممكن يساعدنى وجزاكم الله خير .. هل العيب فعلا كان فى زيت الاتوماتيك ولا الميكانيكى حطلى زيت اكتر من الازم ولو كتير ممكن اعمل ايه ...

**egypt0777** · 12-01-2011 05:22 PM

روح التوكيل احسن و اكشف عليها بالكمبيوتر

**AAAPRD** · 12-01-2011 05:24 PM

اذهب الى التوكيل و ضعها على السكانر

**Bishoy.Girgis** · 12-01-2011 05:54 PM

معلش حضرتك ممكن بس تقولنا :
العربية عاملة كام كيلو ؟؟
البوجيهات جبتها من اين و نوعها ايه ؟
هل العربية لسة في الضمان ؟
حتة زيت الفتيس الاوتوماتيك مش عارف اذا كانت معلومة 5 لتر ديه صح ولا غلط

**pharonicking** · 12-01-2011 06:20 PM

مادام انت لسة جديد روح التوكيل احسن وهات من الاخر

**amartaha33** · 12-01-2011 06:34 PM

العربية عاملة 82000 كيلو وخارج الضمان
البوجيهات مش فكر نوعها بالظبط وجبتها من محل فى الحي العاشر بس هيا شكل القديمة الى كانت فى العربية ومكتوب عليها صنع فى اليابان
وزيت الفتيس حطلي 5 لتر بس انا جيت اقيسه النهارده لقيته زايد عن العلامة ب 1 سم ....مع انها ساعتها كان مظبوط!!
وبعدين سئلت الميكاتيكى تانى عن سبب الكاتمة الى بتحصل سعات وانا ماشى . قالى ممكن يكون فى حاجة فى فى طرمبة البنزين !!! بس هوا لازم يجربها بنفسه
بس دي حاجة مش بتحصل باستمرار دي ممكن تحصل مرة واحدة فى اول اليوم يعنى اول خمسة كيله

**د.أحمد السعيد** · 12-01-2011 06:50 PM

الأعضاء قالو .................... التوكيل مستنى ايه و لا هى خرجت من الضمان !!!

**kamello2003** · 13-01-2011 12:28 AM

واحد صاحبي كان عنده نفس مشكلتك دي بالضبط و كمان و هو ماشي كانت العربيه بتطفي حتي لو كان ال rpm علي 3 ..و لما راح السبع طلع العيب من البطاريه و غيرها و قالوله ان البطاريه لما باظت اثرت علي و حده الكنترول و برمجه السينسورز..اكشف علي البطاريه ضروري

**Bishoy.Girgis** · 13-01-2011 12:44 AM

هو حضرتك ممكن تكون طرمبة البنزين لسبب ان الصني مفيهاش فلتر بنزين اصلا و طبعا البنزين في مصر مش نظيف بالمرة
بس بدل ما تدخل في افلام انا برده برشحلك انك تروح التوكيل خاصة ان العربية عاملة 82000 كيلو و بيبقي في صيانات مهمة جدا ممكن يكون صاحب العربية معملهاش فتكون هي اللي مسببة المشاكل ديه

**KFLDS** · 13-01-2011 05:15 AM

السلام عليكم.
بالنسبة ل مشكلة حضرتك.. لازم تروح التوكيل وتكشف عليها علشان العيب ده ممكن يكون كذا حاجة فعلا...
بالنسبة لإن النيسان مفيهاش فلتر بنزين.. هو فيها فلتر بنزين جوه الطلمبة وده بيتغير عدي جدا بس يستحسن في التوكيل علشان محدش بيعرف يظبطوا كتير بره التوكيل... أنا شخصيا غيرته قبل كده في عربيتي وبيعمل تقريبا 120 جنيه ....

وياريت حضرتك برده تبقى تقولنا العيب طلع إيه...وربنا معاك إن شاء الله

الموضوع: مشكلة فى نيسان صنى 2008 at العربية مكتومة فى السحب

LinkBack

أدوات الموضوع

عرض

-

-

-

-

-

المواضيع المتشابهه

العربية مكتومة الصبح

العربية مكتومة وبتبطل على السلانسية ؟؟!!

العربية مكتومة مع الغيار الأول

العربية بتدور بس مكتومة في الاول

العربية مكتومة وبتقطع

الكلمات الدلالية لهذا الموضوع

المفضلات

المفضلات

ضوابط المشاركة