السلام عليكم
نبدأ بالفيديو
YouTube - Burn out by novo
عرض للطباعة
السلام عليكم
نبدأ بالفيديو
YouTube - Burn out by novo
السلام عليكم
العربيه كانت عامله 80000 كم و تجربتي كالاتي
عجبني فيها:
1) سريعه جدا جدا بموتور هيمي 5700 سى سى و 335 حصان و تسارع يخليك بدون منافس تقريبا في الشارع المصري...كان معايا واحد صاحبي معاه مرسيدس e230 2004 ...شدينا كذا مره و التجربه كانت مأساه للمرسيدس.
2) العربيه مش مقفوله على 250 كم كسرعه قصوى ...بتجيب 275 كم\س تقريبا
3)القعده مريحه و العدادات و اضحه جدا و مساحه الشنطه ممتازه
4)الشكل الخارجي روعه
ما عجبنيش فيها الاتي:
1)المواد المستخدمه جيده و لكن ليست بمستوي البيمرات و المرسيدس و فى حبه بلاستيكات ما ينفعش تكون فى عربيه بالمستوى ده.
2)سحب البنزين عالي عملت معايا 17لتر لكل 100
3)سعر اعاده بيع غالي و قطع غيار متوفره و لكن غاليه
رأيي النهائي: عربيه جميله جدا و أسعاره كمستعمل روعه في حدود 350 ألف و بالتالي ممكن أخدها على بي ام 320 جديده خصوصا ان المحرك قوي بدرجه مرعبه
تحياتي
نوفو
هي فعلا عربيه رائعه انا بحب شكلها اوي
1000 مبروك
ربنا يحفظك ويديك خيرها...
بدون شك عربية جميلة
المدرسة الامريكية للسيارات ....مختلفة تماما بمعني
الامريكي ميتركبش الا 8 سلندر و دا الناتج عنده استهلاك رهيب للبنزين.. انا ركبت بويك بتاخد 35 لتر في 100 كيلو
ديما العربيات الامريكي تابلوها شكله غريب نازل اطش كده و صالونها الي جد ما شكله غريب بس مرييييييييح جدا جدا
كماليات كتتتتتيرة و غريبة جدا اكتر من الالماني
في بعض عربيات امريكي لها مشاكل في مصر زي السخونة بس تقريبا بتتعالج
و حرام تشد بيها مع e320 ستة سلندر مع تمانيه سلندر لازم تكون ماساة للمرسيدس
طب هو ايه لازمه الحركه الفيديو الاول...استهلاك كاوتش؟
شباب ممكن اعرف سعرها؟؟؟؟
انا شايف واحدة معروضة ب 80 الف موديل 2006 ؟؟؟؟؟؟
مش عارف بصراحة دا سعر جااااامد بس يمكن صاحبها مش قادر علي بنزينها وضريبتها لان لسة فاضل عليها 4 سنين للضريبة الموحدة وموتورها 5700 سي سي بس قوة حصانية خرااااااااااااااااااااااا اااااااااااااااااااااافية
دي بتخلع الاسفلت وراها
في منها 3500 بردو ودي لو بالسعر دا تبق لقطة
تلاقيها عمله حادثه
السلام عليكم و رحمة الله و بركاته
هى الكرايسلر ال300 دى كانت m300 و لا 300c أن ماعتقدش أن ال300c تعمل 80000 جنيه الا اذاكانت يا عاملة حادثة جامدة أوى أو جمرك, لكن مش ملاكى.
سيارة كرايسلر 300M موديل 2006 للبيع في مصر CAIRO CAIRO
انا كلمت صاحبها واكدلي السعر
هو كاتب انها ام في الاعلان بس الصور صور سي ونمر القاهرة
ولما سالتة قالي انها سي وهو كتب الاعلان غلط
وكمان مفيش ام موديل 2006
انا فعلا شوفت الاعلان واستغربت جدا من سعر العربية وقولت اكيد الراجل سرح وهو بيحط السعر
.وانت اكدتلى السعر .ملحوظة اول وتانى صورة النمر القديمة ملاكى القاهرة .ثالث صورة النمر الجديدة ممكن تكون الصور متاخدة من فترة يعنى صور حديثة على قديمة للعلم فقط. واخبار رخصتها ايه سارية ولا لا؟
بس الموضوع مريب اوعى تكون جر رجل علشان تروح تاخد فلوس تشترى على انها لقطة و تتثبت وياخدوا منك الفلوس وتبئا مشكلة
ليا صديق فى الشرقية اتثبت وخدو منه السيراتو والموبايل وقالو كلمنا لما تلاقى الفون مفتوح واعد يحاول 3 ايام لحد مردوا وقالو عايزين 20 الف جنيه ونسلمك العربية .
والصراحة مكدبش خبر وخد واحد زميله علشان يوصله بعربيته وخد الفلوس معاه ولما راحوا ثبتوهم تانى وخدو الفلوس وخدوا العربية الدايو اللى كانو رايحين بيها .والحصيلة عربية سيراتو ودايو و20 الف جنيه. ربنا يسترها علينا جميعا يارب
هو كاتب فى الاعلان سعة المحرك 2000cc ازاى و8 سلندر؟؟؟؟؟؟؟؟؟؟؟؟؟؟؟؟؟؟؟
بص ياباشا اولا انا مقدرش عليها خااااااااالص انا مش عبيط اركب عربية 5700 سي سي وبنزين 92 لية يعني هاكلها وماكلش انا
بص صاحبها مش مصري هو من انجلترا وكان عندة عقد عمل في مصر واشتراها او ابها معاة من برا مش عارف الصراحة
بس عقدة خلص واخدها معاة تاني انجلترا بس منفعش يسوقها عشان دركسيون عكس هناك
فا عارضها دلوقت بالسعر دا عشان مش نافعاة بحاجة هناك والي هيشتريها هيدفع 1800 جنية مصاريف الشحن بتاعها وهو ايجي يمضي العقد معاة
بس كدا
العربية خرافية 450 حصان تقريبا بس مين يقدر علي 8 سلندر؟؟؟
دا كان ردة علي رسالتي علي الميل
Hello, , is 2,000 CC,
I am contacting you regarding the 'Chrysler 300C Hemi 5.7L first hand 370HP ' is in perfect condition inside and outside, never involved in accidents. I have never smoked in it and I want to sell it to a serious person. I had a work contract in Egypt and I needed a car, so I bought this one. I need to sell it because I moved back to Britain, my resindential place, and it is hard to drive here a egyptan car with the left handed steering wheel. Now, I am located in Norway with my work, and the car is now in London, in garage.This is a garage kept car, very good maintained. The price I am asking for the car is 80,000 EGP .I can deliver the car to your home address with a cargo trailer truck . The delivery time is around 3-5 days ( depending of your location ) and the taxes are around 1,200 EGP up to 3,800 EGP ( depending of your location ) . Also we will use a escrow/shipping company ( third party company ) so both can be protected. We will sign also a sale contract with you before the delivery so the transaction can be a legal deal .
Thanks
الموضع كبير كبير. هل تعتقد انها لقطة ولا انت حاسس ايه ؟؟؟
شكلها كده انت هتجيبها منه و تدفع جماركا هنا بمعرفتك
هي لقطة جدا للي هيقدر يصرف عليها
دي 8 سلندر
الجمارك مدفوعة لانة اصلا شاريها من مصر وكانت مترخصة وعليها نمر القاهرة يعني مش جمارك خالص
العربيه دى لو سليمه كنت هتلاقى 100 تاجر يجرو يجبوها دى كفايه بس تتركن قدام المعرض تشهرو والله
حاسس ان فيها لعبه
شكلها كدة نصباية عشان الراجل كاتب فى الميل انة هيجي يمضي العقد قبل ما العربية توصل يعنى بتشتري سمك في مية تطلع بقى عاملة حادثة ممكن متجيش اصلا انت وحظك
للتوضيح : الشخص اللي كتب الرسالة مش بريطاني لانها تحتوي على العديد من الاخطاء الاملائية و النحوية !!!
الموضوع فيه ان ... و ان كبيرة كمان