هل يمكن فعلا تقسيم مصر؟

**mahmoud_afifi** · 13-01-2011 03:04 AM

استاذ وائل, حضرتك الموضوع ده بيبتدى بنقاش وغالبا بيقلب بخناق بين الاعضاء في الاخر.

بس لو عاوز رأيي.. حتى لو ينفع مصر تتقسم على حسب الثروات والكلام ده, مفيش حد هيرضى يسيب بيته وشغله ويروح مكان تاني.
احنا بنتكلم عن انقسام دوله وظهور دوله من العدم !
يبقى اكيد هيحتاجوا مساعدات من الخارج وكلنا عارفين مين هي. ايوه الله ينور عليكم امريكا طبعا الي نفسها في فرصه زي دي واهي جاتلها على طبق من دهب عشان تدخل مصر.
تقسيم السودان كان سهل لأن كيان جنوب السودان موجود اصلا انما ان احنا نقسم مصر !!!

يا جماعه ما احنا طول عمرنا عايشين كويس ومشاكل البدو في سينا عمرها ماظهرت قبل كده وكانوا اكتر ناس بتعتز بمصر انما هيعتزوا بمصريتهم دلوقتي على خيبة ايه !

**wael17** · 13-01-2011 09:06 AM

المشاركة الأصلية كتبت بواسطة mahmoud_afifi

استاذ وائل, حضرتك الموضوع ده بيبتدى بنقاش وغالبا بيقلب بخناق بين الاعضاء في الاخر.

أنا مش عايز خناق ولا حاجة و قلتها من الأول....انا مش بسأل الناس عايزين انقسام ولا لأ....أنا كل اللي عايز أعرفه هو اصلا ينفع انقسام ولا لأ...و لو ينفع المفروض يبقي شكله ايه؟ و لو في ناس عايزة تنفصل هل فكرت في المكاسب قصاد الخسائر ...مجرد الكلام في الموضوع ده ممكن يكون سخيف س انا عايز الناس تحط عواطفها علي جنب و نناقش فرضية جدلية و نقول تنفع ولا ماتنفعش....يعني انا مثلا عايز أعرف ايه المحافظات اللي في الصعيد اللي فيها كثافة عالية من المسيحين و هل يوجد قري في مصر مسيحية بالكامل؟....صدقوني الموضوع مش هدفه حد يزعل من حد...مجرد مناقشة لتوضيح حقائق و معلومات ممكن ناس كتير ما تعرفهاش...أنا واحد من الناس...مصري اب عن جد و عندي 31 سنة و معلوماتي عن الصعيد صفر!!!

المشاركة الأصلية كتبت بواسطة mahmoud_afifi

بس لو عاوز رأيي.. حتى لو ينفع مصر تتقسم على حسب الثروات والكلام ده, مفيش حد هيرضى يسيب بيته وشغله ويروح مكان تاني.

أنا مقتنع بكده بس عايز أعرف الناس اللي بتطالب بكده مش واخدة بالها من الحكاية دي....هل مثلا اللي نفسهم في دولة منفصلة هم اللي موجودين في الصعيد و اللي عايشيين في الشمال معارضين لها؟ حقيقي نفسي في نقاش موضووعي مع حد بيفكر في حكاية الانفصال و من غير زعل او حساسية

**human** · 13-01-2011 09:41 AM

انا عايز استقل برضه
من البلد كلها

**wael17** · 13-01-2011 10:03 AM

المشاركة الأصلية كتبت بواسطة king2000

يستحيل يا باشا الموضوع دا يحصل المصريين مش مختلفين الاختلافات الجذرية اللى ممكن تؤدى للانفصال احنا عرب و نفس الشكل و اللغة منفرقش غير فى الدين و دى حاجة بيحاول يظهرها الناس اللى بتصطاد فى الميه العكرة انما موضوع الانفصال دا انساه تماما دا مصر كلها سايحة على بعضها كل الناس ليها قرايب و فروع لعائلاتها فى كل حتة فى مصر انسى الموضوع دا تماما

موافقك في كل حاجة باستثناء ان كلنا عرب
في مسيحيين كتير مش بيعتبروا نفسهم عرب...و التحدث بالعربية مش سبب كافي انك تبقي عربي
يعني أنا لو باتكلم انجليزي و عايش في دولة بتتكلم انجليزي ماقدرش أعتبر نفسي انجليزي