رئيكو لكاسيت وسمعات رخيصة (رودستار&سيمفوني)!

السلام عليكم اخواني
الصراحة انا عايز منكم خدمة لاني عايز اجيب كاسيت وسماعات يكونو حلوين كنقاء صوت وميكونوش غالين مش مهم الصوت العالي بس اهم حاجة يكون صوت حلو طبعا علي قد الفلوس.
كنت شوفت كاسيت رودستار رقمو 516 فية فلاشة وشكلو ظريف بس منغير رموت وب200 جنية سويسري تجميع مصري فهل ياتري دة كويس ولا تعبان اوي يعني في رئيكو هوا افضل ولا الصيني لاني الصراحة عايز الم الليلة.
كمان شفت سماعات سيمفوني وجي بي ال كمان رخاص في حدود 160 وفية بايونير 350 وات ب180 جنية او في واحد في الوسيط بيبع سماعات بايونير بيقول 700 وات ب195 جنية.
فاية رئيكو ممكن الحاجات دي تخرج صوت حلو وصافي مش ممهم يكون عالي ولا تعتقدو هتبقي تعبانة وملهاش لازمة.
وشكرا ليكم مقدما

اولا مفيش حاجه اسمها Pioneer 700w
الموضوع ده انا اللى عملو و كنت برضو عايز حاجه نقاء عالى
http://www.nilemotors.net/Nile/193955-a.html

طيب ممكن حضرتك تقولي جبت كاسيت وسماعات اية واية نصيحتك ليا

بتاع الوسيط ده عايز اقولك انى بشوف الاعلان ده من سنين والله العظيم
حتى ركز انت فى كل عدد من الوسيط هتلاقي نفس الاعلان
و مفيش حاجه اسمها بايونيير 700 وات
هو يمكن قصده 350 وات
و بيجمع السماعتين عشان يوهم الناس بس مش اكتر :)

الكاسيت الroadstar ده كويس بس مش قد كده برضه
لسه شايف اللى بتقول عليه ده امبارح
و صوتو مش وحش ولا وهمى
كويس
بس مش هاتشوف حاجه منه فى الشمس

معقول بس هات السماعات رود ستار على كاسيت محترم شويه

اقتباس:

---

المشاركة الأصلية كتبت بواسطة egytamer

السلام عليكم اخواني
الصراحة انا عايز منكم خدمة لاني عايز اجيب كاسيت وسماعات يكونو حلوين كنقاء صوت وميكونوش غالين مش مهم الصوت العالي بس اهم حاجة يكون صوت حلو طبعا علي قد الفلوس.
كنت شوفت كاسيت رودستار رقمو 516 فية فلاشة وشكلو ظريف بس منغير رموت وب200 جنية سويسري تجميع مصري فهل ياتري دة كويس ولا تعبان اوي يعني في رئيكو هوا افضل ولا الصيني لاني الصراحة عايز الم الليلة.
كمان شفت سماعات سيمفوني وجي بي ال كمان رخاص في حدود 160 وفية بايونير 350 وات ب180 جنية او في واحد في الوسيط بيبع سماعات بايونير بيقول 700 وات ب195 جنية.
فاية رئيكو ممكن الحاجات دي تخرج صوت حلو وصافي مش ممهم يكون عالي ولا تعتقدو هتبقي تعبانة وملهاش لازمة.
وشكرا ليكم مقدما

---

حاول بقدر المستطاع تجيب الكاسيت نضيف شوية لأنه من الحاجات اللي مش بتتغير كل يوم ولا حتى كل سنة وكمان علشان تضمن خرج صوت كويس. وطبعا ابعد عن الصيني لو حتى ببلاش والسماعات ال جي بي ال اعتقد هتبقى كويسة بس عاوز اعرف بتتباع فين بـ 160 جنيه؟

اولا شكرا لجميع الي ردو عليا.
mido51eg انتا سايب قسم فورد فاضي وجاي هنا لية يلا علي القسم هههههههههه السماعات السيمفوني هي الب 160 علي موقع امبير مش الجي بي ال.
شوفت الكاسيت الفورد استيراد في الوكالة ب300 جنية بس رقمو 3000 اعتقد دة بتاع الفيستا فلو ممكت تشوفلي عندك رقم الكاسيت كام اكون شاكر ليك.
كمان رحت امبارح شوفت الكاسيتات الصيني الصراحة شكلها تحس انها تعبانة جدا فبفكر اجيب كاسيت نضيف حتي لو استخدام نضيف احسن من الصيني او الرودستار اهو حتي اسمو ماركة معروفة.
الاستاذ r2K منين السماعات الرودستار وبكام واية رئيك فيها.
الاستاذ beetleMOSH يعني رئيك الرودستار ولا الصيني كنقاء صوت.

اقتباس:

---

المشاركة الأصلية كتبت بواسطة egytamer

اولا شكرا لجميع الي ردو عليا.
mido51eg انتا سايب قسم فورد فاضي وجاي هنا لية يلا علي القسم هههههههههه السماعات السيمفوني هي الب 160 علي موقع امبير مش الجي بي ال.
شوفت الكاسيت الفورد استيراد في الوكالة ب300 جنية بس رقمو 3000 اعتقد دة بتاع الفيستا فلو ممكت تشوفلي عندك رقم الكاسيت كام اكون شاكر ليك.
كمان رحت امبارح شوفت الكاسيتات الصيني الصراحة شكلها تحس انها تعبانة جدا فبفكر اجيب كاسيت نضيف حتي لو استخدام نضيف احسن من الصيني او الرودستار اهو حتي اسمو ماركة معروفة.
الاستاذ r2k منين السماعات الرودستار وبكام واية رئيك فيها.
الاستاذ beetlemosh يعني رئيك الرودستار ولا الصيني كنقاء صوت.

---

مساء الفل ياتامر باشا.... هكتب الرد ده وطيران راجع على قسم الفورد. كاسيت الفورد الـ 3000 ده بتاع الأسكورت وراكب عندي في عربيتي ، والحقيقة معرفش ده موجود في الفيستا ولا لأ. بس الحقيقة هو كاسيت محترم جدا بس طبعا امكانياته محدودة بمعنى ان مفيهوش cd ولا usb لكن صوته نقي جدا. انا كنت مركب سماعتين بايونير صيني في المرحومة والحقيقة كانوا مش بطالين وكانوا بـ 85 جنيه. حاليا غير السماعتين الاصليين اللي عندي في الابواب راكب سماعتين ورا كنت مشتري العربية بيهم بس تعبانين ياقلبي وعاوز اغيرهم.

بعد إذن الخبراء..اسمحوا للمبتدئين يقولوا رأي :-) انا اشتريت سماعتين سيمفوني 4 في 6 بوصة بـ70 جنيه فقط..120 وات تو واي..وبصراحة مكنتش متوقع منها غير صوت فقط..يعني لا نقاء ولا بيز..لكن بعد ما ركبت السماعتين في الخلف لقيت صوتهم افضل بكتيييير مما توقغت لدرجة إني عليت الـfade على السماعات الخلفية..وناوي اغير السماعات الفابريقة الامامية لأن صوتهم اصبح وحش بالمقارنة بالسيمفوني..

عندي بقى سؤال للخبراء..قدامي اربعة انواع للسماعات الامامية اختار انهي (مقاس 10 سم وتو واي..ودي ارخص اسعار وصلت لها)
سوني 130 وات بـ130 جنيه
بايونيير 110 وات بـ130 جنيه
كينوود 110 وات بـ130 جنيه
سيمفوني 120 وات بـ65 جنيه

بص يا باشا و عرفت تجيب حاجه مستعمله يبقى تمام اوى
و الترتيب اللى جى ده من الاحسن للاقل سواء جديد بقى او مستعمل انت و مزاجك

بايونيير
كينوود- سونى
رودستار
اى كاسيت صينى
----------------------------------
ecybrarian
من رايى هات سونى
ناس كتير شكرت فيها

اقتباس:

---

المشاركة الأصلية كتبت بواسطة beetlemosh

بص يا باشا و عرفت تجيب حاجه مستعمله يبقى تمام اوى
و الترتيب اللى جى ده من الاحسن للاقل سواء جديد بقى او مستعمل انت و مزاجك

بايونيير
كينوود- سونى
رودستار
اى كاسيت صينى
----------------------------------
ecybrarian
من رايى هات سونى
ناس كتير شكرت فيها

---

راي من رايك سوني كاسيت محترم

اشكركم جميعا علي ارائكم ونصائحكم المميزة
وياريت لو حد يعرف حد متخصص في بيع كاسيتات مستعملة نضيفة يقولي علية لاني روحت شوفت الكاسيتات الصيني الصراحة شكلها بيقول انها سيئة جدا ومضروبة درجة عاشرة.
بالنسبة للسماعات السيمفوني الصراحة رئيكو شجعني اني اجيبها وخصوصا ان ال400 وات 3 واي ب160 ومعاها ضمان سنة فربنا يسهل.
وياريت نخلي الموضوع دة لكل الي عايز يجيب عدة صوت باسعار رخيصة وجودة معقولة ويبعد عن الصيني.
وشكرا ليكم جميعا.