سؤال بسيط جدا
عايز افهم كيفية عمل محرك الموتوسيكل ويا ريت تكون بشرح وافى
عرض للطباعة
سؤال بسيط جدا
عايز افهم كيفية عمل محرك الموتوسيكل ويا ريت تكون بشرح وافى
زى محرك العربيه بظبط بس مع فروق بسيطه شوف الفديو ده هيوريك محرك العربيه بيتكون من ايه وازى بيشتغل وهى نفس فكره المتوسيكل اما لو عايز تعرف اكتر على الموتوسيكل نزل المنيوال بتاع الموديل الى انت عايز تعرفه واتمنى تكون عرفت الى انت عايزه [youtube]http://www.youtube.com/watch?v=FfTX88Sv4I8[/youtube]
بش اعمل سيرش على
2 stroke engine
وانت تعرف
متشكر كتير على الفيديو وهاتفرج واقولك على رأى ولو لقيت عن الموتوسيكل نزله
طيب حد ممكن يشرحلى يعنى ايه سبايك ومكانها فين فى الموتوسيكل
السبايك مكنها فى عمود الكرنك وهى الى بتربط عمود المكبس بعمود الكرنك واما بتتأكل بيتم عمل عمره للمتور
اما فى الموتوسيكل او فى العربيه
بالنسبة لــ 2 stroke engine او ( المحركات ذات الشوطين ) دى زى محرك الجاوا وده نوع قديم من المحركات اما المحركات الحديثة اغلبها بيكون 4 stroke engine او ( محركات ذات أربعة أشواط ) وده فى السيارات والدراجات البخارية بالنسبة للريس اللى زى اللى معانا مثلا الهوندا بتكون محركاتها أربعة أشواط ... وده فيديو يوضح طريقة عمل محرك رباعى الاشواط ...
[youtube]http://www.youtube.com/watch?v=_y6PS-2j2Ug&feature=related[/youtube]
ومعنى رباعى الاشواط اى الخطوات اللى من خلالها تتم حركة المحرك تتكون من اربعة مراحل هما على الترتيب ... الشفط - الضغط - الحريق - العادم ...
الشفط :- دخول مزيج الوقود والهواء الى داخل غرفة الاحتراق .
الضغط :- ضغط مزيج الوقود والهواء داخل غرفة الاحتراق بنسبة معينة للإستفادة بأكبر طاقة حركية من ناتج الاحتراق
الحريق :- حريق المزيج بسبب الشرارة الكهربائية التى تنتج من شمعة الإشتعال والضغط ( البنزين منخواصه الاشتعال اذا وضع تحت ضغط )
العادم :- خروج مخلفات الحريق التى هى عبارة عن غازات عبر ماسورة العادم ( الشكمان )