يابنى أنت جاى تدخل وأنا خارج
أستنى بقى لما أروحلك البيت
أعمل تقريرك ياللا بسرعه
ومعاه كوبايتين شاى
عرض للطباعة
انا كمان رايح لدكتور الأسنان دلوقتى .... ويارب تكوووون آخر مرة بقى .
معلش يا بوب اوعى تعمل فى نفسك كده والله انا بيحصل معايا مواقف فى موضوع الجواز ينفع انزلها فى كتاب بجد والله
حديكوا كده موقفين على الماشى
اول موقف واحده صاحبت خالتى قالتلى انا جايبالك عروسه ايه قمر ومش عارف ايه وجميله جدا وكلام كتير وعندها 24 سنه فقلت وماله خير ان شاء الله يلا نروح نشوف وانا فى القاعد اول مدخلت استقبلتنى والدتها هيا الصراحه والدتها ما شاء الله قمر بجد يعنى عيون ملونه وشعر ملون قلت فى نفسى العب دى الدنيا هتتظبط اخيرا وبعد مقعد بى 5 دقائق لقتها بتنادى وبتقول تعالى يا كذا سلمى على الضيوف المهم انا بقى قاعد مستنى اشوف القمر الى هيهل فسبحان الله لقيت البنت داخلت وسبحان الله مش واخده ولا حاجه من والدتها خالص لا عيون ولا شعر ولا لون بشره ( على فكره انا مش بتريق ولا حاجه بجد والله طبعا كلنا خلقت ربنا بس انا قصدى على الكلام الكتيررر الى اتقالى على جمال البنت ) بس تقريبا الى طنط صاحبت خالتى كانت بتوصف والدتها من البنت وافتكروا انها قيلالى انها عندها 24 لقيت عندها 27 سنه مقدرتش امسك نفسى لان طنط الى جيبانى كانت معانا فاستنيت لما الفرصه جت ومسكتها وقلتلها دى اكبر منى يا حاجه وبعدين انتى قيلالى انها عندها 24 سنه ايه مشوار من الدقى لغايه بتها مخدش ساعه لحقت كبرت 3 سنين امال بعد سنه هلاقيها عندها كام سنه!!!!!!!!!!!!!!!
الموقف التانى روحت برده بشوف عروسه فقاعد مع والدها وبنتكلم وتقريبا كام بقالى بتاع ربع ساعه لسه داخل البيت وهوب يا معلم النور قطع فطبعا بقيت فى نص هدومى ومبقتش عارف اعمل ايه واتكسفت جدا والسكوت خيم على المكان فقلت اقول اي حاجه علشان الموقف يمشىىىىىىىىى
فقلت ياه يا عمو الكهربا بقت وحشه اوى اليومين دول وبتقطع وكده (انا بقول كده علشان الراجل يقولى صح يا حبيبى ونعدى الموقف المحرج ده )
القى الراجل راح بصصلى وقالى حته كلمه انا كل مفتكرها اموت على نفسى من الضحك
بصلى وقالى دى اول مره تقطع من عشريييييييينننننننننننننن ننن سنه روحت انا عرقت وصوتى راح وقولتله ياه يا عمو من عشريننننننننن سنه ومن ساعتها متكلمتش الا لما النور رجععععععععععععععع.
معلش انا اسف انا عارف ان كلامى ده بره الموضوع بس الصراحه سخنت فعلا وحبيت اشاركوا معايا المأساه الى انا عايشها بجد :help1:
ملحوظه قبل ممشى انا بحكلكوا الموقف الاولانى والله ما قصدى تريقه انا قصدى على الكذب الى بيحصل فى الحاجات دى يتقالك حاجات وتروح تلاقى حاجات تانيه خالصصصصصصصصصصصص
الا من رحم ربى
وجزاكم الله خير
طارق باشا.. معرفتكم انتو بالدنيا..واحنا لازم نعمل مقابلة تانية تعويضية فعلا.
اما انت بقى يا can be فانت شكلك زميل فى هذه الرحلة المميتة.. رحلة البحث عن شريكة العمر(افتراضا)
انا لو حكتلك على مواقفى فى الموضوع ده مش هنخلص, بس هوا الطف حاجة فى الموضوع ده هوا الناس اللى بتجيبلك البنت(العروسة), يعد يقولك دى البنت دى تقول للقمر قوم وانا اقعد مطرحك وكلام كتير من امثال ده من تراثنا الشعبى ابن الج...الجميل(مش اللى فى بالك), وتروح تلاقى حاجة تانية خالص!!!!!!!( مش بعيب برده ابدا والله , بس مش الكلام اللى سمعته عنها يعنى)
انا بس مش عايز اسهب فى الكلام عن الحكاية دى علشان ده مش موضونا..
احنا نبقى نعمل موضوع مخصوص وكل واحد يحكى تجاربه فى الحكاية دى والغلب اللى شافه..
can_be
وانت بتحكى عن إنقطاع الكهربه بجد ضحك من قلبى
يا استاذ ده خظ مش اكتر و بينى و بينك هو الراجل المش ذوق خالص كان المفروض يقولك بتحصل او اى حاجه يدارى الإحراج ده
على كل حال النصيب عرف طريق كل واحد فينا
هو الموضوع قلب على جواز في الآخر كده ليه ياجماعة؟ هاهاهاهاهاهاهاهاها
أنا كنت شغال في سنان عيان وكنت بريح شوية وقلت لما أقرأ الموضوع ده، من كتر الضحك ما قدرتش أمسك نفسي والعيان سمع ضحكي وكان شكلي مش ولا بد.
الله يضحك أيامكم كلها يا عصابة.....
سنان ...!!! وعيان ...!!! هو حضرتك دكتور أسنان ...؟؟؟ :B4_592:
هجووووووووووووووووووووووو وووووووووووووم . :gunsmilie:
وسايبنى عمال اقول سنانى ويارب تكون أخر مرة اروح للدكتور فيها وساكت . :star1:
طب مش كنت تقول من الأول ... ربنا يجعل كلامنا خفيف عليكم .
انا كنت بدأت احبك ... كويس انك وضحتلى موقفك بدرى ... بدرى . :36_1_31:
الا صحيح حضرتك دفعت رسوم الأنضمام للعصابة ولا لسة ... اصلى سمعت انها زادت بنسبة 1000% بناءاً على تعليمات الحكومة الذكية الهونداوية ( ضرائب جديدة معمولالك مخصوص ... دكتور اسنان ...!!! ومخبى علينا ... طيب )
:breakpc2: