يا جماعه كنت عاوز اخد رأيكم في حاجه بالنسبه لصيانة ال 10000

**spiderloking** · 12-01-2011 11:26 PM

انا معايا ساجا زي ما انتوا عارفين و الحمد لله العربيه تمام و زي الفل مفيش اي مشاكل غير بس صوت كدا بسيط بيحصل لما باخد مطب بحس بصوت قدام عندي سواء الحفره او المطب اخدتها بالعجله اليمين او العجله الشمال يعني الصوت في الناحيتين قدام انا مش عارف بقي هل ده عفشه ولا مساعدين الله اعلم بس الصوت كان موجود قبل كدا و في صيانة ال 5000 لما عملتها و بعد تربيط العفشه الصوت اختفي شويه و رجع عند حوالي 7000 كيلوا يعني تقريبا بعد 2000 كيلوا و كمان حاسس دلوقتي ان العربيه واطيه معايا شويه من ورا عن قدام و كان في عضو هنا كمان سألتو و كان عندوا نفس الموضوع انا هبقي اقولهم علي الحاجات ديه كلها في صيانة ال 10000 و ان شاء الله تنحل علي خير .

دلوقتي انا داخل علي صيانة ال 10000 و ان شاء الله اعملها علي الاسبوع اللي جاي بس كان عندي استفسار و عاوز اخد رأيكم فيه انا دلوقتي جدول الصيانة ماشي كل 5000 كيلوا الصيانه المفروض يعني 5 و 10 و 15 و هكذا بس انا بعمل ال5000 كيلوا في وقت قليل فمش عاوز كل شويه اروح اعمل صيانه ايه رأيكم اعمل المرادي صيانة ال 10000 و اجيب زيت فيسكو معايا و انا رايح و بعدين اعمل صيانة ال 20000 مش لازم اروح ال 150000 و كنت عاوز اعرف دلوقتي هل زيت فيسكو 3000 ينفع يقعد 10000 كيلوا ولا هيبقي مش كويس علي المكنه و في ضرر ولا اجيب زيت فيسكو 5000 و اغيروا بعد 10000 كيلوا انتوا ايه رأيكم انا قولت اسأل الناس هنا لأن في ناس كتير مجربه زيت فيسكو انا اول مره احطوا ايه رأيكو اجيب 3 الاف ولا 5 الاف ؟

**SALAHHAKIM** · 13-01-2011 12:28 AM

السلام عليكم
الصوت دة فى الغالب 90% صوت الرفارف لانها رباط مسامير مش لحام وبلغ بيه بيتعالج
العربيه وطيت من ورا عندى انا كمان بس المساعدين سليمه فـالحمد لله اهه ثبات بردو
الزيت خد شل ا او موبيل 1 او مصر فينكس بلاش الماركات الغربيه دى
الصيانه انا بعملها كل 10 الاف كم عادى
وربنا معاك وبلغنا اول بأول

**spiderloking** · 13-01-2011 12:43 AM

استاذ صلاح شكرا لرد حضرتك بس ناس كتير هنا بتقول ان فيسكو زيت كويس و نضيف و من احسن الزيوت انا اسمع بردوا ان شل جامد و احلي من موبيل مليون مره بالنسبه لمصر فينكس مجربتوش و محدش من اللي اعرفهم بردوا جربوا بس سمعت بردوا ان كويس علي العموم بردوا نشوف رأي الاخوه هنا ايه و شكرا مره تانيه لحضرتك

**Nistelrooy** · 13-01-2011 02:10 AM

الصوت ده صوت اية يا لبيد تزيق ولا اية ؟\

**sayed911** · 13-01-2011 02:16 AM

لا هوة تقريبا عامل زي صوت المساعد لما بينضغط فجأة ولكن ذو صوت مرتفع على ما اعتقد مش كده يا لبيد لأنو وضاح انه الصوت ده منتشر عندنا كلنا ... ولكن بص يا لبيد انا عارف انهم كانو في التوكيل نهوا قصة انك تجيب الزيت ده معاك ولكن انتا بتعمل زي ما انا ان شاء الله ناوي اعمل ... انا ها اعمل الـ 5 ان شاء الله وبعد كده لما ها اوصل للـ 10 ها اخليهم يحطوا زي الـ 10 الآف على اساس بقى ها امشيهم كل 10 ان شاء الله ومش ها اجي الا في مواعيد الصيانة اللي هية كل 10 .. ولواني بحب كل 5 عشان يبقى فيه متابعة ولكن انا بستتقلها فيبقى انا بقول خليك في الزيت بتاع التوكيل توتال مش وحش على فكرة .. وفكرة المساعد دي قولهم عليها في الصيانة ...

**spiderloking** · 13-01-2011 03:09 AM

ده تقريبا صوت في المساعدين قدام يا سامح هوه صوت كدا زي سوست او المساعد جاب اخر المشوار او تحسوا مثلا اكن في زي طقه كدا اول ما تنزل بالعربيه في حفره صغيره او تاخد بيها مطب او تمشي علي حته مكسره شويه بس الصوت ده مكنش موجود في الاول

**spiderloking** · 13-01-2011 03:12 AM

انا سمعت ان موضوع انك متجبش الزيت معاك و اتلغي ان الكلام ده كان في توكيل اسكندريه بس انما عندنا الناس كانت بتاخد عادي الزيت معاها علي العموم انا هتصل و اسأل اصل اللي عرفتوا ان مفيش زيت 10000 توتال في التوكيل لأني قبل كدا قولتلهم حطولي ال 10000 قالولي مفيش هوه ال 5000 اللي شغاليين بيه و انا بصراحه مش فاضي كل شهر ولا شهر و نص اروح اعمل صيانه هوه حلو المتابعه و كل حاجه اوك انا معاك بس رخم اوي انك كل فتره قصيره تروح علي التوكيل الصراحه فأنا هتصل قبل ما اروح و اسألهم لو نفع هجيب الزيت معايا و انا رايح و يكون بيقعد 10000 كيلوا و بعدين اغيروا بس لسه مستفرتش علي نوع الزيت الصراحه انا دلوقتي بشوف انهي احسن و افضل شيل 10000 ولا فيسكو 50000

**mememsaid** · 13-01-2011 03:15 PM

المشاركة الأصلية كتبت بواسطة spiderloking

انا سمعت ان موضوع انك متجبش الزيت معاك و اتلغي ان الكلام ده كان في توكيل اسكندريه بس انما عندنا الناس كانت بتاخد عادي الزيت معاها علي العموم انا هتصل و اسأل اصل اللي عرفتوا ان مفيش زيت 10000 توتال في التوكيل لأني قبل كدا قولتلهم حطولي ال 10000 قالولي مفيش هوه ال 5000 اللي شغاليين بيه و انا بصراحه مش فاضي كل شهر ولا شهر و نص اروح اعمل صيانه هوه حلو المتابعه و كل حاجه اوك انا معاك بس رخم اوي انك كل فتره قصيره تروح علي التوكيل الصراحه فأنا هتصل قبل ما اروح و اسألهم لو نفع هجيب الزيت معايا و انا رايح و يكون بيقعد 10000 كيلوا و بعدين اغيروا بس لسه مستفرتش علي نوع الزيت الصراحه انا دلوقتي بشوف انهي احسن و افضل شيل 10000 ولا فيسكو 50000

سبيدر باشا
مبروك مقدما
ابقي بلغنا قالولك ايه في الصيانه ينفع تجيب زيت معاك ولا لا عشان انا بردو نفس النظام عايز اعمل الصيانه بتاعتي كل 10000
وابقي بردو قولي استقريت علي زيت ايه بس انا علي حد معلوماتي القليله ان شل ممتاز ب250 جنيه تقريبا

**salama_ahmad** · 14-01-2011 01:36 AM

السلام عليكم

الزميل العزيز / سبيدر

انا عملت صيانة ال10000 الحمد للة فى 17-12-2010
وانا بعمل الصيانة قلتلهم عاوز احط زيت 10000 علشان مش كل شوية اجى فقالولى مش هينفع علشان الساجا الصيانة بتاعتها كل 5000

المهم قلتلة خلاص حط 5000كم
وبعدين وانا ببص فى كتيب الخدمة لقيت الصفحة 26-27 الى فيها سجل الخدمة الموصى بها لقيت ان الصيانات
1000و5000و10000و20000و30000و40000 وهاكذا يعنى كل 10000 من بعد اول 10000
المهم لما وريتهم الكلام دا اتكبسو وحطو زيت 10000 توتال وانا فضلت جمب العربية علشان اتاكد انو حط 10000كم لانو لما فضى الزيت القديم لقية هيحط 5000كم برة لانو حافظ ان كلة 5000
فنا بقلك انتا ممكن تحط 10000 عادى

ملحوظة الصيانات بتاعتى بعملها فى توكيل امير وجوزيف فى مدينة نصر
لان احسن حاجة فية انو بيفتح يوم الجمعة
وانا مبفضاش غير اليوم دا
وبالتوفيق ان شاء اللة

الموضوع: يا جماعه كنت عاوز اخد رأيكم في حاجه بالنسبه لصيانة ال 10000

LinkBack

أدوات الموضوع

عرض

يا جماعه كنت عاوز اخد رأيكم في حاجه بالنسبه لصيانة ال 10000 - انشر الموضوع فى :

-

-

-

-

-

-

-

المواضيع المتشابهه

طلب من الأنسة داليا أو من الإخوة.. ممكن تليفون الحجز لصيانة الـ 10000

ياريت حد يفسر ليه يا جماعه بالنسبه للاسكتر

يا جماعه انا عايز اركب زينون و ساوند سيستم جامدين اخر حاجه ممكن اعرف ايه احسن حاجه

يا جماعه الموضوع ده مهم جدا بالنسبه ليا .... أرجو الأفادة

الكلمات الدلالية لهذا الموضوع

المفضلات

المفضلات

ضوابط المشاركة