نصين طبعا يا باشا مفيش فى مصر إيفو غير نصين هى واحده بس إلى ستوك بتاعه خالد امام بتاع car boys و دى ايفو 10 الجديده
شكرا على المعلومات يا باشا
أنا اعرف واحد يا باشا معاه واحدة بيقول انه جايبة كاملة كانت فى الأوتو لونها أصفر
شفتها يا باشا لونها اصفر و عليها رسومات احمر فى سيلفر و جنط اسود و احب اقول لحضرتك دى حاجه شبه مستحيله لسبب لان قانون جمارك مصر ان انا لو عايز انزل عربيه من بره ليها شروط أول واهم شرطين فيها ان العربيه لازم انا اكون اول مالك ليها و اكون شاريها فى نفس سنه الصنع يعنى العربيه موديل 2010 يبقى اشتريها فى 2010 و اكون اول مالك ليها فمستحيييل تكون دى مش نصيين .... هو مفيش غير واحده بس إلى كامله بتاعه خالد إمام الايفو الجديده
اللي اعرفه من واحد يعرفه برضو انها مش نصين! وحكالي حكايه خزعبليه عن ازاي تجيب عربيه مستعمله من برره
الله اعلم هي نصين ولا لأ
اصل الشعب المصري لازم يقول اي حاجه وخلاص
طيب انا معروض عليه عربية evo 6 بـ55 الف .. استلمها بالمفتاح 2000 سى سى كاملة ؟ فانا ناوى اخلص علي 50 اية رائيكم ؟
انا شفت العربية و كان مفتوح كابوتها قدامى, العربية نصين و لو عايز تلاحظ بص على الرفرف من فوق عند البطحات هتلاقى ان الرفرف الخارجى راكب و ملحوم على جسم العربية يعنى مش بتاعها, طبعا الكلام ده مش هيبان غير لما الكبوت يكون مفتوح و مش باينة فى الصور.
و كمان الايفو الاصلى بيبقى فيها مسمارين فى صدر العربيه تحت المسحات بيركب فيهم الstrut bar مش موجودين فى العربية دى وده باين فى الصور, بس بصراحة العربية معمولة بنظافة جدا ما شاء الله.
عندنا في طنطا فيه 2 ايفو
واحدة حمراء و التانية صفراء
الحمراء دي بتاعت واحد والده تاجر قطع غيار و واحد صاحبي عنده صديق مشترك معاه فعرفهم على بعض علشان يروحوا الأوتوكروس مع بعض اللي هو اللي كان السنة اللي فاتت
المهم هو عرف أن العربية دي جاية من برا ايفو كاملة بس كان مسقطلها قبل ما تيجي مصر محرك لانسر عادية علشان تتجمرك بالمحرك دة و طبعا اقل من جمرك ال 2000 و بعدين دخلها هنا ( ازاي مستعملة مش عارف ) و ركب عليها المحرك بتاعها تاني
و على فكرة فيه ايفو 9 شفتها ملاكي الجيزة نمر سوداء دي ايفو اصلي مش تعديل لونها أحمر