السخان عندي بدأ يلخبط ...ياريت اللي جرب نوع ممتاز يقولنا عليه واهو تبقى فايده للناس كلها :المطلوب
-سخان ممتاز - تعرف تضبط حرارة المياه بسهوله -يشتغل باى ضغط مياه -خدمة مابعد البيع مقبوله-
عرض للطباعة
السخان عندي بدأ يلخبط ...ياريت اللي جرب نوع ممتاز يقولنا عليه واهو تبقى فايده للناس كلها :المطلوب
-سخان ممتاز - تعرف تضبط حرارة المياه بسهوله -يشتغل باى ضغط مياه -خدمة مابعد البيع مقبوله-
كان فيه احد الردود هنا بتتكلم عن الاباريزى الاسبانى جنب مصنع لادا وياريت اللى يعرف تفاصيل زياده يمدنا بيها
إبعد عن منتجات شركة ينيفرسال فهي رديئة للغاية
احنا عندنا 2 ايديال ( الأتنين زى بعض )
بس منصحكش بيه خالص
أولاً مبيشتغلش الا لما ضغط المياه يكون كويس
ثانياً كل فتره يفصل ويعد يتكتك على الفاضى ....الأول كنا بنجيب حد يصلحه وكان بيغير قطعه معفنه كده ب 3 جنيه
ودلوقتى أنا اللى بقيت بصلحه من كتر مبيبوظ :)
ناس بتشكر في سخان المصانع الحربيه س 8و انا جايب واحد ولسه هركبه بأذن الله
لو تنتظر حضرتك علي الشتا الجاي ان شاء الله اقولك رأيي
ههههههه
م.حاتم السباعي
انا بصراحة عندى سخان فايلنت المانى تقفيل اسبانى اكثر من رائع
خدمة مابعد البيع ! يانهار ازرق .. هو حضرتك بتتكلم عن سخان ولا عربية مرسيدس ؟ .. لا انسى خالص حكاية مابعد البيع .. اذا كانت العربيات اللي ب 100الف التوكيل بيطلع عنيك عشان يظبطلك الفرامل ولا العفشة واسمك دافع فيها أد كده .. شوف انت بأه السخان اللي ب 600 700 جنيه .. عامة انصحك بسخان مصانع الانتاج الحربي .. سعره معقول ؛ يخلي المية تغلي ؛ وتقدر تفكه وتركبه بنفسك وقطع غياره مالية الدنيا هو بس هايحتاج ضغط مية كويساقتباس:
المشاركة الأصلية كتبت بواسطة dramir1
تكنوجاز وانت مغمض شغال معايا ماشاء الله 4 سنين ولا الهوا ماشاء الله تبارك الله
ماتجيب كهربا أحسن بدل الغاز و أضمن و موضوع الإشتعال أسهل بدل بعد شوية تفضل تدوس على البطارية هههههة
سخان المصانع الحربيه!!!!اقتباس:
المشاركة الأصلية كتبت بواسطة hagan
حسبنا الله و نعم الوكيل فى اللى وصلونا لكده
اسف على المداخله مش فى الموضوع بس ماقدرتش امسك نفسى
بالنسبه للسخان انا عندى وايت ويل و هو مش كويس
الكهربا عندك ببلاش ولا ايه؟ :)اقتباس:
المشاركة الأصلية كتبت بواسطة amribrahim
لأ بس أحسن من موضوع تسريب الغاز و الفيلم ده :verygood:اقتباس:
المشاركة الأصلية كتبت بواسطة human12
بس يا باشا ما تشوف الناشيونال
انا السخان ده بالذات نفس الموديل خلاني اكره الغاز وسيرة الغاز وخلاني اغير السخان واجيب واحد كهربااقتباس:
المشاركة الأصلية كتبت بواسطة hagan
انا عندي سخان المصانع الحربية س8 من 19 سنة وشغال تمام هو بس بيحتاج جلدة و قرص طالع منه مسمار كل سنة ونص الي سنتين ودول تمنهم من 15 الي20 جنيه ومنتشرين عند كل بتوع الادوات الصحية
في الاول هتجيب سباك يغيرهم بس بعد هتتعلم تغيرهم بنفسك وتغيرهم مبياخدش اكتر من 5 دقائق ولا في بطارية ولا حاجة الشعلة شغالة علطول , تفتح المياه يشتغل
و طبعا هتقول الشعلة شغالة علطول ان دة استهلاك غاز جامد , هاقولك ان اكبر فاتورة غاز بتيجيلي في الشهر ب12 الي15 جنيه ودة بيبقي في الشتاء اما في الصيف علطول اقل من 10 جنيه
بمناسبة انى اخى شغال فى شركة صيانكو فاقالى ان كل السخانات الجديدة زى بعض من الداخل واحسن سخان اللى بيعمر هو المصانع بس القديم مش الجديد وطبعا مش هتلاقية وبالنسبة لى انا معايا يونيفرسال من 4 سنين وشغال كويس معايا واكيد اخويا قايم بالواجب معايا فى صيانتة وعيبة ان فية Oil seal صغير اوى مش عارف فين بالظبط لما بيبوظ الشركة بتقولك غير مجموعة المية كلها لكن اخويا بيعرف يغيرة وعلم كل زملائة فى الشركة كيفية تغييرة لانه وضعة غريب اوى
يا ريت يا أستاذ حسين تقول لي تليفونه من فضلك لأني عندي مشكله في هذا السخان ومش عارف أصل لحل ويبدو أنها مشكله فونيا علشان السخان مش عايز يولّع ومش بيطلع غاز أصلاً وجزاك الله خيراًاقتباس:
المشاركة الأصلية كتبت بواسطة husseinsalah
ربنا يبارك في كل الاعضاء
وحقيقي الواحد بيستفيد من خبراتكم وربنا يديم المعروف
من استخدامنا فى البيت ، عندنا سخان المصانع ( القديم ) بقاله 12 سنة، هو بصراحة معمر مقدرش اقول حاجة ، اكتر حاجة بتتغيرله جلدة الرداخ ، غير كده مبيعملش مشاكل
و طبعا من الافضل ان السخان يكون غاز لو فى غاز فى الشقة لان سخان الكهربا بيستهلك كتييييير
عندى سخان اوليمبك وشغال كويس حتى الان من شهرين
مش حقدر اعرف عيوبه الا بعد صيانة 50000 لتر على الاقل
والسخان لايتواجد فى المناطق الحارة مثل الصحراء التى يكثر فيها الجمال لان الجمل حيوان اليف وهو سفينة الصحراء وله رموش طويلة لتحمى عينيه من الرمال وله سنام ليخزن فيه الطعام كما ان له رقبة طويلة عشان نعرف نربط الحبل براحتنا
معلش انا اضطريت اكتب الكلام دا لان كل ما ابعت المشاركة يقولولى " المشاركة التى كتبتها قصيرة جدا . الرجاء إجعل رسالتك على الاقل 3 حقول"
لو حضرتك عايز شركه مصريه تعطيك خدمه ما بعد البيع عن تجربه ناس فى قمه الاحترام بنفس مستوى توشيبا ورخيص يبقى فرش عندى واحد بقاله 12 سنه طبعآ كان ايطالى لاكن الى موجود حاليآ مصرى بس هما شركه محترمه جدآ وصيانتهم رخيصه ومنزلين واحد 6 لتر جديد شكله ممتاز واعرف ان العربى منزل واحد لاكن سيبك من تكنو ويونفرسال كان زمان
أنا عندي باناسونيك (ناشيونال سابقا) بقاله 5 سنين و شغال كويس جدا بس لازم ضغط مياه معقول زي أي سخان غاز ، هو 6 لتر و كأداء ممتاز و بدون أعطال حتي الآن