غبور أوتو يعرض أحدث طرازات الأكسنت (صور مواصفات أسعار)

كتبه لكم
نادر الطرابيشي

عدسة
كريم منير

عرض أمس غبور أوتو لأول مرة في مصر أحدث طرازات هيونداي بمعرض فورميولا الأهرام الثامن عشر وهي أحدث أجيال السيارة أكسنت 2011.

ظهرت السيارة بمحركها الجديد المتفوق سعة 1.6 لتر والذي يًخرج قدرة حصانية تصل إلى 124 حصاناً عند 6300 لفة في الدقيقة، ويُنتج عزم يُقدر بـ 159 نيوتن م عند 4200 لفة في الدقيقة. تأتي السيارة بناقل حركة يدوي وأخر اوتوماتيك مع إمكانية القيادة بالوضع اليدوي (ستبترونك).

ومن الملاحظ في أحدث أفراد عائلة هيونداي في مصر افتقادها لبعض من أهم وسائل الأمان الحديثة مثل نظام الفرامل المانعة للانغلاق ABS والوسادات الهوائية ولكن يُذكر أيضاً ورود دفعات جديدة من السيارة تحتوي على تلك الأنظمة بالإضافة إلى بعض الكماليات الأخرى كفتحة السقف خلال الشهر القادم.

وأخيراً فقد تم تسعير الطراز المزود بناقل حركة يدوي مقابل 89900 و95900 للطراز المزود بناقل حركة أوتوماتيكي.

http://img534.imageshack.us/img534/3204/img7839r.jpg

تسلم على التقرير الطازة جدا

شكرااااااااااااا على الخبر
كتير عليها

اقتباس:

---

ايه العربية الجميلة ديه

---

تسلم ايدك يا أ/ كريــــــم
العربيه فعلا حلوه

وكان فيه جمبها علطول الــ Gensis Coupe لونها أســـــــــــــــــــــــ ــود !!! مالهلش حل

العربية شكلها بسم الله ماشاء الله جميلة وتحفة , ولكن !
حرام انها تنزل من غير اى وسائل امان

ولا abs ولا airbags وكل ده عشان الجمارك ليه يعنى

وبعدين العربية من الخلف الكنبة ضيقة جدا تشيل 2 مستريح بصراحة

العربية حتكون شبابية اكتر بصراحة

معلش هو السعر ده عقلاني ؟؟؟؟؟؟؟؟؟

الناس اذواق
انا بالنسبة لى شكلها من الامام وحش جدا كانها سمكة مكشرة
وسعرها غالى جدا

الواحد يزود 5 و يجيب حاجة اوربي مدلعة كدا زي الايفو فيات احسن من المبلغ دا من غير اساسيات الامان و الشكل الغير عاطفي بالمرة

شكرا على الخبر

بس كتير عليها المبلغ دا و كمان من غير عوامل امان !!!!!! لحد امتى هايفضل غبور ينزل العربيات من غير عوامل امان و برضو يزود في اسعارها ؟؟؟

مع التوكيل بتاع غبور السئ ....وارتفاع اسعار قطع الغيار بتاعت كل العربيات الجديده ....وخلو تلك السياره من جميع وسائل الامان.............اكمل 2 الف بس بس بس واجيب

بونتو ايفو.....اتوماتيك

العربية فقيرة جداً من الداخل و البلاستك اللي فيها حسسني اني راكب عربيتي..!

و سعر مبالغ فيه

العربية غالية شويه

فعلا شكلها من الامام مش عاطفى وفتحة الكبوت كئيبه

غالية جدا بصراحه و خصوصا ان مفيهاش abs او فتحة سقف و كمالياتها عادية

مشاركاتي قليلة ولكن لأني أجد أن أغلب ما سأقوله مكرر
وكني أردت أن أؤكد أن رأيي أيضا أن سعر السيارة غال جدا مقارنة بالآتي:
أولا: عدم وجود عوامل أمان فيها وخاصة أن أسوأ السيارات الحديثة الآن لا تخلو من وسائل الأمان على الأقل ال abs
ثانيا: وجود سيارات محترمة في فئتها السعرية منها الأوروبي والياباني والكوري وطبع الصيني الأقل بكثير في السعر
أرجو أن تكون مشاركتي المتواضعة مفيدة.. وجزاكم الله خيرا
أخيرا أنبه على أن اليوم الإثنين يبدأ إن شاء الله صيام 13، 14، 15 من شهر صفر إحياء للسنة وكصيام الدهر

اقتباس:

---

المشاركة الأصلية كتبت بواسطة donzi

شكرا على الخبر

بس كتير عليها المبلغ دا و كمان من غير عوامل امان !!!!!! لحد امتى هايفضل غبور ينزل العربيات من غير عوامل امان و برضو يزود في اسعارها ؟؟؟

---

ده منزل الفيرنا الاوتو ب80 الف اللى نزل بعدها 3 موديلات ولسه الزمن واقف عندها

انا بس عاوز اقول لكم اولا الموتور نازل بتكنلوجيا جديده وكمان الفتيس الأتوماتيك نازل استيب ترونك واتو مع بعض وبتكنلوجيا فتيس السوناتا ده فى كل الموديلات وكمان فيها airbag & ABS وتكييف تاتش فى الهاى لاين اللى بحوالى 109000

ماهو ياجماعة خليكم " عقلانين " السعر كتير اه .. بس ده موديل جديد ...

النيو اكسنت القديمة ؟
كانت ب 83000 الف مانوال و 89 الف اوتو

و النسخة القبيحة " سبورت "
ب 87500 مانوال و 93500 اوتو

لما ينزل شكل جديد بمحرك و فتيس جديد و نظان تعليق جديد و تصميم جديد ... اكيد اكيد حيبقى اغلى من الموديل الي قبله ولو نسبيا .
فنزلت ب 90 مانوال فاضية ( اختها القديمة الفاضية ارخص 7 الاف جنيه )
و اوتوا ب 96 فاضية ( برده اغلى 7 الاف جنيه ) .

و بعدين النيو اكسنت لما نزلت في الاول .. ماهي كانت قريبة من الارقام دي ...
سنة كمان و حتلاقيها نزلت لاسعار النيو اكسنت الفاضية .

طبعا انا مش بدافع عن العربية .. انا عمري ماحتشري عربية في 2010-2011 بدون ABS او Airbags ده اسمه استهبال رسمي .
بس الفكرة ان الموديلات القادمة من هيونداي اغلى من القديمة فعلا لان في فرق ملحوظ جدا عالميا في هيونداي ... تصميما - تكنولوجيا و ده مش حيبقى ببلاش .

و بعدين الناس الي زعلانة اوي .. طب مالياريس نفس فئة الاكسنت نزلت ب 115 الف ! و شكلها قديم جدا و ممل جدا جنب الاكسنت و محركها اضعف كمان ...

و لسة لما الانترا الجديدة تنزل الي شكلها كدة مش حتقل عن الكروز ( تبدا من 115 على الاقل ) .

السعر مبالغ فيه

لو الهايلاين ب 109 الف يبقى دخلت في شرائح تانية والتفكير هيختلف

السعر مبالغ فيه ... شكرا على المجهود

ايه الاستهبال ده غاليه