الموضوع: جماك السيارات القديمة ؟؟

المشاركة الأصلية كتبت بواسطة keko

طيب من موضوع المزادات ده ممكن اوصى ناس ف الميناء وساعة المزاد اروح اشوف العربيات اللى معروضة للبيع واشترى واحدة ولا ايه ؟؟

طيب كده فيه اقتراح على السيرة اسمع ان مزادات الشركات والحكومة والسفارات بيكون فيها عربيات لقطة ينفع اروح واسال عادى ولا الموضوع ليه مافيا تجار مسيطرين عليه ؟؟

السلام عليكم و رحمة الله و بركاته

بالنسبة لموضوع المزادات, مفيش سيطرة تجار و لا حاجة ساعة المزاد,المزاد بيتعلن عنه فى الأهرام و بيكون فى القاهرة فى المطار أو فى الاسكندرية فى الميناء أو فى بورسعيد فى الميناء و على ما أعتقد أن كراسة الشروط كانت بتبقى ب 50 جنيه و التأمين كان بيبقى 2000 جنيه, ممكن المعلومات دى تكون قديمة لأنها كانت من حوالى 5 سنين و لا حاجة.

كل اللى أنت بتعمله , أنه لما بيتعلن عن المزاد فى الأهرام أو الأخبار, أو لو أنت ليك حد قريب أو معرفة فى الهيئة العامة للخدمات الحكومية , بتعرف أن فيه مزاد و أن البضاعة بتكون فى المكان الفلانى , بتشترى كراسة الشروط و بتروح تعاين البضاعة و أنت بتقدر أن العربية الفلانية حالتها كذا و أنها محتاجة كذا و كذا عشان تتشد و بالتالى هتصرف معايا كذا و بالتالى يبقى أنا لازم ماتزيدش معايا عن كذا, عشان مابقاش خسران فيها و هكذا يعنى .....

أنت بتدفع التأمين الصبح على باب قاعة المزاد و بتاخد وصل و بتدخل القاعة و بتدخل تزايد و زى أى حاجة فى مصر هتلاقى فيه تربيطات و هتلاقى اللى بيديروا المزاد أحيانا بيهجصوا علشان يرفعوا سعر العربية لأن بيقى عندهم تعليمات أن سعر العربية الفلانية ماينفعش تخلص بأقل من كذا, يعنى مثلا, مفيش عربية شبح s320 مو1996, هتخلص مثلا ب 50000 جنيه زى ما كنا بنشوف فى الأفلام و المسلسلات و حتى لو كان الكلام ده بيحصل زماااااااااااااااان , أيام ماكانت الناس مش عارفة حاجة و ماكانشى بيحضر المزادات الا التجار و الناس اللى عارفة و فاهمة يعنى ايه مزاد, لكن اليومين دول , ممكن تلاقى واحد مش تاجر و بيدور على عربية يركبها و تلاقيه داخل المزاد عشان فيه عربيات تنفعله و عاوز يزايد عليها عشان ياخد واحدة منها و لازم يكون جاهز معاك فلوس عشان أى عربية من دول لو رسيت عليك , أعتقد أنك لازم تدفع بتاع 30% من تمنها أثناء الجلسة . .

لكن لأن هناك عنصر الفساد منتشر فى البلد , فممكن تلاقى فيه مزادات بتتعمل و مابيتعلنش عنها و بالتالى بيقى اللى بيعرف بيها ناس محدودين, اللى هما ليهم واسطة فى الجمارك و المينا و الهيئة العامة للخدمات الحكومية .

أما بالنسبة للسفارات و الهيئات الأجنبية و الهيئات الدولية , فالعربيات بتاعتها ماتتباعش فى مزادات الهيئة العامة للخدمات الحكومية لأنها مالهاش علاقة بيها , لكن السفارة اللى عاوزه تبيع, هى اللى بتعمل اعلان بنفسها و تبيع .

و العربيات بتاع السفارات و الهيئات الأجنبية أكيد بتكون حالتها أفضل من بتاع الهيئة اللى مرمية فى الميناء و كل يوم بيتسرق منها حاجات ياما و عالعموم , مفيش عربية فى كووووووووووووووووول المزادات دى بتخلص أقل من توبها , لأن اذا كنت أنت عاوز تاخدها رخيصة عشان تبيعها و تكسب , فيه غيرك, مستعد ياخدها بتوبها و لا يمكن أغلى شوية على أساس أنها عربيات بتبقى على الأقل أساسياتها سليمة و مش هتكون مقلوبة و لا مغيرة سقف و لا نص و هو مش عارف .

بالتوفيق ان شاء الله .

المشاركة الأصلية كتبت بواسطة maserati

السلام عليكم و رحمة الله و بركاته

بالنسبة لموضوع المزادات, مفيش سيطرة تجار و لا حاجة ساعة المزاد,المزاد بيتعلن عنه فى الأهرام و بيكون فى القاهرة فى المطار أو فى الاسكندرية فى الميناء أو فى بورسعيد فى الميناء و على ما أعتقد أن كراسة الشروط كانت بتبقى ب 50 جنيه و التأمين كان بيبقى 2000 جنيه, ممكن المعلومات دى تكون قديمة لأنها كانت من حوالى 5 سنين و لا حاجة.

كل اللى أنت بتعمله , أنه لما بيتعلن عن المزاد فى الأهرام أو الأخبار, أو لو أنت ليك حد قريب أو معرفة فى الهيئة العامة للخدمات الحكومية , بتعرف أن فيه مزاد و أن البضاعة بتكون فى المكان الفلانى , بتشترى كراسة الشروط و بتروح تعاين البضاعة و أنت بتقدر أن العربية الفلانية حالتها كذا و أنها محتاجة كذا و كذا عشان تتشد و بالتالى هتصرف معايا كذا و بالتالى يبقى أنا لازم ماتزيدش معايا عن كذا, عشان مابقاش خسران فيها و هكذا يعنى .....

أنت بتدفع التأمين الصبح على باب قاعة المزاد و بتاخد وصل و بتدخل القاعة و بتدخل تزايد و زى أى حاجة فى مصر هتلاقى فيه تربيطات و هتلاقى اللى بيديروا المزاد أحيانا بيهجصوا علشان يرفعوا سعر العربية لأن بيقى عندهم تعليمات أن سعر العربية الفلانية ماينفعش تخلص بأقل من كذا, يعنى مثلا, مفيش عربية شبح s320 مو1996, هتخلص مثلا ب 50000 جنيه زى ما كنا بنشوف فى الأفلام و المسلسلات و حتى لو كان الكلام ده بيحصل زماااااااااااااااان , أيام ماكانت الناس مش عارفة حاجة و ماكانشى بيحضر المزادات الا التجار و الناس اللى عارفة و فاهمة يعنى ايه مزاد, لكن اليومين دول , ممكن تلاقى واحد مش تاجر و بيدور على عربية يركبها و تلاقيه داخل المزاد عشان فيه عربيات تنفعله و عاوز يزايد عليها عشان ياخد واحدة منها و لازم يكون جاهز معاك فلوس عشان أى عربية من دول لو رسيت عليك , أعتقد أنك لازم تدفع بتاع 30% من تمنها أثناء الجلسة . .

لكن لأن هناك عنصر الفساد منتشر فى البلد , فممكن تلاقى فيه مزادات بتتعمل و مابيتعلنش عنها و بالتالى بيقى اللى بيعرف بيها ناس محدودين, اللى هما ليهم واسطة فى الجمارك و المينا و الهيئة العامة للخدمات الحكومية .

أما بالنسبة للسفارات و الهيئات الأجنبية و الهيئات الدولية , فالعربيات بتاعتها ماتتباعش فى مزادات الهيئة العامة للخدمات الحكومية لأنها مالهاش علاقة بيها , لكن السفارة اللى عاوزه تبيع, هى اللى بتعمل اعلان بنفسها و تبيع .

و العربيات بتاع السفارات و الهيئات الأجنبية أكيد بتكون حالتها أفضل من بتاع الهيئة اللى مرمية فى الميناء و كل يوم بيتسرق منها حاجات ياما و عالعموم , مفيش عربية فى كووووووووووووووووول المزادات دى بتخلص أقل من توبها , لأن اذا كنت أنت عاوز تاخدها رخيصة عشان تبيعها و تكسب , فيه غيرك, مستعد ياخدها بتوبها و لا يمكن أغلى شوية على أساس أنها عربيات بتبقى على الأقل أساسياتها سليمة و مش هتكون مقلوبة و لا مغيرة سقف و لا نص و هو مش عارف .

بالتوفيق ان شاء الله .

ايه الابداع ده كلامك فى الصميم الله يفتح عليك واضح ان حضرتك دايس جامد فى موضوع المزادات

المشاركة الأصلية كتبت بواسطة anaskhal

ايه الابداع ده كلامك فى الصميم الله يفتح عليك واضح ان حضرتك دايس جامد فى موضوع المزادات

السلام عليكم و رحمة الله و بركاته

ألف شكر يا باشا , كله من كرمك و ذوقك.

أنا كان نفسى أمشى فى الموضوع ده و كنت فعلا و أنا فى سنة الامتياز بتاع طب , روحت اتفرجت على شوية مزادات من اللى فى القاهرة و الاسكندرية و كنت بفكر أنى أشترى العربية من المزادات دى و تكون عبارة عن ورق بس, يعنى أنا ماكنتش عاوز منها الا الورق و كنت سافرت سويسرا عشان أتفرج على العربيات بره و أعرف أخبارها ايه و حالتها ايه و سعرها و كده, على أساس أنى أبقى أجيب عربيات من بره أشد بيها العربيات اللى المفروض أنى هشتريها من المزادات من هنا من مصر, بس للأسف زى ماقلت لسيادتك, أنى لقيت أن العربيات فى المزادات بتاع لاالهيئة العامة للخدمات الحكومية, بتخلص فى أغلب الأحيان بسعر زى ما أكون هشتريها من هنا أو أكتر كمان و بالتالى , أنا لو اشتريتها و على ما أجيبلها واحدة أختها من بره و أشدها , ممكن تقف على أكتر من سعرها هنا فى السوق و بالتالى لو مابيعتهاش بنفس سعر التكلفة, ممكن أبيعها بأقل من سعر السوق و هأبقى خسران فيها كمان .

أصل سنةالامتياز دى كانت سنة فراااااااااااااغ بالنسبة ل, و من ضمن المواضيع برضه اللى فكرت فيها أنى أجيب عربيات مرسيدس مستعملة من ألمانيا و أشحنها عالسعودية و أبيعها هناك و كان هيبقى فيها مكسب حلو , بس للأسف كانت محتاجة أنى لازم يكون معايا اقامة هناك و بالتالى , الموضوع اتنسف من الأساس لأن كان حصولى على تأشيرة سويسرا أسهل من تأشيرة السعودية.

هيييييييييييييييييييه , كانت ايام , يالله, ربنا ييسر الأمور و يكرمنا جميعا و شكرا ليك عالمرور .

المشاركة الأصلية كتبت بواسطة keko

ياب باشا ربنا يوفقك ويرزقك باحسن من المانيا والسعودية
طب سؤال هنا لو ليا حد قريبى قاعد بره (ودول كتي قوى ) وعربيته هوا اول مالك ليها ينعف اخليه ينزل بيها ويرخصا وبعدين اشتريها منه ولا دا مكلف برضه ؟

السلام عليكم و رحمة الله و بركاته

اللى أنا أعرفه, أنك ممكن تنزل أى عربية مستعملة , بس الشرط الأساسى, أنها يكون اللى بينزل العربية هو أول مالك ليها , اللى أنا كنت عاوزك تسأل عليه هو السيناريو الآتى, ينفع و لا لأ :

وارد جدا أنك لما تروح تشترى عربية و ليكن مثلا mercedes e200 2005 من ألمانيا, أنك تلاقى اللى بيبعهالك فى ألمانيا هو الراجل الألمانى اللى هو أول مالك ليها , عادى يعنى, أنك تلاقى واحد ألمانى محترم كان شارى عربية mercedes e200 2005 زيرو من الdealer سنة 2005 و فضل راكبها لحااااااااااااد دلوقتى و عاوز يبيعها عشان عاوز يجيب الموديل الأعلى أو عاوز يجيب عربية تانية أو لأى سبب, المهم, ينفع أنك تشترى العربية دى منه و تنزلها مصر و هى لسه باسمه و تخلص جماركها و هى برضه لسه باسمه و ترخصها فى المرور هنا فى مصر و هى لسه باسمه و بعد كوووووووووووول ده , تبقى تنقل ملكيتها ليك بناء على توكيل هو -الراجل الألمانى- كان عاملهولك فى ألمانيا و لا ألمانيا مافيهاش توكيلات زى مصر ؟؟؟؟؟