انا معايا a4 موديل 2006
ساعات العربية بتطلع رسائل بلغة غريبة الماني او تشيكي مش عارف
فهل ممكن تغيير اللغة الي الانجليزية ولا لازم الرجوع للتوكيل او في حد ممكن يكون بيعملة برة
لو اي حد من السادة الافاضل الزملاء يعرف يفيدني افادكم الله
عرض للطباعة
انا معايا a4 موديل 2006
ساعات العربية بتطلع رسائل بلغة غريبة الماني او تشيكي مش عارف
فهل ممكن تغيير اللغة الي الانجليزية ولا لازم الرجوع للتوكيل او في حد ممكن يكون بيعملة برة
لو اي حد من السادة الافاضل الزملاء يعرف يفيدني افادكم الله
مهندس خالد اسماعيل بتاع التوكيل ارتوك اوتو عنده مركز خاص وممكن يعملهالك فى دقيقة وانت واقف والمركز ده فى مدينة نصر ورقم تليفونه هو 0102970564 لان هى فى ال A4 لازم بالكمبيوتر ولكن انا عندى فى الفانتازيا من شاشة العرض ممكن اظبطها.
والسلام عليكم ورحمة الله وبركاته:verygood::verygood::verygood:
حضرتك قصدك على service nyni؟؟ ولا كل الكلام اللى على الشاشة بلغة تشيكى؟
اللى على الشاشة بيبقى ولكن اى رسالة بتظهر فى التابلوه لو فيه اى مشكلة وبالاضافة لرسالة الصيانة بتبقى باللغة اللى الكمبيوتر بتاع تشخيص الاعطال بيظبطها على حسب رغبتك(انجليزى-المانى-تشيكى-----).وعلى فكرة المهندس خالد بيعمل الحاجات دى وما بيحاسبش الزبون عليها.
والسلام عليكم ورحمة الله وبركاته
الف شكر يا استاذ عمرو
وجزاكم الله خيرا ان شاء الله علي الافادة
وشكرا مرة اخري
انا لية استفسار اخر هو انا جايب العربية دي من كام شهر كانت عاملة 33 الف كم وكانت مركونة فترة طويلة حوالي 3 سنين
الملاحظة اللي لسة اخد بالي منها ان العربية فيها لمبة بطارية لما بتفتح الكونتاك انما مافيش لمبة زيت
في واحد صحبي معاة موديل 2000 من غير شاشة الكمبيوتر فيها شاشة عبارة عن لمبات بتور وتطفي فيها الزيت والبطارية وخلافة
هل 2006 او الشكل الجديد لما بيكون في حاجة في الزيت بتعمل انزار علي شاشة الكمييوتر ولا اية النظام
لان موضوع اللغة دة هو يكون اللي ملخبطني لانها كانت بتطلع رسائل بس بلغة غريبة وكنت وديتها غيرت زيت وتظبيط النظام علشان كان الكمبيوتر بيصفر ويطلع رسائل عجيبة عند ايتدكو الشرقاوي
ياريت يا ا / عمرو
عنوان المركز بتاع م / خالد
بعد اذنك
موقف الحى العاشر بمدينة نصر بعد بنزينة موبيل تدخل يمين وتمشى دغرى لاخر الشارع وتفوت اول شارع يقابلك جهة اليمين وتدخل من تانى شارع يقابلك يمين فى منطقة اسمها الواحة وافضل انك تكلمه فى التليفون وهو هيوصفلك تروح ازاى وتليفونه 0102970564
والسلام عليكم ورحمة الله وبركاته:verygood: