الموضوع: الحقنة :)

المشاركة الأصلية كتبت بواسطة mrwho1982

ههههههههههههه

مرة اخدت وقع حلوة بلعجلة وانا في اعدادي

وقعت من علي العجلة وانا لابس النظارة ووقعت علي وشي

الدم ساعتها اتحبس عن عيني وكانت عيني مزرقة كاني واخد بوكس في وشي

افتكر ساعتها بابا وداني لدكتور عيون وقاللي ان في حقن لازم تتاخد لمدة 3 اسابيع كل يوم حقنة وكمادات شاي علي عيني مع كام قطرة

يعني كان قرص علاج تييييييييييت

لا واللي يغيظك ان الحقن كانت في العضل وكل يوم اروح للصيدلي يقعد يعملي فيلم اني مش هاشوف تاني لو ماخدتش الحقنةوالكلام ده

اتاري في الاخر بابا هو اللي قايلو يقولي كده

ومسامح باباك ؟
ربنا يخليهولك
بس انا كان زماني مفجر الصيدلية علي بيتنا
أصلي عامل حادثة بموتسيكل قبل كدة
بس ولود المفترية عملولي عملية جراحية وانا متخرشم من غير بينج
فا كسرتهم :)

المشاركة الأصلية كتبت بواسطة ralliart

ياما طلعت اجري واستخبى في المدرسه علشان حوار الحقنه ده وكان دايماً يوم الحقنه وكيلة المدرسه بتطلبني بالاسم وتحبسني في مكتبها لحد ما اخد الحقنه علشان مجريش وادوخهم
والاغبى من كده الفلور (لو كان موجود في مصر) كانو لازم كل فتره يجيبولنا كبايات فلور (سائل لزج لونه بينك وطعمه مقرف) بنتمضمض بيه علشان السنان

فلور ده أيه ده ؟
معاداش عليا

المشاركة الأصلية كتبت بواسطة sara2001

اسوأ اختراع في التاريخ هو الحقن
مازلت بخاف من الحقن
في تطعيم هربت منه وانا صغيره
عرفت ان ميعاده امتى وماروحتش اليوم ده المدرسه
التطعيم ده مش فاكره كان بتاع ايه
بس كان عندي خلفيه مسبقه من اللي اكبر مني
انه مرعب وكمان بيسيب اثر بارز في الذراع مكان التطعيم
وبعدين يا جو الممرضه كانت بتبقى مخيفه ومش شكلها زي اللي في الصوره

للأسف مكانوش بيقولولنا
كانوا بيطبوا علينا زي القضا
لا اللي في الصورة ده ممكن تكون دكتورة
انما عندنا بيجبولنا معددة :)))