الحقنة :)

**Eng.Geo** · 13-01-2011 05:00 PM

هههههههههه
أول ما شفته وقعت من الضحك :)
مفيش حد فينا كان في المدرسة الا ودخلت غارة علي المدرسة من الوحدة الصحية
ويقولوا تطعيم
انا فاكر والله كانت أيام سودة
كانت مدرستي لغاية أعدادي كانت مشتركة
فجأة تلاقي المدرسة الصوت فيها علي قوي
في أيه ؟
تطعيم
أول سؤال كنت بسأله
فين ؟
هههههههههه
كنت بكره الحقنة ده مووووووووت
بس من وانا في ثانوي بقت عادي
كنت فاكر في مرة قالوا علي التطعيم
قمت خارج من الفصل ورحت لمراة صاحب المدرسة
هي صاحبة والدتي قوي
رحتلها أقولها
كان في حد قاللي انك عايزاني
قالتلي لأ :)
متأكدة انك مش ناسية
أه
طاب بقي في مدرس انا عايز أشتكيه
قالتلي روح علي فصلك بدل ما أكلم ماما :)
مع انها بتحبني قوي
بس كانت قافشاني ساعتها

بس :)
تفتكر أيه عن الأيام ده ؟

**Abdo_Eldesokey** · 13-01-2011 05:03 PM

ههههههههههههههههههه .. صورة جامدة جداً

فعلاً أقل وصف كان يتقال على يوم التطعيم ده إنه غاااااااااارة d:

أنا كنت فاكر لما يقولوا فيه تطعيم بكرة ، كنت بعمل المستحيل عشان مروحش المدرسة

ولو حصل غارة مفاجأة ، الواحد بيحاول يخلع بأي طريقة

بس الحمد لله الوضع اختلف تمام دلوقتي ، وبقيت بعشق الحقن d:

**A7MED_PHARMA** · 13-01-2011 05:09 PM

والله ياجو
أنا لحددلوقتي فاكر أول تطعيم
كان قاعد جمبي عيل تيييييتتتت
سألت -زي مانت سألت بالظلط- الحقنة دي فين
الواد التييتت قالي ..الحقنة دي في العين

أنا فاكر يومها إني قعدت أعيط...وعملت المستحيل علشان أهرب من المدرسة
بس على مين
قفشوني وإدوهالي

**ali.mahmoud** · 13-01-2011 05:18 PM

كان بيبقى يوم تخبيط وناس بتنط من الشباك وناس بتعيط وناس بيغمى عليها بس كانت ايام حلوة

**pro_samir** · 13-01-2011 05:27 PM

كانت بتبقي مناحه وعياط للصبح

بس اللي يشوف الحقنه في الصوره دي .. ميشوفش الخازوق اللي كانو بيحقنونا بيه

**أحمد كمال** · 13-01-2011 05:37 PM

انا مرة اتضربت علقة غباء بالعصاية في رابعة ابتدائي عشان اخد الحقنة بالعافية و امي راحت تاني يوم نفخت المدرسة و عرفت الممرضة جت من انهي مكتب صحة و راحت نفختها برضه