مــا هــو الـCD إللى بنــزل مع السيـــريون المانيـــــوال

انا لسه راجع من توكيل دايهاتسو اللي في شارع احمد عرابي...

الحمد لله دفعت وباذن الله هاكملهم الفلوس بكرة بمشيئة الله... ولكن !!!!

العربيه ان شاء الله هاجيبها السيريون 1300 مانيوال اللي هيا ب 77000 ... الراجل ركبت عربيه زيها جوة لاقيت التابلوه بتاعها متشال منو الاوديو سي دي الاصلي وراكب فيها سي دي ام بي ثري سوني ياباني اصلي...

قلت للراجل ايه ده قاللي هيا بتنزل من اليابان فاضيه من غيرو واحنا بنديلك الكاسيت دة كادوة من عندنا...
الصراحه الكلام دة مادخلش دماغي خالص وانا ماشي لاقيت سيريون 1500 اوتوماتيك وراكب فيها السي دي الاصلي... نزلت وسالت الراجل قاللي لا انا واخد دة معاها ومخدش السوني ام بي ثري اللي بيقولو عليه...

ياريت تقولولي للناس اللي اشترو ال 1300 المانيوال بياخدو انهي سي دي مع العربيه ...
خصوصا انو مهما كان اللي بيدوني ام بي ثري وسوني واصلي بس شكلو مع التابلوة مش زي السي دي الاصلي لانه سايب فتحه كدة فاضيه شكلها وحش قوي...

افيدوني يا جماعه ارجوكم ضروري جدا... واسف للاطالة

هو فعلا كده الظبط

الكاملة بس هيا اللي بتنزل بالأوديو سي دي
سواء 1500 سي سي اللي بـ 91 الف
او الــ 1300 سي سي اللي بــ 86 الف

غير ذلك بينزل سي دي ام بي ثري سوني

وفعلا كلام الوكيل صح

طمنتني يا ابو عبدالله...

بس شكلها كدة مش ولابد...

مش عارف اعمل ايه بقي

فعلا هية كدة

لو عاوز الكاسيت الأصلى مقداماكش غير الكاملة اوتوماتيك 1300 سى سى او 1500 سىسى

الف شكر يا فهد باشا

سؤال لأبو عبد الله و اي حد يعرف
دلوقتي السريون المفروض إن عرضها من جوا 1400مم ودا من الفيديو ده:

http://www.youtube.com/watch?v=CXB6l_3X7no

و الهوندا سيتي المفروض انها من جوا 1380 مم و دا مذكور في اللينك دا:

http://www.nilemotors.net/Nile/showt...A+%D3%ED%CA%ED

معقولة السيريون من جوا اوسع من السيتي برغم الفرق الكبير في الحجم من برا؟؟

انت عارف الكورولا من الداخل كام

عرض الكورولا من الداخل 1480 سم
يعني فرق عن السيريون 8 سم

فمش غريبه ولا حاجه
وبعدين فرق عرض الباب نفسه
حسب الفرش اللي فيه وعرض لفة الباب البومبيه اللي فيه يعني

سؤال كمان ....

احنا ان شاء الله ناويين نأمن عالعربيه عند التوكيل اللي بيتعامل مع الجمعيه المصرية للتامين التعاوني؟؟؟

ايه رايكو فيها..

هانأمن بنسبة 2,7 % بدون نسبة تحمل ...

حد امن مع الوكيل وارتاح في المعامله معاهم؟؟ ولا كان فية مشاكل ؟؟

يعني لو لا قدر الله حصل حاجه التعامل سهل ولا التعامل ازاي اصلا؟؟

انا راي انا انك بلاش تأمين أحسن وافضل لك ولدينك

السلام عليكم و رحمه الله
اخي العزيز
اولا الف الف مبروك علي العربيه و ربنا يديك خيرها و تامن شرها ان شاء الله
بالنسبه لموضوع الكاسيت فهو فعلا كده و زي ما ابو عبد الله وضحلك بس اننا عيز افرحك و اقلك انن موديلات 2007 ال 1300 كان الكاسيت فيها شرايط بس مش ام بي ثري فالحمد لله كده انت حظك حلو......
اما بالنسبه للتأمين فالنسبه كتييييييييييييييييييييييي ييييييييييييييييييييييييي ييييييييييييييييييييييره اوي من هنا لبكره لأن النسبه كده مغالي فيها
يا افندم انا شغال في الجمعيه و بكده اقلك ان المعرض بيبقي اصلا واخد خصم 50 % علي الوثيقه و بيبعها لحضرتك بمعني اصح.
و عشان برده متبقاش قلقانن مبيبقاش فيها اي ميزه زياده نهائي صدقنني و الله لأن لو كانن بيها ميزه زياده انا كنت قلت علي طول..........
انا طبعا ليا الشرف انني اقدر افيد سيادتك في الموضوع ده عالعموم لو حابب اننك تأمن في الجمعيه فالنسبه هيا 1.5% انا طبعا عارف ان الفرق كبير و انن هي هيا ننفس الوثيقه و لكنن احننا كموظفينن لينا حسابات تانيه و اسعار تانيه و في زي مصاريف اداريه و تسويقيه انا شايلها من الوثيقه و قدرت اني اقدمها بالسعر ده لأعضاء المنتدي.
و طبعا اننا تحت امرك في اي استفسار تاني و يارب بس اكونن قدرت افيدك...
اخوك / ممدوح

اخويا ابو عبدالله كامل احترامي ليك يزداد يوما بعد يوم ولكن انا عرفت ان الحرام هو التامين علي الحياه...

اخويا ممدوح انا متشكر ليك جدا علي عرض خدمتك ولكن انا هأمن عند التوكيل نفسه...

يعني لو لاقدر الله حصل حاجه للعربيه فانا معاهم علي طول...

يعني لو حصل لا قدر الله حادثة ( ربنا يحفظنا واياكم ) هاروح التوكيل ويظبطولي الدنيا ومش هادفع فلوس...

انا مش بفهم قوي في حكايات التأمين وشروطها والحاجات دي ولكن انا لاقيت ان في كونتاكت التامين بيبقي نسبته عالية جدا قد تصل الي 4%.

بس هما في حاله الحوادث بيتحملو مصاريفي انا واللي خبطة كمان لحد نسبه معينه..

انا عموما هنا باتكلم عن اللي لو حصل حاجه (لا قدر الله ) هاروح تتظبط او تتصلح او تتغير ومش هادفع ولا مليم...

لو العربيه اتسرقت هاخد فلوسها كاملة...

اقتباس:

---

المشاركة الأصلية كتبت بواسطة m10_10

اخويا ابو عبدالله كامل احترامي ليك يزداد يوما بعد يوم ولكن انا عرفت ان الحرام هو التامين علي الحياه...

اخويا ممدوح انا متشكر ليك جدا علي عرض خدمتك ولكن انا هأمن عند التوكيل نفسه...

يعني لو لاقدر الله حصل حاجه للعربيه فانا معاهم علي طول...

يعني لو حصل لا قدر الله حادثة ( ربنا يحفظنا واياكم ) هاروح التوكيل ويظبطولي الدنيا ومش هادفع فلوس...

انا مش بفهم قوي في حكايات التأمين وشروطها والحاجات دي ولكن انا لاقيت ان في كونتاكت التامين بيبقي نسبته عالية جدا قد تصل الي 4%.

بس هما في حاله الحوادث بيتحملو مصاريفي انا واللي خبطة كمان لحد نسبه معينه..

انا عموما هنا باتكلم عن اللي لو حصل حاجه (لا قدر الله ) هاروح تتظبط او تتصلح او تتغير ومش هادفع ولا مليم...

لو العربيه اتسرقت هاخد فلوسها كاملة...

---

الله يخليك
ولكن التأمين مش على الحياه فقط ولكن ممكن حضرتك تقرأ في الموضوع لتعرف حكم مجمع العلماء او راي جمهور اهل العلم ايه في الموضوع
حيث انه لا فرق بين التأمين على اشياء والتأمين على الحياة

وشكرا لك

يا باشا لا شكر علي واجب حضرتك متقولش كده ابدا ده امننيتي و الله اني اقدر اخدم و افيد بس.
بس لو هما قالولك انن لاقدر الله و حصل اي حاجه هما اللي هيصلحو من غير انت متدفع اي حاجه يبقي لو طلبوا مننك حتي 5 % ادفع علي طول...
بس رجائي انك تأكد عليهم في الموضوع ده جدا و تتأكد منهم لأن صدقني الموضوع ده مش موجود في الجمعيه نهائي لأننا اصلا مش بنتعامل مع دايهاتسو حتي وقتنا الحالي و الكلام ده اكيد 100 %.
كل اللي طالبه من حضرتك انك تقولهم لو حصل اي حاجه لاقدر الله انك هتجيلهم علي المعرض و هما يخلصوا كل حاجه منن تقديم اخطار و اي حاجه تانيه هتكون مطلوبه.
لأنك حضرتك هتكون دفعتلهم هما ضعف تمن الوثيقه الاصلي و الفرق ده طبعا بيدخل ليهم فطبعا امام الفرق ده لازم تحملهم اي حاجه هتتعلق بالعربيه طول مده الوثيقه.
و طبعا حضرتك هما اكيد هيقولولك طبعا و تحت امرك في اي حاجه بس اكيد اكيد هيبانن من اسلوب ردهم ان كلامهم مش مظبوط.
بس صدقني طالما هتدفع فرق يبقي من حقك انك تستفيد بيه و متفرطش في حقك ابدا بس انا بقلك كده عشان و انت بتتكلم معاهم يبقي عنندك خلفيه في كل حاجه.
و كمان عشانن متفهمشي كلامي غلط انا ميهمنيش غير مصلحتك انت و الله لأنن كده كده الوثيقه هتتعمل في الجمعيه فأنا معنديش اي مشاكل خالص.
و طبعا لو محتاج اي استفسار اننا تحت امرك طبعا و لو تحب ممكن ابعتلك رقم موبايلي عشان لو عيز تستفسر علي اي حاجه و اننت هناك في المعرض اكونن موجود معاك و افقدر افيدك انن شاء الله..........
السلام عليكم و رحمه الله