زيادة اضاءة لوحة عدادات الكورولا الملكة والنتيجة غريبة !!

**Mohamed.Mohsen** · 13-01-2011 11:02 PM

السلام عليكم ورحمة الله وبركاته

غيرت اللمبات بلمبات اكبر لان الاصلية كانت ضعيفة وضعفت جدا الا ان الغطيان البلاستيك اللي بيبقوا مغطيين نصف اللمبة كانوا ماسكين بشدة في اللمبات القديمة من السخونة لزقزا مع الزمن والاستعمال ولن ينفع ان نفصلهم عن اللمبات ف الكهربائي ركب اللمبات الاقوي بدونهم وقال دول مش هنلاقيهم وما بيتباعوش وكان النور قوي جدا وابيض وشديد ومبهر في لوحة العدادات الاول كان بين الاخضر الفاتح والازرق لان الغطيان نفس اللون ودول الفابريقة طبعا
هل يوجد حلول او اقتراحات من اخوانا الاعضاء المحترمين
مع الشكر والتقدير

**amrelsaqqa** · 13-01-2011 11:20 PM

مش فاهم ايه المشكلة ؟
وضح اكتر ايه المشكلة دلوقتى طالما النور مبهر وواضح وزي الفل ؟

**Mohamed.Mohsen** · 14-01-2011 12:34 AM

المشكلة انه اقوي من اللازم يتعب العين شوية الغطيان كانت مهدية الاضاءة وجعلها مقبولة ولاتتعب العين

**amrelsaqqa** · 14-01-2011 02:49 AM

ممكن تحط ورق "ازّاز" ملون عشان يغير اللون لأصفر او برتقالى مثلا واول ما اللون هيتغير هيخف شوية وهيبقى مقبول

يعنى ممكن تجيب من المكتبة ورق السلوفان الشفاف ده اللى بيبقى عامل زي ورقة قمر الدين وتركبه تحت اللمبة
وممكن توصل مقاومة ريوستات تتحكم بشدة الاضاءة بيها

بس ايه نوع الليدات او اللمبات اللى انت جبتها وجبتها منين وبكام وياريت لو صورة

**A.Saad** · 14-01-2011 09:10 AM

هات قلم فلوماستر ولون

**فادى محمد** · 14-01-2011 03:21 PM

انا فاهم قصدك ياباشا ..عارف الناس اللي بيفرشوا النور بتاع الافراح بيلونوا اللمبات ازاي ؟ بيغطسوها في علبه دوكو .ممكن تاخد الفكره وتلون اللمبات بنفس الشكل .