الموضوع: جمعية رسالة ما بين مؤيد ومعارض

المشاركة الأصلية كتبت بواسطة funnymickey

عيبهم الوحيد شئ واحد
الاختلااااااااااااااااااا ااااااااااااااط

ولاد علي بنات والمعايير الدينيه غير موجوده اطلاقا
بمعني اوضح

ده في رأيي العيب الوحيد
ان الموضوع اجتماعي اكتر منه ديني وثواب

إزاى بس يا استاذ صبحى .... انا مشترك فى رسالة المعادى من سنة تقريبا

واقدر اقولك ان ما شاء الله الالتزام الدينى جميل جدا وهو ده اصلا المحرك الرئيسى للمتطوعين لفعل الخير وليس جانب اجتماعى ابدا

احنا مثلا لما كنا بنطلع نشاط الاطعام كان دايما يكون فيه خطبة واحنا رايحين واحنا جايين فى الباص عن تجديد النوايا وعن حاجات كتير اللى احنا طالعين عشان ناخذ ثوابها

مثلا فى نشاط القوافل الداخلية والخارجية كنا بنقضى سهرتنا فى قعدة تتكون من شباب كتير وكل واحد يقرا ربع من القران وبعد كده اللى جنبه يكمل وهكذا طول الليل ....

بس بجد للأمانة هيا المشكلة فى حاجة .... ان الحاجات اللى زى الاحتفالات ده والتجمعات بيبقى كل الناس رايحاها ..... يعنى مثلا واحد شاب يسمع عن رسالة يقوم قايل لصحبته فى الكلية متيجى نروح .... وهكذا
علشان كده بتلاقى فى التجمعات الجماهيرية فيه عدم نظام لانه كله بيروح ومفيش فحص للمتطوعين .... اما الانشطة الخيرية الدائمة فهتلاقى بس الناس اللى عاوزة تساعد واللى عاوزة تنول رضا ربها

حاجة اخيرة .... بجد رسالة ده يمكن اعظم مشروع اتعمل فى مصر للخير بعد مستشفى 57 ... صحيح الواحد بيتفقع منهم بسبب المواعيد .... بس بجد رسالة ده غيرت حياة الواحد

بالتوفيق للجميع

المشاركة الأصلية كتبت بواسطة funnymickey

ماهو ده اللي بتكلم عليه
التجمعات
والقوافل اللي بتتعمل
الموضوع بيبقي مختلط زياده عن اللزوم

انما غير كده لا طبعا جمال جدا
انا طلعت معاهم اتوبيس ايام ما كان عمرو خالد بيدي في الحصري في اكتوبر
وطول الطريق كنا بنقول اذكار وادعيه ومسابقات دينيه
والاتوبيس كان ولاد بس والبنات كانت رايحه لوحدها

هوا الموقف اللي قلته بس التجمعات

والله بص يا استاذ صبحى انا ليا رايى خاص كده فى موضوع الاختلاط .... بس مش مهم

بس فيه ملاحظة كده ..... وإحنا فى القوافل بالذات الاطعام .... كنا بنروح اماكن بجد تحت الصفر ... عزب وكده .... فكان لازم كل مجموعة بنات يطلع معاهم ولاد علشان مينفعش البنات يطلعوا لواحدهم .... إذا كان إحنا مرة كنا هنتضرب والله علشان واحد كان عاوز ياخد وجبة بالعافية ... وهووب لاقينا العملية سخنت ... روحنا سايبين الاكل وجريييناااا

وكان فيه برضه مرة هنتخانق لان كان فيه واحد من شباب القرية بيعاكس واحدة معانا وكانت برضه هتقلب بخناقة جامدة

انا رايى طالما سمحنا للبنات انهم يطلعوا النشاطات الخارجية وكده خلاص بقى .... كل اللى نقدر نعمله ان يكون فيه احترام متبادل والتزام من كلا الطرفين ..... بس طبعا لازم يكون فيه تيم ورك اللى حضرتك هنا مسميه الاختلاط

بالتوفيق ان شاء الله

الجمعيه دي اللي مأسسها ومعظم اللي شغالين فيها من كليتي
واللي اعرفه عنهم انهم ناس محترمين جداً وكل اللي اعرفهم دخلوها حياتهم اتغيرت تماماً
اي كلام تاني هتسمعيه هيكون عباره عن واحد قاعد مع نفسه بخياله المريض بيقول الناس دي بيبقى معاها ملايين اكيد بياخدو منها وطبعاً هيروح يحكي لاي حد فتنتشر الاشاعه ،وده اللي بيحصل للمصريين عند التفكير في اي بني آدم معاه فلوس حتى لو مش بتاعته مع انهم بيقولو دايماً انهم محتاجين ايدي عامله (متطوعين) اكتر من الفلوس

جمعية رسالة ربنا يجازيهم كل خير على اللي بيعملوة بس انا ليا عتراض على نظام القوافل بتاعهم
انا طلعت معاهم مرة من سنتين للصعيد و كانت اول و اخر مرة
هما بيجمعوا التبرعات و الملابس و الطعام و الادوية و بجد مجهود فوق الوصف بس للاسف بيضيع بطريقة تافهة بمعنى اني بطلع في قافلة 70-80 متطوع كلهم شباب جامعة و مدارس طالعين في اتوبيسين سياحيين و قاعدين في فندق 3 ايام كاملين على حساب التبرعات و المطلوب من القافلة انهم يوصلوا مية لليوت و يركبوا اسقف للبيوت المتهدمة و قافلة للخدمات الطبية و كل الموجودين ميعرفوش يعملوا الكلام دة او هيتعملوة و مش هيطلع باتقان
كان هيجرى اية بدل ما اكلف مصاريف اقامة و مواصلات و اكل و شرب كان ممكن بكل بساطة المصاريف دية تجيب بيها
10 نجارين يعملولك اسقف البيوت
10 سباكين يوصلولك المية لحد البيت
10 دكاترة و صيادلة يكشفوا و وزعزا الدواء لكل محتاج فعلا بدل ما هي هيصة كدة
و كلهم هيبقوا من اهل البلد او بلدان حواليه و يبقى افدتهم و استفدت و وفرت فلوسي لحاجة افيد

موضوع الاختلاط فعلا موجود بس في حدود يعني اتوبيس للبنات و اتوبيس للاولاد و في الفندق بيبقى الدور كلة مخصص للبنات بس في التعامل عادي