اعزائى
ترددت كثيرا قبل كتابه الموضوع حتى لا يتحول الى ساحه عراك اخرى
الغرض من الموضوع هو التفكير فى اليات للحفاظ على حاله الترابط و الود و افكار حتى نستطيع ان نستوعب متغير جديد ظهرعلى السطح
البعض يعلم ان السيد كريم صاحب المنتدى تأذى كذا مرة بسبب هجوم من طرف على طرف داخل صفحات المنتدى
و ده ادى لقواعد مشدده فى حرية النقد سواء اتفقنا عليها ام لا و لكن هى المعمول بها و التى نلتزم بها و الكل يعلم الكفاءه التى يعمل بها المشرفين و الحمل على عاتقهم
حتى الخلافات التى ادت للموقف ده خلافات مصالح مفهومه و كان الاستقواء بأجهزه الامن من اطراف حتى ينالوا حقوقهم من اطراف اخرى مع تورط صاحب الارض فى الموضوع لملكيته للمنتدى يعنى باختصار مركز مش عايز يتقال عليه كلام شديد فى المنتدى فمفهوم الموضوع ليس نابع من ايدلوحيه او اختلاف فكرى او عقائدى صاحب الورشه او المركز متواجد هنا عشان مصلحه ماديه ليه يجيب زبون او يعرف الناس بيه مش
اليوم و لأول مره فى قسم الشكاوى يتم التهديد المباشر باللجوء الى امن الدوله و تقديم بلاغات ذات صبغه طائفيه
ده منعطف و تحول خطير بدأ من الاستقواء بالغرب و نسجت الفكره فى العقول حتى وصلنا ان بينا و بين بعض فى اختلافات ايدلوجيه و عقائديه نلجأ و نستقوى بالخارج(خارج المنتدى) حتى نحبطها و نعلم اننا ضيوف هنا على صاحب المنتدى و كمان بالمره نوديه فى مشاكل
نعم فيه بعض التجاوز و مش للدرجه و كمان تجاوز من الطرف الاخر و مش للدرجه و الهدوء برضه يسود ممكن الكلام صادم لطرح الافكار و لكنه ليس سب فى معتقد او سب للاخر هيه افكار يموج بها عقلنا جميعا و نسعى لنتشارك لعل و عسى نخرج من الكلام بشئ مفيد - يعنى لازم الحوار عشان الناس تفهم بعض
و لغاية دلوقتى تقريبا مافيش وقت و المشرفين متابعين اول باول و تحذيرات بسيطه
احنا رايحيين فين؟ ليه بنحمل الناس اكتر من طاقتها؟؟؟ ليه التهديد؟ ده انت وسط اخواتك و بيكلموك ؟؟ بتهدد مين و ازاى؟؟؟
و بعدين فى الاخر نسمع استنكار لما نقول ان الاخر لا يندمج
انهارده فى عضو كاتب فى تعليق انه خايف يبص من العربيه على اللى جانبه فيطلع مسيحى و يبلغ عنه انه بصله و جرح مشاعره
طبعا اسلوب ساخر و لكن يوصل المعنى
طيب هنصحى الصبح نلاقى تنبيه بالاحمر و انقر هنا و الرساله معروفه منتدى نايل موتورز منتدى سيارات و برجاء عدم التكلم فى المشاكل الطائفيه زى اى تجنب لاى مشكله قبل كده و كان بيبقى للصالح العام بسبب خلافات مع اطراف خارجيه
بس المره ديه مننا فينا واحد من العيله عايز يجيب واحد لينا من بره
طيب شعور الاعضاء ايه ناحيه مثل هذا لتصرف سوى البغض و الاحساس ان فيه متربض او جاسوس بينا
اعلم ان قوانين نايل موتورز مافهاش حاجه تعالج مثل هذه الواقعه و لكن انا عن نفسى احب الشخص ده يبقى بره الجماعه مش عايزه معايا طالما هو مش محترمنا ولا محترم المكان اللى احنا ضيوف عليه
يا ريت لو فيه ردود تناقش معايا افكار مش تهاجم الراجل يعنى ايه اللى ممكن يتعمل ايه اللى ممكن يحصل
هنلاقى الصبح التنبيه؟ و لا الاداره هتتخذ موقف مخالف؟
شكرا لوقتكم فى القراءة
المفضلات