انا ماليش غيركم

**rompo10** · 14-01-2011 02:27 AM

يارب تكوني فاكرني انا بعت عربيتي الاوبل من كام يوم وبفكر اجيب بيجو 406 او بي ام 316 موديل 94 او 95 عاوز رايكم انا ماليش غيركم بعد ربنا لاني طبعا لو سالت في قسم السياره هايمدحوا فيها انا سالت علي الاسعار بس ياريت تفيدوني برايكم

**E30power** · 14-01-2011 02:44 AM

بص هقولك على حاجة تريحك ....اركب دية واركب ديو وقارن وهيا ماشية ....

e36 >>من رائى تكسب اى حاجة فى سعرها للى لية فى الركوب عموما .........مثلا انا بعت ال لانوس 2008 كان معايا من الزيرو وكنت مدلعها ونزلت جبت e30 ,واشدها بمزاجى ..وفعلا فرق كبيررر بين الاتنين

ال e36 >>قطع غياره الاستيراد رخيصة ومترمية فى الحرفين ..خلفى وثبات وعزم ويوم ما تقول يا مواتير قابل بقى بالاستات الى بينزلها .. بس ال 1600 بتاعها فى الجرى مش اد كدة عموما

البيجو الناس تفيدك اكتر لانى مركبتهاش قبل كدة

**Opel_Rekord** · 14-01-2011 02:56 AM

صعب مقارنه بين المانى وفرنساوى

دى ركوبه ودى ركوبه تانيه خالص

**bedo13** · 14-01-2011 03:51 AM

بي ام افضل في كل حاجة ماعدا الموتور والموديل...
يعني مثلا بي ام 96 هتلاقيها بسعر 406 موديل 2003...
البي ام ثبات رياضية شكل شبابي قطع غيار وصيانة اسهل وارخص...
البيجو موديل يعتبر حديث نسبيا, موتور 2000 سي سي فخمة..
يعيبها قطع غيار صعبة ومشاككلها محتاجة واحد متخصص بالذات الكهربا واعادة البيع تقيلة جداااا
ميزة البي ام انها بتقبل تعديل بغبااااء...

**thug** · 14-01-2011 05:42 AM

ربنا يوعدنا يا عبده بواحده بي امايه كده اي موديل من 91 وانا معاك
بتقبل التعديل فعلا بغباء :(((

**bedo13** · 14-01-2011 02:23 PM

شكرا ياضيف بس انا بحلم بحتة سيفيك 96‎ SiR ‎تكون اوريجينال واركبلها تربو...
تعلم على اشد بي ام...
هتوصل ل+400 حصان...

**tamertamer** · 14-01-2011 03:45 PM

يغور الفرنساوى بقرفة بجد عربية التكنولوجيا فيها حاجة تعقد بجد تفتح متفهمش حاجة
بص بالمقرنة بين الاثنين نجد الاتى

1- bmw

1- متور 1600 ضعيف لاكن كويس
2- فى الجرى تعبانة عشان متور صغير ذيها ذى الاوبل 1600 عربية ثقيلة الوزن مع متور صغير الالمانى عايز بديتك 1800
3- قطع غيار رخيصة ومتوفرة وكثسرة انصصها فى الحرفين مترمية
4- شكل ممتاز رياضى وشبابى جميل من انجح الاشكال واتبنا عليها الشكل حتى الان
5- يعبها الفقر الشديد فى الشكل الجمال للصلون ودة نتيجة ان دة تطور الشل فى فترة التسعينيات
6- بتستحمل جدا ودية ميزة الالمانى مش سهل تقف
7- توافر كبير بالنسبة للصنيعية عن اى مركة المانى اخرى (من زمان الاب الكبير بيركب مرسيدس والابن بى ام دبليو )
8- لو جبتها حالة نضيفة هترتاح اوى وتعد تدعى لشركة بى ام بس مع الاسف نادر جدا لما تلقى منها حالة كويسة لانها شبابية وانت عارف الشباب بيعمل اة
9- معدل الامان ضد السرقات عالى جدا
10 - الاعدة رياضية بس على المدى الطويل متعبة

نيجى لل 406

1- عربية فخمة جدا من جوة مع خامات تقفيل علية جدا
2- عفشة نعمة جدا
3- سواقة رقية جدا وسلسة وبور ناعم وكراسى زى الحرير تحسسك انك اعد فى الانترية مريح خالص
4- متستحملش الفرك ولا اللعب مطلقا
5- عربية كلاسيكية بحتة
6- يفلب عليها الطابع الجمالى الشيك (زى اصحاب الكرفتات الشيك )
7- امكنيات واوبشن عدد زى ما انت عايز
8- قطع غيار نار يا حبيبى نار تامن عليها تعيش مطمن
9-التكنولوجيا فيها معقدة بشكل رهيب جدا من الاخر عيزة امكنيات فى التصليح اى ورشة عدية او فوق العدية لا تادى الغرض دة حتى فى تغير البطرية قصة عشان البرمجة متبص
10 - الصنيعية قليلين جدا ويندر اذا وجد
11- مصنعيتها غلية جدا انت راجل باشا لازم تكع غير اى حد
12- لو عطلت منك انسا لازم مركذ صيانة محنك
13- التسارع بتعها ممتاز كون متورها مش كبير
14- ثبتها جيد جدا
15- توافر نها حالات كويسة لانها مش شبابية وليها نسها بيكونو عادتا ناس اصحاب مذاج عالى