الناس اصحاب الخبرة ارجو المساعده

**pcaccess** · 14-01-2011 05:25 AM

السلام عليكم
انا معايا بى واى دى من 2008
ولمبة الكشاف العالى اتحرقت وقلتلهم فى التوكيل غيروها (كانت الصيانة فى فرع العباسية) واتغيرت وتمام
بعد حوالى 9 شهور بدأت الاحظ ان الكشاف اللى اتغيرت فيه اللمبة بدأ يبقى غامق وجواه تراب
قعدت افكر واقارن بين الكشافين
اكتشفت انهم فى التوكيل (الله يجازيهم على قدر عملهم وحرقة اعصابى)
اكتشفت ان فيه كاوتشة المفروض تركب بعد اللمبة بحيث تمنع التراب انه يدخل جوه الكشاف وهما بسلامتهم شايفين ان الكاوتشة دى مالهاش اهمية وماركبوهاش

انا دلوقتى مش عارف اعمل ايه....افك الكشاف وانضفه من جوه؟؟ طب انضفه بإيه وازاى؟؟ طبعا التوكيل ممكن يقولى غير الكشاف كله

افيدونى افادكم الله

**bassem.naguib** · 14-01-2011 08:54 AM

أعتقد أن البولش بتاع تلميع السيارات بيجيب نتيجة كويسة لأنه مرة أتعمل في الكشافات عندي .. بس أسأل الكهربائي اللي حتروح ليه الأول .. بس لازم تشوف الكاوتشة دي وتركبها بعد ما تلمع الكشاف .

وده موضوع عن تلميع الكشافات :
http://www.nilemotors.net/Nile/191947-a.html

**kokyjoon** · 14-01-2011 10:18 AM

سلام عليكم

أنا قريت طريقة التلميع اللى فى اللينك ممتازة بس دى لتلميع الكشاف من الخارج
لاكن مش هاتشيل التراب اللى من الدخل
لازم الفانوس يتفك وتخلع منه اللمبات وإنت وحظك أولا تجرب إنك تشطفه بماء وصابون
من مكان تركيب اللمبة الكبيرة وتكون المياه دافئة أفضل علشان تيل التراب وتشطفه
وبعد كده تنشفه ببلور هواء كويس
لاكن لو حظك وحش والتراب لازق جامد لازم تكون مجهز أنبوبة سيليكون وتفك لباغة الأمامية
خالص وتنظف أطرافها وأطراف الفانوس من السليكون وتنظف الفانوس بسفنجة بالصابون
وتنشفه بقماشة قطن كويس جدا وبعد كده ترجع تلزق الوش بالسليكون تانى وتاكد من
وضع السليكون كويس على أطراف الوش علشان مايكونش فى فراغات تدخل تراب اتانى
وثبت الفانوس تانى كويس وتأكد من وضع كوتشة التراب اللى على اللمة الكبيرة
لو إنت مش هاتعرف تعمل الموضوع ده ممكن اى بتاع كماليات يعملك الفانوس

**bassem.naguib** · 14-01-2011 10:52 AM

المشاركة الأصلية كتبت بواسطة kokyjoon

سلام عليكم

أنا قريت طريقة التلميع اللى فى اللينك ممتازة بس دى لتلميع الكشاف من الخارج
لاكن مش هاتشيل التراب اللى من الدخل
لازم الفانوس يتفك وتخلع منه اللمبات وإنت وحظك أولا تجرب إنك تشطفه بماء وصابون
من مكان تركيب اللمبة الكبيرة وتكون المياه دافئة أفضل علشان تيل التراب وتشطفه
وبعد كده تنشفه ببلور هواء كويس
لاكن لو حظك وحش والتراب لازق جامد لازم تكون مجهز أنبوبة سيليكون وتفك لباغة الأمامية
خالص وتنظف أطرافها وأطراف الفانوس من السليكون وتنظف الفانوس بسفنجة بالصابون
وتنشفه بقماشة قطن كويس جدا وبعد كده ترجع تلزق الوش بالسليكون تانى وتاكد من
وضع السليكون كويس على أطراف الوش علشان مايكونش فى فراغات تدخل تراب اتانى
وثبت الفانوس تانى كويس وتأكد من وضع كوتشة التراب اللى على اللمة الكبيرة
لو إنت مش هاتعرف تعمل الموضوع ده ممكن اى بتاع كماليات يعملك الفانوس

طبيعي لازم وش الكشاف يتفك .. ويكون مجهز سيليكون للزق الوش بعد التلميع وكذلك لو فيه كاوتشات ناقصه لضمان عدم تسرب مياه أو أتربة داخل الكشاف .. زي ما حضرتك وضحت .

بس أنا كنت أقصد أنه لمزيد من الفاعليه في تنظيف الكشاف علشان المية والصابون مش حتشيل الاصفرار أو الغيامة .. يستخدم البولش (كمية صغيرة) وفوطة قطنية في التنظيف علشان لو كان فيه اصفرار من تأثير الأتربة .. وبعد البولش يغسل الكشاف بمية وينشف كويس (التأكد من جفاف الكشاف كويس) .

**pcaccess** · 14-01-2011 07:44 PM

اشكركم جدا يا جماعة على الردود والنصائح
بس انا مش برجح موضوع المية ده
هى النواكل اللى جوه دى صاج ولا بلاستيك ؟

طب يا جماعة لو حبيت افك الفانوس ده...فكه سهل ؟؟ انا ليا فى الحوارات دى بس ما عملتهاش قبل كده

وعلى فكرة موضوع التلميع من بره ده راااااااائع شكرا على اللينك

شكرا تانى يا جماعة

**mmmmgogommmm** · 14-01-2011 08:04 PM

الفانوس لازم يطلع برة وتفكة وتشيل اللمبات وتغسلة وتحاول تمسح من الداخل بقماشة ملفوفة على اى حاجة رفيعة وطويلة وتنشفة كويس ولوعندك مصدر هوا للتجفيف زى السيشوار يبقى تمام وبعد كدة تركب وترجع كل حاجة زى الاول وتستخدم السيلكون الشمعة اللى باالمسدس الكهربى مش السيلكون الانبوبة بتاع الزجاج وهتلا قى الامور 100/100

**lonedoctor** · 15-01-2011 12:19 AM

والله اخى الكريم انا لى راى مختلف تماما وهو انه لو حضرتك بتمشى بالسيارة كتير بالليل وبالذات طرق سفر يبقى غير الكشافين الاتنين بجديد وريح دماغك احسن بس اتاكد من انهم راكبين كويس والكوتشات فى مكانها وسعرهم الان موش غالى فى التوكيل بدل ما تفك وتركب وتلحم وتكلف نفسك بلا فائدة
تقبل تحياتى

**kokyjoon** · 15-01-2011 11:54 AM

سلام عليكم
بس لو الكشافات بحالتها والعواكس بتاعتها كويسة يبقة خسارة تغييرها

-

الموضوع: الناس اصحاب الخبرة ارجو المساعده

LinkBack

أدوات الموضوع

عرض

-

-

-

المواضيع المتشابهه

ارجو الافادة من اصحاب الخبرة

ارجو من اصحاب الخبرة حل مشكلتي

ارجو المساعدة من اصحاب الخبرة

ممكن الافادة من الناس الافاضل اصحاب الخبرة !!

ارجو الافادة من اصحاب الخبرة

الكلمات الدلالية لهذا الموضوع

المفضلات

المفضلات

ضوابط المشاركة