شروط ادخال سيارة تريبتك الي مصر ؟

**Ali_Ezzat** · 14-01-2011 09:32 AM

تزوجت من اردنية من فترة قصيرة ونقضي حاليا شهر العسل في تايلاند

الفكرة ان عندها سيارة بيجو في الاردن مرخصة باسمها "بدون حظر بيع او اي شئ تاني" وهي تعشق هذه السيارة

بنفكر نرجع بهذه السيارة مصر تريبتك وتستعملها في مصر وتدخل وتطلع بيها كل فترة

السؤال هو

ما التكاليف المرتبطة بكده؟ من ناحية الجمارك والضرايب والترخيص وكده ؟ ومااشتراطات الخروج والدخول؟ وهل يوجد حد اقصي لعدد مرات الدخول أو لمدة كم سنة؟ وهل تدخل زوجتي سياحة عشان تدخلها؟ وهل مطلوب اوراق اردنية غير الرخصة؟

نوع سيارتها : بيجو 207 cc "مكشوفة"

سعة الموتور : 1600 cc

سنة الانتاج والتملك: 2009

وزوجتي اول مالك للسيارة

**Ashraf_Ibrahim** · 14-01-2011 02:33 PM

كان نفسي اساعدك بس للأسف معنديش معلومات

لكن على أي حال انا داخل الموضوع لهدف تاني

ألف ألف ألف مبروك عليكم الزفاف والزواج وان شاء الله يرزقكم بالذرية الصالحة وتعملوا للمنتدى عزومة كبيرة اول ما ترجعوا مصر امال هنبارك ببلاش يعني واللا ايه

بهزر بهزر ما تصدقش يا راجل

**Col. Eng. Khaled** · 14-01-2011 03:29 PM

حضرتك شوف كدا ، علّ و عسى :

من عنده معلومات عن زيارة مصر بسيارة اجنبية التربتيك - محاورات المصريين

طريقة السفر لمصر من السعوديه بالطريق البرى - مستني

أتمنى أكون قدرت أقدم لحضرتك حاجة تفيد .

**tamertamer** · 15-01-2011 11:44 AM

لو هى اول مالك ليها ممكن ترخصها وفى امكانية لتقسيط الجمارك للاجانب (مش عارف موجود الحوار دة ولا اتلغاء لان دة من مدة طويلة ) وتقدر تدخلها ملاكى بلاء وجع قلب بس نصيحة منى بلاش عربية ذى دية هتجبلها قطع غيار منين