الموضوع: الى وحوش البروتون والهونداي والاخص واجا والنترا

I think Waja is better

انا معيا برتون واجا 2009 اول لما جبتها كانت عندي اشهر مشكله كلها في القسم ويمكن اندرها حدوثا في المشاكل عندي عندي بنطة لحام ناقصة بين الشاسيه وجسم العربية ودي كانت عمله صوت بشع كرهني في العربية وفكرت في بيعها بعدها ب5 شهور بس المهم التوكيل دوخي في الاخر تدخل المهندس الكبير أمر الكوافي وتم حل المشكله نهائيا الحمد لله وبدات اتمتع بالعربية ..

الماتور فعلا ماليزي ومختلف عن الماتور اليباني في الواجا ال2005 انا حميا معها الواجا القديمة الي بمتور يباني بصراحه الميزه الويحده فيها ان صوت الماتور اهدي شوية من الكامبرو الجديد وكمان في نقطه مهمه التكيف تأثيره بسيط علي سحب العربيه بعكس الكامبرا بيقي في تاثير بس مش كبير اوي دا في حالة ان في 5 اشخاص جوا العربية الصاج كمان بتاع الموديل القديم اقوي

العربية بصفة عامه تحس انك راكب عربية محترمه فيها اداء يرضيك ويرضي اي حد بس خد بالك هيا عربية مش جرايه يعني مش زي الجين تو لانها اتقل وغير كدا كمان ثبتها مش زي الجين تو لان طبعا الجين تو مش عاليه زي الواجا غير دا ودا الشكل الخارجي من قدام بتحس بالشراسه من ورا تصميم ايطالي قديم ودا العيب الوحيد في شكلها لكن ممكن تركب جناج وتفيم الجزء الاحمر من الفانوس وتهبط العربيه شويه هتفرق جامد جدا في الشكل

الخامات حلوه مش بطاله خد بالك انت بتتكلم في فئه سعرية بين 80الف وال 90 وصعب اصلا تلاقي خامه نضيفه اوي بالسعر دا وبالعكس هيا خامات مش وحشه خالص يعني تخيل انها انضف من خامات السيراتو الجديده اكر الباب وخامات التبلوه مع فرق السعر لصالح السراتو الي اغلي من الواجا بحاولي 20الف ولا حاجه

التسارع جميل جدا وقدرة الماتور ممتازه وتقدر تشد مع اتخن عربيه وانت مطمن ان العربيه مش هتخلي شكلك وحش بس عموما انت جوا البلد اخرك هتمشي علي ال90 لكن علي الطريق برحتك انا جبت بيها 160 وكانت تجيب اكتر طبعا بس خليك في السليم وروح لاهلك سليم احسن ان شاء الله

النقطه السلبيه الوحيده هيا توكيل عمو عز اعوز بالله انا بكره اليوم الي بدخل فيه التوكيل دا بس عموما الناس بتقول انو في تحسن مستمر وان شاء الله مش هتحتاج التوكيل اصلا غير في تغير الزيت والفلاتر والحاجات البسيطه دي

طبعا الشكل بتاع الواجا اتغير بس دا في ماليزيا بس ودا اتفاق مع برتون ولانسر هيخدو شكل الانسر شارك وهيتغير في العربيه الماتور والفتيس لكن هيا هيا الانسر شارك وعموما متقلقش الشكل مش هيتغير في الشرق الاوسط كله الا بعد 2013 علي الاقل

الكمليات حلوه وجميله فرامل abs واير باجز وسنتر وكاسيت وجنوط 16

اه السعر الفول اوبشن اوتماتيك 88الف تقل او تزيد حاجه بسيطه

نصيحه هات الواجا افضل من الانترا الي بس تتفوق علي الواجا في اسعار بعض قطع الغيار وكمان سعر اعادة البيع وربنا يوفقك وتختار الاختيار الامثل ان شاء الله وانا معاك في اي استفسار عن الواجا

المشاركة الأصلية كتبت بواسطة tamermagdi

I think Waja is better

thank you

المشاركة الأصلية كتبت بواسطة eslamkasem

نصيحه هات الواجا افضل من الانترا الي بس تتفوق علي الواجا في اسعار بعض قطع الغيار وكمان سعر اعادة البيع وربنا يوفقك وتختار الاختيار الامثل ان شاء الله وانا معاك في اي استفسار عن الواجا

مش مهم عندي سعر اعادة البيع لاني مش بفكر ابيع بعد كده الى بعد 10 او 15 سنه
المهم سعر قطع الغيار لاني شوفت اسعار غريبه في المنتدى عن البروتن

المشاركة الأصلية كتبت بواسطة felix

لازم تخد بالك من حاجة مهمة جدا ان الانترا عربية ناعمة جدا عكس الواجا خشنة جدا وبتحس بكل رملة على الارض وانت قاعد جوة

انا يهمنى جدا موضوع النعومه وده اللي مخليني عاوز ابيع عربيتي الشاهين واجيب عربيه ناعمه وصوتها هادي مسمعوش وانا سايق



والف شكر لردودكم واتمنى المزيد من الردود

انا مش معايا واجا بس عايز اقول لو عايز عربية ناعمة يبقى النترا
لكن لو عايز اوبشنز اكتر يبقى واجا
قطع الغيار الاصلى نفس السعر تقريبا لكن قطع غيار الالنترا متواجدة اكتر من البروتون
والافضل تجرب سواقة العربيتيين واللى تستريحلو اكتر اشتريه لو كنت بتسأل عشان الشراء