ممكن اعرف اية سبب نقص المية من القربة
عرض للطباعة
ممكن اعرف اية سبب نقص المية من القربة
1- تسريب فى دوره المياه
2- غطاء القربه بايظ
شيك علي دوره التبريد بدايه من غطا القربه والخراطيم والقفزان وطرمبه الميه وطبب الموتوروالكيعان...المنطقه اللي فيها تسريب هتلاقيها مملحه من خروج الميه منها .
نفس المشكله كانت معى ولكنى لاحظت وجود ميه أسفل السيارة
وكنت بزود ميه فى القربه باستمرار لانى مش فاضى اروح للميكانيكى لمدة يومين
وبعدها روحت للميكانيكى وكانت الاجابه طرمبه الميه..
فغيرت الأتى :-
طرمبه ميه أسبانى 90 جنيه
بليه كاتينه كورى 75 جنيه
سير كاتينه ايطالى 50 جنيه
وبالمره غيرت سير الدينامو وسير التتكييف والحمد الله توقف نقص الميه...
بالإضافة للقربة نفسها ممكن يكون فيها شرخ من تحت ,
أو تسريب من دورة الساخن داخل التابلوه ,
حاول تتابع مكان العربية علشان تشوف لو فيه تنقيط علشان تتبع مصدره ,
و شوف بإيدك القربة من تحت هل فيه تسريب و لا لأ ,
و تتبع كل الوصلات و الخراطيم الظاهرة قدامك ,
و كمان راجع المشترك الموجود اسفل الانجكشن ,
و لو موصلتش لحاجة من كل ده يبقى ريح نفسك و اعمل زي ما محمد ممدوح بيقول ,
أكبس دورة التبريد عند واحد كويس علشان توصل للسبب.