ما الحل فى حدوث رجه فى الفتيس المانيـوال عند الطلعة فى الزحمـة لميجان 2007
السلام عليكم ورحمة الله وبركاته
أنا أول مره أكتب في منتدى فا يا رب اللي يقدر يساعدني في المشكله دي ما يبخالش علينا.....
المشكله هي في عربيتي ميجان 2007 معايا من سنه الحمد لله ومافيش أي مشاكل بس من كام شهر كده ظهر معايا حاجه غريبه جداً وهي اني لما أمشي فتره في زحمه وما أكتر الزحام في مصر طبعاً :) المهم بيحصل معايا رجرجه جامده جداُ على الأول وأنا طالع وبتختفي على أي نقله تاني وبتروح خالص اول ما امشي تاني بدون زحمه :( انا مش فاهم اي حاجه ولا حد من رينو فاهم انا باقول ايه اساساً كل ما أقولهم عليها يقولولي مافيش حاجه وآخر مره قالولي لازم تيجي والعيب موجود والمشكله ان سبحان الله كل ما أنوي أروح رينو المشكله دي تختفي معايا :confused: والشوارع كلها تفضى وبالتالي بتروح المشكله..........
أرجو من أي حد من ملاك رينو المحترمين لو فاهم اللي بقوله أو حصل ليه حاجه زي كده وعرف ايه سببها او ايه المشكله يفيدنا وشكراً جزيلاً وجزاكم الله كل خير .