اخر كلام من ساعتين في المعرض لتاني مرة
قابلت واحد من اللي بيشرحوا مواصفات العربية وسألته بمنتهي الصراحة انا ناوي اشتري لو اتوماتيك لكن لو مانيوال حصرف نظر قاللي الشركة منزلاها مانيوال و مش حتنزل اتوماتيك و بالنسبة للكماليات حتختلف حاجات بسيطة جدا عن المعروضة
سيبته و اخدت لفة و رجعت سألت واحد تاني قاللي انها حتنزل اتوماتيك اخر السنة دي كموديل ل2012 و المانيوال حتنزل ب155 الف فعلا بس مش بمعظم الكماليات اللي معروضة حتي الجنط الرياضي حينزل 16 مش 17 و لما سألته فين الدعاية بتاعة العربية قال الأعلانات حتبتدي الفترة الجاية
انا حسكت عن الكلام في الموضوع تاني لأن فيه تضارب في اقوال الشركة ممثلة في مندوبيها اللي واضح ان الصورة مش كاملة عندهم هم كمان و ده مش كويس مع شركة في حجم نيسان
و الخبر الجديد اللي عرفته في المعرض ان الكيا السبورتج الجديدة التحفة حتنزل 1600 سي سي ( مع ال2000 سي سي اللي ب350 الف ) و حتكون بحوالي 150 الف اتوماتيك كل الكماليات قبل شهر 5 الجاي و حيفتحو باب الحجز قريبا و لا تعليق !!!!!!!!!
المفضلات