هجيب ساجا ! ممكن مساعدة ؟

سلام عليكم :)
انا نويت بعد طول بحث وبعد اما شفت مشاركاتكم بتشكروا في ساجا اني اجيبها .. !! ارجو بقي انكوا تكملوا جميلكم وتساعدوني اني اجيبها :verygood:
اناعايز اجيبها بالتقسيط و ناوي ادفع 25.000 مقدم بس مش عارف اجيبها منين :rfds:
من التوكيل ؟ ولا من معرض عادي ؟
وايه مميزات اني اجيبها من التوكيل ؟
وهو بيدي ضمان 100.000 كيلو .. ياتري الضمان ده يشمل ايه بالظيط أحسن انا في العربيات صفر ومش فاهم اي حاجه ..

وياتري يا هل تري البروتون ساجا FaceLift ال 2011 نزلت و لو هحجز بكرة استلمها امتي ؟؟


شكرا مقدما يا رجاله .. وارجو الرد يكون واضح وبالتفصيل الممل زي ماعودتونا يا بروتوناويه وبالتحديد يا ساجاوية . :36_2_33:

طيب بص انا ها اجاوبك بس حبة حبة ونقطة نقطة
بالنسبة للـ face left دي مش ها تنزل في 2011 دي نازلة 2012 على كلام البعض من الزملاء ..
بالنسبة لميعاد الإستلام .. انا اعتقد انه بقى مستحيل حاليا تلاقي 2010 اوتو وكمان حرام فإنتا مبدئيا لازم تحدد ها تجيب الأوتو ولا المانيوال ..
من المعض او من التوكيل مش ها تفرق في اي حاجة غير ميعاد التسليم لأنو لو المعرض عندوا جاهز ها يسلمك فوري ولكن التوكيل ممكن تستنى من اسبوع لـ 10 ( في حالة انها كانت متوافرة ) بخصوص بقى دفعة 2011 فليس لي علم الحيقيقة هيا ها تنزل امتى ولا حتى ميعاد التسليم ولكن انا نصيحتي ليك انك تروح تحجز بأسرع فرصة لأنه الحجز عليه اقبلا وانا متأكد من نسبة السحب زايدة عليها لدرجة انه اول دفعة منها انا متوقع مش ها تلاقي منها اي حاجة متسابة..
بالنسبة للضمان هوة حاليا للساجا ولجميع سيارات بروتون . 3 سنين (100,000كم ) ايها اولا .. والضمان على جميع اجزاء السيارة عدا الأجزاء الإستهلاكية .. يعني تيل فرامل بايظ يتغير فورا وفي الضمان .. ولكن خلص فدي بقى مشيئة ربنا انه يخلص لأنه عبارة عن اداة استهلاكية ... اعتقد ان لم اكن كاذبا فهناك بقايا من موديل 2010 مازالت موجودة ولكن دي بقى ترجع لحضرتك تاخدها ولا لأ فأنا من رأيي انو حضرتك تنزل تحجز لموديل 2011 وتنسنى مواعيد التسليم وفي نفس الوقت تشوف اي موزع معتمد ها تنزل عندوا الـ 2011 وتربط معاه لقيتها نزلت في التوكيل اولا خلاص خير وبركة نزلت في المعرض اولا يبقى تاخدها وتسحب مقدم الحجز من التوكيل ..
واعتقد اني كدى غطيت كافة التساؤلات بتاعت حضرتك .. وانا تحت امر حضرتك في اي استفسارات اخرى ..

اقتباس:

---

المشاركة الأصلية كتبت بواسطة sayed911

طيب بص انا ها اجاوبك بس حبة حبة ونقطة نقطة
بالنسبة للـ face left دي مش ها تنزل في 2011 دي نازلة 2012 على كلام البعض من الزملاء ..
بالنسبة لميعاد الإستلام .. انا اعتقد انه بقى مستحيل حاليا تلاقي 2010 اوتو وكمان حرام فإنتا مبدئيا لازم تحدد ها تجيب الأوتو ولا المانيوال ..
من المعض او من التوكيل مش ها تفرق في اي حاجة غير ميعاد التسليم لأنو لو المعرض عندوا جاهز ها يسلمك فوري ولكن التوكيل ممكن تستنى من اسبوع لـ 10 ( في حالة انها كانت متوافرة ) بخصوص بقى دفعة 2011 فليس لي علم الحيقيقة هيا ها تنزل امتى ولا حتى ميعاد التسليم ولكن انا نصيحتي ليك انك تروح تحجز بأسرع فرصة لأنه الحجز عليه اقبلا وانا متأكد من نسبة السحب زايدة عليها لدرجة انه اول دفعة منها انا متوقع مش ها تلاقي منها اي حاجة متسابة..
بالنسبة للضمان هوة حاليا للساجا ولجميع سيارات بروتون . 3 سنين (100,000كم ) ايها اولا .. والضمان على جميع اجزاء السيارة عدا الأجزاء الإستهلاكية .. يعني تيل فرامل بايظ يتغير فورا وفي الضمان .. ولكن خلص فدي بقى مشيئة ربنا انه يخلص لأنه عبارة عن اداة استهلاكية ... اعتقد ان لم اكن كاذبا فهناك بقايا من موديل 2010 مازالت موجودة ولكن دي بقى ترجع لحضرتك تاخدها ولا لأ فأنا من رأيي انو حضرتك تنزل تحجز لموديل 2011 وتنسنى مواعيد التسليم وفي نفس الوقت تشوف اي موزع معتمد ها تنزل عندوا الـ 2011 وتربط معاه لقيتها نزلت في التوكيل اولا خلاص خير وبركة نزلت في المعرض اولا يبقى تاخدها وتسحب مقدم الحجز من التوكيل ..
واعتقد اني كدى غطيت كافة التساؤلات بتاعت حضرتك .. وانا تحت امر حضرتك في اي استفسارات اخرى ..

---

ياسلام عليك ... ربنا يكرمك و يحميلك الساجا بتاعتك :)
بس انا للأسف محتاج العربية قريب .. يعني بالكتير اوي اسبوع ... منين اقدر اعرف الموزعين المعتمدين دول ؟
ولو من معرض عادي مش هيبقي فيه ضمان مش كده ؟
وانت ترشحلي معرض ايه ؟؟
وسعرها كام دلوقتي .. اصلي لسه سائل من شوية في معرض قالولي 65.000 جنيه المانيوال ..
وسؤال كمان معلش ... ايه الفرق بين 2010 و 2011

معلش أسألتي كتير .. بس كله بثوابه ان شاء الله ..

بص لو مزنوق فيها قوي اعتقد توكل على الله وهات موديل 2010 .. هوة هوة موديل 2011 بدون ادنى اختلافات ولكن حضرتك انتا في 2011 يعني كلمة 2010 تقلل من ثمنها عند البيع ولكن الكلام ده لو كنت ها تبيع فقط غير كده انتا مدام مزنوق فيها قوي كده توكل على الله وهات 2010 ... ولو من اي معرض انتا برضوا ضمانك مع عز العرب اللي هوة المستورد الوحيد لها في مصر يعني انتا الكسبان ... الموزعين المعتمدين دول اللي هما تابعين لتوكيل عز العرب زي معارض الطيران او المصرية على ما اعتقد وهكذا .. واعتقد ممكن تكلم التوكيل تستفر منهم هل ممكن تستلم 2011 في خلال الأسبوع ده ولا تتوكل علىالله ويجيبولك الـ 2010 من اي معرض ويدلوك عليه ...

اقتباس:

---

المشاركة الأصلية كتبت بواسطة sayed911

بص لو مزنوق فيها قوي اعتقد توكل على الله وهات موديل 2010 .. هوة هوة موديل 2011 بدون ادنى اختلافات ولكن حضرتك انتا في 2011 يعني كلمة 2010 تقلل من ثمنها عند البيع ولكن الكلام ده لو كنت ها تبيع فقط غير كده انتا مدام مزنوق فيها قوي كده توكل على الله وهات 2010 ... ولو من اي معرض انتا برضوا ضمانك مع عز العرب اللي هوة المستورد الوحيد لها في مصر يعني انتا الكسبان ... الموزعين المعتمدين دول اللي هما تابعين لتوكيل عز العرب زي معارض الطيران او المصرية على ما اعتقد وهكذا .. واعتقد ممكن تكلم التوكيل تستفر منهم هل ممكن تستلم 2011 في خلال الأسبوع ده ولا تتوكل علىالله ويجيبولك الـ 2010 من اي معرض ويدلوك عليه ...

---

والله انت باشا .. ربنا يكرمك وتجيب ال Gen II

وياريت ياجماعه اللي يعرف حاجه من باقي الأسئلة يجاوب... سؤال السعر ده اختياري يعني اللي مش هيجاوبة هينجح برضه :Oc_sun1[1]: معلش شوية رخامة كده هههههههه

مش معقوله كده بقى يا سيد ...

سيبنى أقول حاجة بقى ....

دا بعد إذنك طبعا .... هرد على أخونا الساجاوى الجديد إن شاء الله ...

أولا اهلا ومرحبا بك وسطينا أخ عزيز كريم

وإن شاء الله مش هتندم على إختيارك للسيارة ولا للمنتدى...

انا ساجاوى برضوا بس مش قديم ولا جديد اوى

عربيتى استلمتها يوم 5/12 يعنى معايا بقالها شهر وشويه اهه وما شاء الله مش هاقولك عنها حاجة

الا لو اتصلت بيا ( عشان العين لانى اخدت منها ما فيه الكفايه ).

المهم ....

بما إنك مستعجل ... يبقى إنسى انك تجيب اوتو خالص ..

هل انت عاوز المانيوال ؟ لو غاويها اوك توكل على الله وانوى واحنا هنساعدك نخليها عندك فى اقل من اسبوع بإذن الله...

ولو عاوزها اوتو يبقى لازم تستنى لحد اول مارس بالكتير اوى وبرضه احنا هنساعدك فيها وهحاول معاك على قد ماقدر.

نصيحتى الخاصه والامر فى الاول وفى الاخر لحضرتك ....

الاوتو جامدة جامدة جامدة بمعنى الكلمه وهتريحك فوق ماتتصور ..

مش معنى كده يبقى بلاش المانيوال ولازم اوتو وطبعا الاوتو مش موجودة وانت مستعجل تقوم تصرف نظر عن الساجا خالص ... لا طبعا فى كل الاحوال الساجا احلى من كل حاجة ...

بالنسبة للتقسيط ...

أنا إشتريت بالتقسيط برضه من شركة مشهورة اوى اوى والناس اللى فيها فى قمة الادب والذوق والاحترام ..

موضوع المرتب والتحرى والكلام ده تنساه ...

هى صورة البطاقة وشيت قبض من محل عملك.

لو عاوز تعرف اسم الشركة دى وعنالوينها وتليفوناتها قولى وانا ابعتلك عالخاص ...

انا خلصت إجراءاتها فى اقل من اسبوع والحمد لله ..

بالنسبة معرض ولا توكيل :

لو هتجيب اوتوماتيك وهتستناها يبقى لازم معرض طبعا افضل

لو هتجيب مانيوال ومستعجل يبقى ممكن معرض وممكن توكيل.

بالنسبه لفلوسك :

انت هتدفع 25 الف .... اوك ..

نظام التقسيط هيكون كالتالى حسب عدد سنين التقسيط :

( الكلام ده بالنسبه للمانيوال 2010 لو كانت متوفرة ).

12 شهر : 3584 جم / شهر

24 شهر : 1923 جم / شهر

36 شهر : 1387 جم / شهر

48 شهر : 1122 جم / الشهر

60 شهر : 967 جم / الشهر

ودا بخلاف المصاريف البنكيه والاستعلام والذى منه وبالكتير الف جنيه ...



ملحوظة : للأمانه علشان ماكونش خبيت عليك حاجة .....

عيوب العربية :-

- إستهلاك السيارة للبنزين يعتبر الى حد ما مرتفع بالمقارنه بمثيلاتها ومتوسط استهلاكها 10 كم / 1 لتر.

- قطع الغيار غير متوفرة غير بالتوكيل فقطوالمراكز المعتمدة للخدمة واسعارها مرتفعه بالمقارنه الى مثيلاتها.

- صوت الموتور مش ناعم او منخفض زى بقيه العربيات والسبب بسيط ... ده موتور كام برو .. يعنى معاك اسد بيعبر عن نفسه ولا يمكن يسكت وبرضه صوته مش اللى هو نقول عليه مزعج بس لازم تقول مرعب.

الحلول والرأى :-
- موضوع الاستهلاك ده مش هيتعبك اوى -- انت نفسك هتقول مش مهم لانك لما تسوق العربية وتشوف موتورها عامل ازاى على الطريق مع انه 1300 cc مش هتفرق معاك شويه بنزين زيادة بعشرة جنيه فى التفويلة.

- موضوع قطع الغيار ، الحمد لله انت شارى عربية زيرو يعنى مش هتفكر فى قطع غيار دلوقتى خالص وان حصل ن اهى موجودة فى التوكيل ومراكز الخدمة المعنمدة وبالنسبة للأسعار فأسعار قطع الغيار بدات فى النزول بالفعل وعن تجربة فعليه نظرا لزيادة ملاك السيارة والعدد مستمر فى الزياده ده غير ان فى بعض الزملاء اكتشفوا حاجات اصليه بتاعه عربيات تانية بتركب فى الساجا وسعرها خمس الحاجة بتاعة الساجا ...

أنا طولت عليك بس انا حاسس بيك وعاوز اساعدك ولو بالنصيحه ... انا كنت محتار حيره بقالها 3 شهور لحد ماربنا هدانى واختارلى الساجا...

لو فى اى معلومات عاوزها انا تحت امر حضرتك وتقدر تتصل بيا فى اى وقت على رقم 0116007025

مع خالص تحياتى بالتوفيق وحسن الاختيار

اخوك

محمد عبد المجيد

الاسكندرية

استاذ محمد عبد المجيد والله انا اللي بقيت قاعد بقرأ الرد ومعجب جدا بطريقة حضرتك انا بقول انا اسيب الكلية وحضرتك تسيب الشغل ونتوكل علىالله نشتغل مندوبين في عز العرب والله ها تجيب همها ههههه والله انا لو اعرف انك انتا اللي ها ترد بعدي كنت سبت الموضوع كلو لحضرتك انا ليا الشرف اني تلميذ من تلامذتك :d :d :d ولكن انا بصراحة مش عارف هوة اصلا حتى في 2010 موجودة في السوق انا فاكر لما حضرتك كنت بتلف عليها ومش لاقيها نهائيا ... على العموم هوة الزميل ان شاء الله يقرر واكيد ها نجيبها بإذن الله ..

اقتباس:

---

المشاركة الأصلية كتبت بواسطة megarekab

مش معقوله كده بقى يا سيد ...

سيبنى أقول حاجة بقى ....

دا بعد إذنك طبعا .... هرد على أخونا الساجاوى الجديد إن شاء الله ...

أولا اهلا ومرحبا بك وسطينا أخ عزيز كريم

وإن شاء الله مش هتندم على إختيارك للسيارة ولا للمنتدى...

انا ساجاوى برضوا بس مش قديم ولا جديد اوى

عربيتى استلمتها يوم 5/12 يعنى معايا بقالها شهر وشويه اهه وما شاء الله مش هاقولك عنها حاجة

الا لو اتصلت بيا ( عشان العين لانى اخدت منها ما فيه الكفايه ).

المهم ....

بما إنك مستعجل ... يبقى إنسى انك تجيب اوتو خالص ..

هل انت عاوز المانيوال ؟ لو غاويها اوك توكل على الله وانوى واحنا هنساعدك نخليها عندك فى اقل من اسبوع بإذن الله...

ولو عاوزها اوتو يبقى لازم تستنى لحد اول مارس بالكتير اوى وبرضه احنا هنساعدك فيها وهحاول معاك على قد ماقدر.

نصيحتى الخاصه والامر فى الاول وفى الاخر لحضرتك ....

الاوتو جامدة جامدة جامدة بمعنى الكلمه وهتريحك فوق ماتتصور ..

مش معنى كده يبقى بلاش المانيوال ولازم اوتو وطبعا الاوتو مش موجودة وانت مستعجل تقوم تصرف نظر عن الساجا خالص ... لا طبعا فى كل الاحوال الساجا احلى من كل حاجة ...

بالنسبة للتقسيط ...

أنا إشتريت بالتقسيط برضه من شركة مشهورة اوى اوى والناس اللى فيها فى قمة الادب والذوق والاحترام ..

موضوع المرتب والتحرى والكلام ده تنساه ...

هى صورة البطاقة وشيت قبض من محل عملك.

لو عاوز تعرف اسم الشركة دى وعنالوينها وتليفوناتها قولى وانا ابعتلك عالخاص ...

انا خلصت إجراءاتها فى اقل من اسبوع والحمد لله ..

بالنسبة معرض ولا توكيل :

لو هتجيب اوتوماتيك وهتستناها يبقى لازم معرض طبعا افضل

لو هتجيب مانيوال ومستعجل يبقى ممكن معرض وممكن توكيل.

بالنسبه لفلوسك :

انت هتدفع 25 الف .... اوك ..

نظام التقسيط هيكون كالتالى حسب عدد سنين التقسيط :

( الكلام ده بالنسبه للمانيوال 2010 لو كانت متوفرة ).

12 شهر : 3584 جم / شهر

24 شهر : 1923 جم / شهر

36 شهر : 1387 جم / شهر

48 شهر : 1122 جم / الشهر

60 شهر : 967 جم / الشهر

ودا بخلاف المصاريف البنكيه والاستعلام والذى منه وبالكتير الف جنيه ...



ملحوظة : للأمانه علشان ماكونش خبيت عليك حاجة .....

عيوب العربية :-

- إستهلاك السيارة للبنزين يعتبر الى حد ما مرتفع بالمقارنه بمثيلاتها ومتوسط استهلاكها 10 كم / 1 لتر.

- قطع الغيار غير متوفرة غير بالتوكيل فقطوالمراكز المعتمدة للخدمة واسعارها مرتفعه بالمقارنه الى مثيلاتها.

- صوت الموتور مش ناعم او منخفض زى بقيه العربيات والسبب بسيط ... ده موتور كام برو .. يعنى معاك اسد بيعبر عن نفسه ولا يمكن يسكت وبرضه صوته مش اللى هو نقول عليه مزعج بس لازم تقول مرعب.

الحلول والرأى :-
- موضوع الاستهلاك ده مش هيتعبك اوى -- انت نفسك هتقول مش مهم لانك لما تسوق العربية وتشوف موتورها عامل ازاى على الطريق مع انه 1300 cc مش هتفرق معاك شويه بنزين زيادة بعشرة جنيه فى التفويلة.

- موضوع قطع الغيار ، الحمد لله انت شارى عربية زيرو يعنى مش هتفكر فى قطع غيار دلوقتى خالص وان حصل ن اهى موجودة فى التوكيل ومراكز الخدمة المعنمدة وبالنسبة للأسعار فأسعار قطع الغيار بدات فى النزول بالفعل وعن تجربة فعليه نظرا لزيادة ملاك السيارة والعدد مستمر فى الزياده ده غير ان فى بعض الزملاء اكتشفوا حاجات اصليه بتاعه عربيات تانية بتركب فى الساجا وسعرها خمس الحاجة بتاعة الساجا ...

أنا طولت عليك بس انا حاسس بيك وعاوز اساعدك ولو بالنصيحه ... انا كنت محتار حيره بقالها 3 شهور لحد ماربنا هدانى واختارلى الساجا...

لو فى اى معلومات عاوزها انا تحت امر حضرتك وتقدر تتصل بيا فى اى وقت على رقم 0116007025

مع خالص تحياتى بالتوفيق وحسن الاختيار

اخوك

محمد عبد المجيد

الاسكندرية

---

والله ماعارف اقول لك ايه .. بجد بجد انت استاااذ وشكرا اوىىىىى علي نصايحك وشعورك الرائع .
انا ناوي اجيب مانيوال ان شاء الله , مش عايز استهلاك بنزين اكتر من كده يعني . كويس كده وربنا يباركلي فيها ..
بس تعرف اللي مخليني متردد شكل التابلوه .. انا ماشوفتهاش علي الطبيعه لكن في الصور شكله بلاستك كده مالوش تلاتين لزمة .. يمكن اما اشوفها علي الطبيعه هيختلف اكيد .. عايز رأيك في الحته دي بعد إذنك ؟

وياريت طبعا اسم الشركة اللي انت اتعاقدت معاها .. مع العلم اني في القاهرة .

اقتباس:

---

المشاركة الأصلية كتبت بواسطة sayed911

استاذ محمد عبد المجيد والله انا اللي بقيت قاعد بقرأ الرد ومعجب جدا بطريقة حضرتك انا بقول انا اسيب الكلية وحضرتك تسيب الشغل ونتوكل علىالله نشتغل مندوبين في عز العرب والله ها تجيب همها ههههه والله انا لو اعرف انك انتا اللي ها ترد بعدي كنت سبت الموضوع كلو لحضرتك انا ليا الشرف اني تلميذ من تلامذتك :d :d :d ولكن انا بصراحة مش عارف هوة اصلا حتى في 2010 موجودة في السوق انا فاكر لما حضرتك كنت بتلف عليها ومش لاقيها نهائيا ... على العموم هوة الزميل ان شاء الله يقرر واكيد ها نجيبها بإذن الله ..

---

ياباشا انت تنور موضوعي واعتبره بتاعك .. هتدوني شعار الساجاواية ؟

ههههههه الشعار ده لازم تاخده بعد كفاح كلنا هنا جبنا الساجا بعد كفاح مرير وازلي اللي يعني الأستاذ محمد كان عنده ولادة متعسرة مع الساجا بتاعتوا وانا كان عندي قيصرية يعني ادفر 1400 جنيه في ترخيص عربية 1300 ههه صدمات تتوالا هيا اللي بتخلينا نعشق العربية بجنون .. ولكن بص التابلوه مش بلاستيك ولكن احدى سياسات بروتون اللي بتعجبني انهم بيقتصدوا في بعض الكماليا ويضعها في الأساسيات يعني انا مش فارقة معايا بصراحة جمال التابلوه على قد ماهو فارق معايا البارز الفولاذية موضوعة خلف الباب واللي بتمنحه صلابه ممتازة وعوامل امان في سيارات ذات فئة سعرية اعلى .. ولكن صدقني التابلوه على الواقع مش سئ للدرجة ولكن مقبول ... ومتخفش والله اي حاجة هنا ها تسأل عليها ها تلاقينا بنجواب عليها بكل صراحة وشفافية لأننا كلنا مررنا بنفس الحالة اللي حضرتك كنت فيها دي ... والله الموفق واعتقد انتا كده مدام على المانيوال امرك ميسر ان شاء الله .

السلام عليكم جميعا اخوانى الساجاوية

مبروك علينا انتصار الحرية فى تونس

انا لسا جاى من معرض فورميلا الاهرام

وصدقونى لو قلتلكم انى النهاردة ضحكت كتير جدا على الغربيات الى شفتها واسعارها بالنسة للساجا
تخيلو سوزوكى سلاريو الهندية الصنع هاتشباك اوتوماتك ب 70000
وكيا ريو 1400 سى سى التى تعادل فى الشكل والامكانيات الساجا الاوتوماتك سعرها 860000جنية

اما الرينو اللوجان الى هيا مانوال 1600 سى سى وقدرتها 90 حصان يعنى اقل من الساجا الاوتوماتك سعرها 69000

اما الفيات البيا 1400 سى سى وقدرتها 77 حصان بس وصناعة تركى ب72000 جنية

دا حتى العربيات الصينى الهاتشباك المانيول ب60000 زى الفيتا فاو

فاهنيئا لنا جميعا
ناس كتير ضحكت عليا لما اشتريتها النهاردة بقولهم انا انهاردة ضحكت اكتر منكم

اقتباس:

---

المشاركة الأصلية كتبت بواسطة sayed911

ههههههه الشعار ده لازم تاخده بعد كفاح كلنا هنا جبنا الساجا بعد كفاح مرير وازلي اللي يعني الأستاذ محمد كان عنده ولادة متعسرة مع الساجا بتاعتوا وانا كان عندي قيصرية يعني ادفر 1400 جنيه في ترخيص عربية 1300 ههه صدمات تتوالا هيا اللي بتخلينا نعشق العربية بجنون .. ولكن بص التابلوه مش بلاستيك ولكن احدى سياسات بروتون اللي بتعجبني انهم بيقتصدوا في بعض الكماليا ويضعها في الأساسيات يعني انا مش فارقة معايا بصراحة جمال التابلوه على قد ماهو فارق معايا البارز الفولاذية موضوعة خلف الباب واللي بتمنحه صلابه ممتازة وعوامل امان في سيارات ذات فئة سعرية اعلى .. ولكن صدقني التابلوه على الواقع مش سئ للدرجة ولكن مقبول ... ومتخفش والله اي حاجة هنا ها تسأل عليها ها تلاقينا بنجواب عليها بكل صراحة وشفافية لأننا كلنا مررنا بنفس الحالة اللي حضرتك كنت فيها دي ... والله الموفق واعتقد انتا كده مدام على المانيوال امرك ميسر ان شاء الله .

---

ياباشا الصراحة والشفافية دي سيمة كل سيجاوي اصيل ..
ده المعهود منكم ( مش بثبتك والله ) ..
ان شاء الله ربنا يسهل وانزل في اقرب وقت احجزها .. بس يارب عيني ماترحش علي عربية تانيه زي الجين تو واحلف استني لما اكمل ثمنها وابقي اجيبها ... ادعيلي ربني يثبتني .. لحسن انا ضعيف ادام الحاجات دي هههه

اقتباس:

---

المشاركة الأصلية كتبت بواسطة salama_ahmad

السلام عليكم جميعا اخوانى الساجاوية

مبروك علينا انتصار الحرية فى تونس

انا لسا جاى من معرض فورميلا الاهرام

وصدقونى لو قلتلكم انى النهاردة ضحكت كتير جدا على الغربيات الى شفتها واسعارها بالنسة للساجا
تخيلو سوزوكى سلاريو الهندية الصنع هاتشباك اوتوماتك ب 70000
وكيا ريو 1400 سى سى التى تعادل فى الشكل والامكانيات الساجا الاوتوماتك سعرها 860000جنية

اما الرينو اللوجان الى هيا مانوال 1600 سى سى وقدرتها 90 حصان يعنى اقل من الساجا الاوتوماتك سعرها 69000

اما الفيات البيا 1400 سى سى وقدرتها 77 حصان بس وصناعة تركى ب72000 جنية

دا حتى العربيات الصينى الهاتشباك المانيول ب60000 زى الفيتا فاو

فاهنيئا لنا جميعا
ناس كتير ضحكت عليا لما اشتريتها النهاردة بقولهم انا انهاردة ضحكت اكتر منكم

---

هنيئا للسيجاوية في هذه الموقعه الكبري ,, فلنفرح يا رجال بهذا النصر العظيم ولنحتسي الجعة
نياهاهاهااهاههااا:70[1]::2guns:
ده ايه كمية العبط اللي انا فيها دي ... الظاهر الواحد سهر زيادة عن اللزوم

اقتباس:

---

المشاركة الأصلية كتبت بواسطة salama_ahmad

السلام عليكم جميعا اخوانى الساجاوية

مبروك علينا انتصار الحرية فى تونس

انا لسا جاى من معرض فورميلا الاهرام

وصدقونى لو قلتلكم انى النهاردة ضحكت كتير جدا على الغربيات الى شفتها واسعارها بالنسة للساجا
تخيلو سوزوكى سلاريو الهندية الصنع هاتشباك اوتوماتك ب 70000
وكيا ريو 1400 سى سى التى تعادل فى الشكل والامكانيات الساجا الاوتوماتك سعرها 860000جنية

اما الرينو اللوجان الى هيا مانوال 1600 سى سى وقدرتها 90 حصان يعنى اقل من الساجا الاوتوماتك سعرها 69000

اما الفيات البيا 1400 سى سى وقدرتها 77 حصان بس وصناعة تركى ب72000 جنية

دا حتى العربيات الصينى الهاتشباك المانيول ب60000 زى الفيتا فاو

فاهنيئا لنا جميعا
ناس كتير ضحكت عليا لما اشتريتها النهاردة بقولهم انا انهاردة ضحكت اكتر منكم

---

الساجا 2011 :
- هي هي 2010
- تسليم التوكيل مارس 2011
- الحجز بالتوكبل بدأ من اسبوعين
- نصيحه حاول بقدر الامكان تجيب الاوتوماتك حتي لو جيت علي نفسك واستنيت شويه
- الساجا ما شاء الله صفقه رابحه جدا جدا
تحياتي.........

اقتباس:

---

المشاركة الأصلية كتبت بواسطة yaseenmohamed

الساجا 2011 :
- هي هي 2010
- تسليم التوكيل مارس 2011
- الحجز بالتوكبل بدأ من اسبوعين
- نصيحه حاول بقدر الامكان تجيب الاوتوماتك حتي لو جيت علي نفسك واستنيت شويه
- الساجا ما شاء الله صفقه رابحه جدا جدا
تحياتي.........

---

شكرا يا باشا تسلملنا واشوفك منور في مواضيعي كده دايما ..
بس ليه الاوتوماتيك احسن ؟
وهل بتحرق بنزين اكتر ؟

- الاوتوماتبك أريح بالذات في الزحمه ومع كل هذا الكم الهائل من المطبات في شوارع المحروسه...طبعا في ناس بتفضل المابيوال كطابع مختلف في القياده
- استهلاك البنزين : 10 كم /لتر داخل البلد -------13-14 كم /لتر في السفر
تحياتي....

اقتباس:

---

وكيا ريو 1400 سى سى التى تعادل فى الشكل والامكانيات الساجا الاوتوماتك سعرها 860000جنية

---

يا راجل دي كده معدتش الساجا وبس دي كده عدت الباسات والـ bmw الـ 318 وعدت وسافرت ليه هيا كيا عاملية فيها ايه بالضبط :d :d :d ههه واضح انه حضرتك كنت مصدوم بجد بس هوة سؤال بروتون كانت مشاركة في المعرض ولا لأ ؟

:36_2_33:

اقتباس:

---

المشاركة الأصلية كتبت بواسطة sayed911

يا راجل دي كده معدتش الساجا وبس دي كده عدت الباسات والـ bmw الـ 318 وعدت وسافرت ليه هيا كيا عاملية فيها ايه بالضبط :d :d :d ههه واضح انه حضرتك كنت مصدوم بجد بس هوة سؤال بروتون كانت مشاركة في المعرض ولا لأ ؟

---

السلام عليكم

للاسف عز العرب كان مشارك فى المعرض بس مش بالبروتون بل بالفولفو

مع ان العربية دى لو كانت فى المعرض كانت خربتها عليهم كلهم

هيا واضح ويبدو ان الحج عز كان عندوا قناعة انه اللي رايحين المعرض عالم من كوكب آخر وانا أكاد اجزم بأن 60 % من اللي رايحين يتفرجوا على المعرض من الناس اللي بتتفرج على سيارات تحت فئة 150 الف جنيه عشان مش طالبة احباط ولكن على ما سمعت انه مشارك بالـ s90 % s80 عربيات بأرقام اصلا آخاف اكتبها على الآلة الحاسبة حتى .. ولكن هوة ليه قناعتوا الغريبة يعني لو كان شارك ببروتون في المعرض والله كان لفت انتباه ناس كتير ولكن ده حتى يومنا هذا فيه ناس متعرفش كلمة بروتون دي ايه :) :)

:36_2_33:

اقتباس:

---

المشاركة الأصلية كتبت بواسطة sayed911

هيا واضح ويبدو ان الحج عز كان عندوا قناعة انه اللي رايحين المعرض عالم من كوكب آخر وانا أكاد اجزم بأن 60 % من اللي رايحين يتفرجوا على المعرض من الناس اللي بتتفرج على سيارات تحت فئة 150 الف جنيه عشان مش طالبة احباط ولكن على ما سمعت انه مشارك بالـ s90 % s80 عربيات بأرقام اصلا آخاف اكتبها على الآلة الحاسبة حتى .. ولكن هوة ليه قناعتوا الغريبة يعني لو كان شارك ببروتون في المعرض والله كان لفت انتباه ناس كتير ولكن ده حتى يومنا هذا فيه ناس متعرفش كلمة بروتون دي ايه :) :)

---

]دى مؤامرة يا باشا

عاوز ( امان - ثبات - صاج قوي - موتور قوي - قويه و شراسه في التسارع - كماليات رهيبه - سعر كويس ) يبقي خد الساجا و ان شاء الله مش هتندم ابدا انك اختارت العربيه ديه الحمد لله العربيه بدأت تنتشر و كل يوم بتنتشر اكتر من الاول و من غير لا دعايا ولا اعلانات زي شركات تانيه كتير و كلنا عارفين ان عربيتاهم لا تقارن بالساجا و لكن طبعا ضحك علي الناس و خلاص عن طريق الدعايا و الاعلان مش اكتر ربنا يوفقك و تحجز و تستلم علي خير و اهلا بيك معانا بروتوني جديد

مستر سبايدر

معاك حق فى كل كلمه قلتها وأحب أزود عليها كمان ....

الساجا فعلا مش محتاجة إعلان لأن العربية فى حد ذاتها وهى ماشية فى الشارع عبارة عن إعلان متحرك

ساجتى معايا بقالها شهر بس وبمعدل مرة فى اليوم على الاقل لازم حد يسألنى هى العربية دى جنسها إيه ياباش مهندس

واقف فى إشارة واقف راكن بعدى على مطب بالراحة ... لازم الناس تسأل....

ده غير ملاك الساجا نفسهم ...

بالرغم إنى إتقرصت عين محترمة جابت أجل البربريز الخلفى قبل ما أرخصها ومع ذلك مش ببطل شكرانيه وحكاوى لكل اللى أقابله عن
ساجتى حبيبتى

صعب أوى أوى يكون معاك عربية زى دى وماتحكيش عن عمايلها على الطريق وقد إيه سواقتها متعه وقد إيه تحفة فى الشد والجرى والذى منه ... صعب الساجاوى يسكت .

انا أول واحد قولتها وهفضل أقولها طول عمرى

الســــــاجــــا أحلى من كل حاجة
هى اللى فيهم والباقى كله دباجه
تقارنها بإيه بــــس ؟؟ مش محتاجة

تحياتى
محمد عبد المجيد

اقتباس:

---

المشاركة الأصلية كتبت بواسطة MEGAREKAB

مستر سبايدر

معاك حق فى كل كلمه قلتها وأحب أزود عليها كمان ....

الساجا فعلا مش محتاجة إعلان لأن العربية فى حد ذاتها وهى ماشية فى الشارع عبارة عن إعلان متحرك

ساجتى معايا بقالها شهر بس وبمعدل مرة فى اليوم على الاقل لازم حد يسألنى هى العربية دى جنسها إيه ياباش مهندس

واقف فى إشارة واقف راكن بعدى على مطب بالراحة ... لازم الناس تسأل....

ده غير ملاك الساجا نفسهم ...

بالرغم إنى إتقرصت عين محترمة جابت أجل البربريز الخلفى قبل ما أرخصها ومع ذلك مش ببطل شكرانيه وحكاوى لكل اللى أقابله عن
ساجتى حبيبتى

صعب أوى أوى يكون معاك عربية زى دى وماتحكيش عن عمايلها على الطريق وقد إيه سواقتها متعه وقد إيه تحفة فى الشد والجرى والذى منه ... صعب الساجاوى يسكت .

انا أول واحد قولتها وهفضل أقولها طول عمرى

الســــــاجــــا أحلى من كل حاجة
هى اللى فيهم والباقى كله دباجه
تقارنها بإيه بــــس ؟؟ مش محتاجة

تحياتى
محمد عبد المجيد

ده انت شاعر وانا معرفش كل يوم اكتشف فيك ميزة جديدة ولسة ولسة والله
بس بجد اسمع كلام الناس الساجا عربية عجب
بجد بسم الله ماشاء الله عليها في كل حاجة
انا دلوقتي بقول ياما الساجا ياما بلاش واحدة غيرها متنفعناش:36_2_33::bravo::verygood::fanatic ::fanatic::fanatic:

---

أخى العزيز huggz

مش هتصدق لو قولتلك انى لما شوفت موضوعك قومت سجلت علاطول ودى اول مشاركة ليا عشان بس ارد عليك وأفيدك - انا بدخل على نايل موتورز من فترة بس مفكرتش أسجل قبل كده غير لما شوفت موضوعك لأنى وبصراحة حاير وداير زيك بالظبط بقالى ييجى شهرين عشان معايا جولييت 98 ونويت والنية لله أغير العربية بعربية زيرو فى حدود 60 الى 70 ألف وطبعا مفيش فى الفئة دى غير من وجهة نظرى 3 عربيات ممكن تفكر فيهم بجدية

1. ساجا
2.لوجان
3.اسبرانزا M11

بعد مالفيت طويلا وٍسألت كثيرا ملقتش غير الساجا فهى بحق الأروع فى فئتها - وفعلا انا اتصلت بناس كانت سايبة نمرها عالنت عشان اللى حابب يستفسر عن العربية وكمان قفشت واحد راكبها هنا فى بنها ووقفته وٍسألته عنها طبعا قال فيها شعر

أنا مش هطول عليك انت اكيد سألت كتير زى حالاتى وعرفت كل مزايا العربية والحمد لله مفيش عيوب غير حكاية التوكيل وقطع الغيار واللى ان شاء الله تتظبط مع زيادة انتشارها وربنا يهدى عز العرب ويتعدل شوية فى تسويقها

أنا هجاوبك على أسألتك سؤال سؤال وباذن الله أفيدك وياريت تاخد كلامى كله مصدر ثقة لأنى لسه مكلم التوكيل من يومين وهقولك على الكلام اللى عرفته منهم بالحرف

أولا انا هجيبها تقسيط زيك بالظبط وأعتقد مش هتفرق من التوكيل أو معرض كله بيعتمد على البنك اللى بيتعامل معاه المكان اللى هتجيب منه العربية
أنا عن نفسى هجيبها عن طريق بنك CIB لان انا ليا صاحبى شغال فيه وهيظبطلى الدنيا
أنا هدفع مقدم 30 وقسط 860 على خمس سنين بس لسه معرفش هجيبها منين انما هو قاللى هجيبهالك من مكان محترم واحاول اجيبهالك اقل الف جنيه من اى حتة

ثانيا اعتقد حسب الكلام الموجود على موقع عز العرب ان الضمان 3 سنين او 60 الف كم أيهما أقرب وبصراحة معرفش بالظبط الضمان شامل ايه بس هو يعنى الصيانة الدورية وما الى ذلك

ثالثا ساجا 2011 facelift مش نازلة مصر انا سمعت انها مصممة لأوروبا فقط وبالتالى موديل 2011 اللى نازل هيكون نسخة طبق الأصل من موديل 2010 حسب كلام التوكيل لما اتصلت بيهم

رابعا أسعار الموديلات وتوقيت الاستلام وطبعا الكلام ده لو هتدفع كاش اما التقسيط بيعتمد على سرعة اجراءات البنك

ساجا 2010 مانوال ب 65 ألف جنيه والاستلام فورى
ساجا 2010 أوتوماتك خلاص مفيش منها تانى
ساجا 2011 مانوال ب 68 ألف والاستلام خلال أسبوعين بمقدم حجر ألف جنيه لأنهم لسه بيستخلصوها من الجمارك
ساجا 2011 أوتوماتك ب 73 ألف جنيه ونفس الكلام يسرى عليها زى المانوال

أنا عن نفسى هجيب مانوال لأنى بلاقى متعة رهيبة فى سواقة المانوال ومش برتاح أبدا فى الأوتوماتك ناهيك عن بعض أعطال الأوتوماتك لأنها لو عطلت هتحتاس بيها بس طبعا ده بيرجع لاحتياجك انت يعنى لو بتتخنق من الزحمة والسواقة فيها بتتعبك ورجلك الشمال بتنمل من الدبرياج هتكون الأوتوماتك مناسبة ليك جدا

خامسا لو عاوز تكلم عز العرب بنفسك انا جبتلك صفحة من موقعهم فيها كل أرقامهم
http://www.ezz-elarab.com/contactus.html

ساداسا وأخيرا ده رقمى لو حبيت تسأل عن أى حاجة انا تحت امرك أهو احنا الاتنين مصلحتنا واحدة
م.خالد 0171011000

وربنا يبارك لكل اللى معاهم العربية دى ويكفيهم شرها

تصحيح بسيط جدا اخي فقط وهو انا الضمان تم تعديله بحيث اصبح 3 سنوات او 100000 كم ...

شكرا لك أخ سيد على التصحيح وده خبر كويس طبعا لكل ملاك الساجا او اللى بيفكروا يشتروها زييى.
أنا جبت الكلام ده من موقع عز العرب بس للأسف فعلا أنا لاحظت ان الموقع غير محدث بدليل حكاية الضمان دى أكدتلى.

الأستاذ / خالد ..... البنهاوى...

أولا أهلا وسهلا بحضرتك فى المنتدى ...

بقى حضرتك من بنها ؟

يشرفنى إنى أقولك إنك ثالث عضو من بنها هنا ....

الاستاذ / محمد تركى .... أكيد أكيد لو شفته هتعرفه ...شخصيه بتجمع فى وقت واحد بين الادب والاحترام والشهامة والكرم واللى تعتبره صديق من أول مره تقابله....

واللى مش بعيد يكون هو الشخص اللى حضرتك وقفته تستجوبه فى الشارع وخليته قال كل أسرار العربية .....

ياريت تقولى لون العربية كان إيه وشوفتها فين فى بنها .....

والفقير الى الله أخوك / محمد عبد المجيد.....

دا إن ماكناش فى مدرسه واحدة زمان من خمسه وعشرين سنه....

أرجو إنك تقبل دعوة منى " لو وقتك يسمح " إنى أقابل حضرتك فى أى مكان فى بنها وبالتنسيق مع صديقى العزيز ميدو تركى .....


أنا حاليا مقيم فى إسكندرية بسبب شغلى .... وهكون فى بنها بإذن الله الاسبوع القادم ...

ومش معقول نكون بنهاويه سجاويه ومانعرفش بعض ....

أنا شاكك فى معلومة قلتها بخصوص الضمان ....

أعتقد إنها 3 سنوات أو 100 الف كم ....

والضمان لا يشمل الصيانة الدوريه لأن كل صيانه لها ثمن وهو عبارة عن تغيير الزيوت والفلاتر فى الفترة الاولى على الاقل ودى طبعا من المستهلكات .....وبتبقى كل الف كم ، 10 الاف كم ، 100 الف كم وهكذا طول مالعربية معاك حتى لو بعد ستين سنه....

لكن الضمان اللى حضرتك قصدك عليه هو ضمان ضد عيوب الصناعة فقط لاغير ....

يعنى لاقدر الله حد إستلم عربية وإستخدمها وقبل نهايه فترة الضمان حاجة باظت ، التوكيل يغيرها فورا ومجانا بإعتبار إن عيب الصناعه لادخل للعميل فيه ....

ياريت حد يأكدلنا الكلام ده.....

محمد عبد المجيد
ساجا - أبيض - أوتوماتيك
0116007025
الحرس الوطنى