الموضوع: تسعير كليو 2002 الشكل الجديد عاملة كيلو متر 900 كم فقط

انا امامي رينو كليو 2002 الشكل بتاع 2003 ا1200 سي سي اللون سيلفر نقول ان اللي اشتراها اشتراها اخر 2002 يعني علي 2003 يعني العربية بئالها 5 سنين مشيت في حدود الـــ 900 كيلو متر ايوه 900 فقط خلال الثلاث سنوات الاوائل و بئالها 2 سنتين مرفوعة منزلتش الارض ولا حتة دارت بس طبعا العربية مش هائول فابريكة بره و جوه لا هاقول زييرووووووو و لسه خارجة من المصنع طبعا الحالة دي حالة البودي و الصالون و الشنطه طبعا و الحالة العامه الخارجيه لكن انا عايز اعرف منكم يا خبراء الرينو و خاصتا الكليو ايه هيكون حاله الموتور و السيور و القواعد و الكاوتش الجلب بتاعته و حالة العفشة من حيت حالة المساعدين و السوست جلب المقصات و الجلب و الكاوتشات اللي في العفشه و ايه هايكون حالة الكاوتش العجل .....
اولا العربية اكشف عليها فين و في حدود كام الكشف الشامل في احسن توكيلاتها
ثانيا هي لو طلع اللي فيها هايتصلح في التوكيل و ممكن اخصمه من حقها مثلا طلع ان هايغير فيها حاجات باظت من الركنه في حدود 4 الاف جنيه الفين كاوتش و بطاريه و الفين تغيير حاجات فيها سعرها يبقي كام و بعدين اخصم منه الاربع تلاف
ثالثا هل العربية كده تكون لقطة مدام عامله الكيلو متر ده 900 و مرفوعه السنين دي و اللي فيها هايتلم ولا انا كده بجيب عربية خربانه

ملحوظه: العربية دي انا لما الناس قالو ليه علي مكانها و رحت شفتها كان الكلام ده من سنه بالضبط يعني كانت داخله في سنة مرفوعه كان حتي الكاوتش لسه مانمش لسه الهوا جواه الزيوت اللي فيها سليمة جبنالها بطاريه و دارت و كانت تمام يعني لو نزلناها تمشي ... طبعا اكيد بتقوله ايه المجنون ده سنه ايه اصل العربية دي صاحبها سافر و قالو هاينزل يبيع العربية و يبيع شويه الحاجات اللي في مصر الظاهر هاجر لفت السنه و انا عمال اسئل كل شويه و سبت نمرتي عند اهله بحيث انه لما ينزل اخلص معاه و اشتريها و كل شويه اعدي ابص عليها في الجراج اخر مره من اسبوعين لقيت خلاص العجل مفسي علي الاخر يعني لو نزلت هاتكون علي الجنط يعني مش هاعرف اروح بيها لاقرب بتاع كاوتش بتاع الكاوتش هو اللي هاييجي بكومبريسور صغير عشان ينفخ العجل و اطلع بيها علي التوكيل ....
بس انا اخر مره سائل علي صاحبها عرفت انه قرب علي النزول في ظرف اسبوع او التاني فا عشان كده بدات اسالكم و حكيت لكم قصه حياتها عشان تنصحوني بالصح

معلش طولت في الكلام بس انا محتار واللي هاتقوله عليه هاعمله و شكرا جزيلا و انا معاكم اي اسئله هاتيجي علي بال اي حد ها رد عليه

طيب يا جماعه مبدأيا كده العربيه هتحتاج ايه من تغيير قطع غيار و بعدين السعر اللي انتو قايلين ليه ادفعوا فيها كتير لانها هيتصرف عليها علي الاقل كاوتش و كاوتش عفشة