الموضوع: معلومات عن i10

المشاركة الأصلية كتبت بواسطة IL_Capitano

انا حاولت معاهم على موضوع السنتر ده برضو ورفضو وقالولي هاتطلع بره الضمان

مع انو حاجه مهمه جداا لناس عندها زهايمر وبتنسا العربيه مفتوحه

طب انتي شايفة ان لو مثلا الفرق بين الهاف و ال فول أوبشن 5000 تقريبا ، الفرق يستاهل المبلغ ده ولا الهاف مناسبة لسعرها و معقولة ؟ انا شايف ان الحاجة الوحيدة الكويسة في الفول اوبشن هيا الفوج لايت لكن حكاية كهربا خلفي و rpm دي مش حاجات مهمة ولا ايه رأيك

ايه يا جماعة فين النشاط ؟ مفيش ولا رد النهاردة !!!!! ياجماعة ضروري لوسمحتو عايز احدث اسعار i10 عشان الاسعار بتاعتها اللي علي contact cars مش مظبوطة و ياريت حد يعرف حكاية الشكل الجديد ده هينزل امتي في ناس بتقول هيتسلم الدفعة الجاية !!!!!!!

المشاركة الأصلية كتبت بواسطة hazememam14

طب انتي شايفة ان لو مثلا الفرق بين الهاف و ال فول أوبشن 5000 تقريبا ، الفرق يستاهل المبلغ ده ولا الهاف مناسبة لسعرها و معقولة ؟ انا شايف ان الحاجة الوحيدة الكويسة في الفول اوبشن هيا الفوج لايت لكن حكاية كهربا خلفي و rpm دي مش حاجات مهمة ولا ايه رأيك

بص هو الفرق بينهم كبير طبعا على شويه حاجات ممكن تكون صغيره بالنسبه لناس وممكن تكون حيويه بالنسبه لناس تانيه

انا لو كانت ميزانيتي تسمح بالفل اوبشن كان ممكن اجيبها

الموضوع حسب ميزانيتك


وبالنسبه للأسعار بالظبط كلم غبور 16661 هما هايقولولك الاسعار بالظبط وهاتستريح


وممكن كمان تسألهم على موضوع الشكل الجديد بس انا اشك انو هايجي مصر اصلا

انا اتصلت بغبور فعلا زي ما قلتي بس النتيجةجت محزنة

علي قد ما اتبسطت ان الشكل الجديد نزل فعلا اتصدمت لأن الاسعار بقي مبالغ فيها مع انه مش شكل جديد قوي ولا حاجة ، كل الحكاية فوانيس قدام و ورا و شبكة اتغيروا ، و مفيش اي تغيير في تجهيزاتها ال 4 فئات لسة بينزلو زي ما هما من غير تعديل ، و الاسعار :


GL manual 63500
GLS manual 68500
GL automatic 71500
GLS automatic 76500

يعني الاسعار فعلا زادت اللي كانت بـ 67500 بئت 71500!!!

بصراحة حرااام

كتير اوي

ايوة حرام بجد كويس انك لحقتي تجيبيها قبل ما تغلي ، يعني انا مثلا لو كنت ناوي اجيب مانيوال فل أوبشن اجيب بنفس تمنها دلوقتي ال هاف اوبشن و الهاف اوبشن اللي كانت ب 58900 تبقي ب63500 و كل ده عشان فانوسين حرااااااااام بجد

المشاركة الأصلية كتبت بواسطة il_capitano

ركبتلها جنوط مقاسها ايه؟ وايه اخبار الثبات؟؟

عشان انا اللي كنت عايزه اعملو اني اركب جنوط 14 واجيب كاوتش بيريللي 165/60 بدل الكومهو التعبان ده

انا مركبلها جنط 13 على نفس الكاوتش ال155 بس ناوى اغير مقاس الكاوتش ل165 او 175 وبصراحه مرضيتش اركب 14 لان مقاس الكوتش بتاعه مكانش متوافر ساعتها وانا كان كل همى انى اخلى العربيه ثابته شويه لان مراتى هيه اللى بتركبها وقبل الجنوط كانت بتشتكى انها لو ماشيه على 90 وعربيه عدت جنبها بسرعه العربيه بتحدف منها لكن بعد الجنوط ظبطت معاها شويه

المشاركة الأصلية كتبت بواسطة IL_Capitano

انا حاولت معاهم على موضوع السنتر ده برضو ورفضو وقالولي هاتطلع بره الضمان

مع انو حاجه مهمه جداا لناس عندها زهايمر وبتنسا العربيه مفتوحه

بصى كبرى دماغك و ركبى كل اللى انتى عاوزاه انا مركب سنتر وانذار وزينون وجنوط وما خرجتش من الضمان وهما كمان بيطلعوا عينيك علشان يغيروا حاجه فى الضمان وبعدين هو بيطلع الجزء اللى انتى غيرتى فيه بس مش العربيه كلها