مساعدة فى اختيار الكلية المناسبة ان شاء الله

**MaZaGAngeE** · 14-01-2011 09:41 PM

شوف والدك بيشتغل ايه و ادخل الكلية اللي والدك يقدر يظبطك في شغلانة , و ارسم براحتك بعد كده ... المهم أبوك يظبطك و يكون ظهرك في الشغل
و أهلا بيك ضحية جديدة في سوق العمل المصري

**Amr Axel** · 14-01-2011 09:48 PM

بص نصيحة ادخل كلية كويسة و خلي الهواية ديه لوحدها و نميها بس الاهم خد شهادة تشتغل بيها و بعد كده نمي رسمك براحتك و اتعلم زي ما انت عايز
زي ما بنقول الاهم فالمهم

**remomemo** · 14-01-2011 09:50 PM

للاسف مافيش كلية فى مصر بتدرس تصميم السيارات بس لو ناوى تحترف يبقى دراسة ميكانيكا السيارات هايساعدك وتاخد كورس تصميم فى فنون جميلة (دراسة الفنون لوحدها ممكن يساعدك فى تصميم العربية داخليا فقط لكن الجسم ككل لا مش كافى ابدا )
وفى حاجة مهمة لازم تتابعها هى المسابقات ودى موجودة على النت والتصميم الداخلى للسيارات كمان منتشر جدا وبيبقى تبع مؤسسات محترمة
يعنى تصميم فيات 500 كان نازل فى مسابقة دولية انت لازم تتابع الحاجات دى وتشترك فيها لانه هاتفتحلك فرص عمل

فى موقع اسمه designboom ده اللى نزل مسابقة فيات 500 ممكن تتابع وتلاقى مرة مسابقة مشابهة (الموقع غير مخصص للسيارات بس ممكن تلاقى فى مرة اللى انت عاوزه )

انا ماعنديش فكرة كبيرة بس حبيت انى افيدك بالمعلومات اللى عندى

**sheko2013** · 15-01-2011 12:00 AM

بص انا عاجبنى جدا حماسك ما شاء الله و فعلا انت متعلم حاجات غيرك و فى تخصصه و مابيبقاش يعرف يستخدمها رايى ماتفكرش فى المستقبل ده حاجة بايد ربنا لوحده و صدقنى اختار اللى انت هتقدر تتميز فيه مادام انك شايف مميز فى الحتة دى و ساعتها هيبقى شغلك متعة بالنسبالك و هتفرق عن الناس بسهولة ماتخشش حاجة و حتى و لو قمة و تبقى مش حاببها و تطلع زييك زييى الاف غيرك , كلمة كليات القمة للاسف مش موجودة غير عندنا احنا بس و ربنا يوفقك ان شاء الله

**ahmedsamir79** · 18-01-2011 01:48 PM

لو هاوي الموضوع ده تخصص ميكانيكا سيارات - هندسة

**ahmedhossam86** · 18-01-2011 01:52 PM

Applied Arts - GUC ;)

http://www.guc.edu.eg/AcademicProgra...px?facultyId=6

http://www.guc.edu.eg/Admission/ApplyNow/index.htm

**م.محمد علاء** · 18-01-2011 02:27 PM

المشاركة الأصلية كتبت بواسطة nistelrooy

ممكن تخلي الجزء ده هواية وتخش كلية من كليات القمة لو مجموعك يجيب !

أنا مع الكلام ده...
لسبب بسيط و هو (متزعلش من كلامي) مفيش عندنا فرص عشان إمكانياتك و موهبتك دي تأكلك عيش..مش عايزك تحبط من كلامي ..
بس مصر مفيهاش ناس بتصمم عربيات والكلام ده..
و لا حتي مهندسين سيارات يصنعوا ..
والمهندسين عارفين الكلام اللي بقولوا ده..
إحنا عندنا صيانه و تركيبات فقط..
و تجميع..
مفيش تصنيع من الألف للياء..
انا واحد من الناس إخترت قسم ميكانيكا.
عشان كنت عشمان لما أخلص حعمل و حعمل.و حسوي.
لقيت مجال العمل ..(صيانه-تركيبات-تجميع-تشغيل)
و مؤخرا بقى فيه مبيعات و مشتريات و الذي منه.
لو مجموعك جايب هندسه إتكل على الله و تخصص مدني..