مقارنة ما بين السيراتو و الكارينز

**mostafa_alaa16** · 22-01-2011 12:47 PM

انا رأيى ان السيراتو تكسب سبب واحد الشنطه مقفوله ممكن تحط الحاجه فيها فى أمان عكس الكارينز

**egypt0777** · 22-01-2011 01:03 PM

عزيزى

ازاى تقارن اداء عربية فان بعربية سيدان

**romioramy** · 22-01-2011 01:16 PM

ما ينفعش يا جماعة خالص المقارنة ده .... حتي لو من جه نظر معينة مثل الطلعة او الماتور او نقلات الفتيس ...

الحجم فارق في كل المقارنات سرعة - اداء - تكييف - طلعة - قوة موتور - و من كل حاجة يا رجالة بس الاتنين حلوين و مع اني منحاز للكارنز اكثر علشان عربية فعلا خطيرة بذات للأسر و العائلات و الزوجات ذو الشنط الكبيرة و الكثيرة و اسلوب قافلة قريش ... مع إحترامي الدائم للسيدات و الزوجات علي راسي من فوق .

**Khaled_Nowaihy** · 22-01-2011 08:46 PM

كلنا قريشيون يا عزيزى ......... هههههههه
وكمان تتميز الكارينز ان الكنبة الخلفية بتاعتها مريحة جداً

**abohagar2001** · 23-01-2011 12:26 AM

هو فعلا المقارنة ما تنفعش بينهم
الكارينز عائلية تتفوق فى الثبات
السيراتو شبابية تتفوق فى الكماليات
بس بصراحة انا لانى رب اسرة باحب الكارينز
الاولاد بيلموا الكراسى ويفرشوا بطانية
ويناموا وعلى مايصحوا اكون وصلت
طبعا دا مستحيل فى السيراتوا
كل واحد حسب استخدامه ومتطلباته

**amr mokhtar** · 23-01-2011 12:54 AM

المشاركة الأصلية كتبت بواسطة khaled_nowaihy

لالالالالالالالا الفرامل بتاعتها قوية جداً والحمد لله وصوت احتكاك الكاوتش فى الفرامل المفاجئة مرعب !!!!

طيب الحمد لله إن الفرامل متظبطة على وزن العربية
و شكرآ على المعلومات اللى حضرتك قلتها عن العربية

**romioramy** · 23-01-2011 08:58 AM

المشاركة الأصلية كتبت بواسطة abohagar2001

هو فعلا المقارنة ما تنفعش بينهم
الكارينز عائلية تتفوق فى الثبات
السيراتو شبابية تتفوق فى الكماليات
بس بصراحة انا لانى رب اسرة باحب الكارينز
الاولاد بيلموا الكراسى ويفرشوا بطانية
ويناموا وعلى مايصحوا اكون وصلت
طبعا دا مستحيل فى السيراتوا
كل واحد حسب استخدامه ومتطلباته

______________________________________________-

حلوة يا أبو هاجر ،،، هيا فعلا الأطفال مخلية الواحد بيغير طريقة تفكيره في إختيار للعربية ... بس هما زينة الحياة الدنيا ربنا يخليهم و يبعد هنهم كل اذي ولادنا و وولاد المصريين جميعا يـــــا رب

**meiirmeiir21** · 23-01-2011 10:33 AM

في فرق جوهري متقالشي في المقارنة حابب أضيفه و ده خاص بنوع التعليق الخلفي للسيراتو و الكارينز
1- trosion beam و ده نوع التعليق الخلفي للسيراتو
2-Multi-link و ده نوع التعليق الخلفي للكارينز

و الفرق في التعليق الخلفي هو السبب الأساسي لفرق الثبات و العفشة بين السيارتين بالأضافة إلي فرق الوزن طبعاً..
كان في مقارنة معمولة بالصور قبل كده بين النوعين بس أنا مش لاقيها..
أنا كنت بقارن بينهم من شهر عشان أشتري واحدة منهم و وصلت إلي الملخص التالي:
سيراتو:لو أنتا عايز عربية ستيلاش و شبابي و فيها معظم الأوبشنز ( سنسور بارك, أشارات في المريات,.....)
كارينز: لو أنتا عايز فاميلي كار بثبات أعلي و أوبشنز أقل

طبعاً أنا رحت للأختيار الثاني و حجزت كارينز هاي لاين :)

**amr mokhtar** · 23-01-2011 12:24 PM

تمام كده
الف مبروك مقدمآ على الكارينز
كنت عايز أعرف إيه الزيادة فى الكارينز الهاى لاين عن اللى الفئة اللى قبلها؟؟

الموضوع: مقارنة ما بين السيراتو و الكارينز

LinkBack

أدوات الموضوع

عرض

-

-

-

المواضيع المتشابهه

مقارنة بين الكيا سول و السيراتو و الكارينز و اللانسر بومة و الالنترا

مواتير اي 30 و النترا و السيراتو و الكارينز

لكل ملاك السيراتو و الكارينز أستفسار ضرورى

هيا السيراتو الكارينز ممكن تركنهم على n و لا مفيهمش الزرار ده

استهلاك عالبنزين فى السيراتو و الكارينز عالى ليه ؟؟

الكلمات الدلالية لهذا الموضوع

المفضلات

المفضلات

ضوابط المشاركة