انا ان شاء الله قررت انى اجيب كيا بيكانتو بس محتارة ما بين المانيول و الاوتوماتيك دى هتكون اول عربية ليا علما ان استخدامى مش كتير انا محتاره كمان لانى سمعت ان الاوتوماتيك بيبقى فيه مشاكل ارجو من اللى عنده خبره يرد عليا
عرض للطباعة
انا ان شاء الله قررت انى اجيب كيا بيكانتو بس محتارة ما بين المانيول و الاوتوماتيك دى هتكون اول عربية ليا علما ان استخدامى مش كتير انا محتاره كمان لانى سمعت ان الاوتوماتيك بيبقى فيه مشاكل ارجو من اللى عنده خبره يرد عليا
انصحك بالاوتومتك وخصوصا حضرتك لسة اول مرة تسوقى
الاوتو اريح فى السواقة ويناسب الاماكن الزحمة
عايز حفاظ عليه يعنى مش تتتعاملى معاه بطريقة خاطئة وتكلفة صيانته اغلى من المانوال ،
واستهلاك اعلى لتيل الفرامل يعنى تقريبا بيتغير 2000 كم بدرى عن المانوال
المانوال بيفضل للى بيحب الجرى والسواقة بطريقة رياضية واللى بيسوق فى اماكن مفتوحة
اقل فى استهلاك البنزين قليلا عن الاوتو وبرده فرق حوالى 5%
واقرا المواضيع دى
http://www.nilemotors.net/Nile/84579-a.html
http://www.nilemotors.net/Nile/89825-a.html
انا برده انصح بالاوتوماتك لان بامانة وعن تجربة النقل اليدوي ده متعب جدا واختراع الاوتوماتك ده نعمة عظيمة يبق ليه نركب مانيول تاني
شكرا للردود وعلى الاهتمام بس برضوا من ناحية السعر فى ناس بتقولى ان حرام عربية 1100 سى سى تكون ب 71 بس انا حبيت البيكانتو بعد ما تفرجت عليها بس انا مستغربه ازاى عربية فول اوبشن وميكونش فيها كاسيت وزجاج كهربا امامى فقط و مش هينفع ازود فى السعر علشان اجيب اعلى من كده
شكرا للاستاذ A.Saad على المواضيع اللى فيها شرح طريقة التعامل مع الاوتوماتيك بس كنت عايزة اساْل برضوا هو كده ممكن اسوق علطول من غير مااخد تدريب عليها ولا ممكن من خلال الفهم الجيد للمواضيع دى اسوق عادى
انا لا انصحك ابدا بشراء البيكانتو دلوقت .. لأن فى بيكانتو جديده كليا نازله قريب جدا انشاء الله
مفيش وجه مقارنه بين البيكانتو الجديده و القديمه
الجديده شكلها تحفه و اظن هتكون فى مصر على اقصى تقدير شهرين او ثلاث شهور
2012 Kia Picanto unveiled - Photos
:verygood::verygood::verygood::verygood:
كلامك صح
الاوتوماتيك
ومفيش حاجهاسمها حرام 71000 علي حاجه انا بحبها ونفسي اركبها
العربية دي أحسن حاجه تتجاب مانيوال. أوعي تجيبي الأوتوماتيك
الشكل ده مساْلة اذواق انا عن نفسى يعجبنى الشكل الحالى اكتر وممكن اعرف ليه احسن حاجة تتجاب مانيول ومش اجيب اوتوماتيك ارجو التوضيح
مافيش حاجه اسمها مينفعش تنزل .. و حتى على اعتبار انها هتنزل على اخر السنه .. دا يخليك تفكر 1000 مره قبل متجيب الموديل الحالى .. و على فكره الجديده مش هتفرق فى السعر كتير عن السعر الحالى .. لأن السعر الحالى كبير بطبيعته على العربيه .. و عمرها مهتزيد كتير عشان مستحيل تدخل على سعر الفئه اللى بعدها .. و لو اللى بيشترى محتاج يشترى بسرعه .. يبقى يفكر فى عربيه تانيه .. انا كنت هعمل كدا فى نفس الموقف :)
:019F3B~14:
تجميعها مش شلل ولا حاجه
حضرتك جربتها بنفسك؟
المهم نتأكد انها هتنزل آخر السنه فعلأ
وسعرها ممكن يزيد لأنها هتنزل 1200cc
والخليجي موديل 2011 موجوده عند سمير ريان ب 80000
العربيه الاوتو يعنى قياده اسهل وسيطره اسهل والكلام عن المشاكل الكتير بيبقى على حسب استعمال اللى راكب العربيه
يعنى مثلا نجيب عربيتين موديل نفس السنه ونخلى شاب يركبها والتانيه نديها لانسه ويكون الاتنين مانيوال هتلاقى ان بتاعه الشاب بتتهلك بسرعه لان طبعا الشد والسحب وتسقيط الغيارات بيبقى حلاوه ( الا الناس اللى بتحافظ على العربيه ) وهتلاقى عربيه الانسه بنفس حالتها يمكن لو بتتعلم جديد يكون فيها بعض الخبطات والخدوش لكن الموتور هيكون سليم والعفشه سليمه
مسأله المشاكل بتبقى على حسب اللى راكب مش حسب العربيه
بس طبعا لو هنيجى للمشاكل هنلاقى ان العربيه الاوتو مشاكلها صعبه شويه عن المانيوال بس دى ضريبه السهوله فى القياده
تجميع الاوتو عادى جدا لا هو سحب بالعربيه وشد وغرز والكلام ده ولا هو البطه عربيه عاديه تصنيعها عشان تاخد سرعتها تدريجيا مش زى المانيوال لان فى المانيوال انت ممكن تعلى الار بى ام على الغيار لكن فى الاوتو مش هتعرف تعلى الار بى ام عشان تشد ف هى سحبها عادى بل وفى عربيات اوتو سحبها ممتااااااز
يبقى الحلين اللى موجودين
اوتو = سهوله فى القياده وسيطره سهله على العربيه + مشاكل صعبه بس مش بالصعوبه الكبيره يعنى
مانيوال = متعه فى القياده + تحكم تام بكل سى سى فى الموتور وممكن تكون صعبه شويه للمبتدئين
شكرااااااااا
شكرا جدا للاستاذ black- hawk وضحت الموضوع ببساطة :bravo:
للرد على الزميل sara2001 لازم تعرفى ان من التوكيلات النشطه فى مصر هى توكيلات غبور و كيا محمد نصير . بمعنى تانى ان تاريخ نزول الموديلات الكوريه الحاليه كان متزامن مع نزولها فى العديد من الدول بره .. دا طبعا بعد متنزل فى كوريا حصريا لفتره و دى بتكون تجربه لفتره زمنيه معينه .. خلاصة الكلام العربيه هتتعرض رسميا فى شهر 3 القادم و هتبدأ تنزل تجاريا فى كوريا بعدها انشاء الله و خلال شهور قليله هتوصلنا لأن زى مقلت التوكيلات الكوريه هنا فى مصر نشطه جدا لأن متنسيش انها بتحقق رواج كبير فى الفئات اللى بتنزل دى
و رأيى الشخصى من تحليل توقعات نزول العديد من الموديلات و سياسة التوكيل فى مصر انها هتكون فى مصر خلال شهور ليست بالكثيره :)
و شكرا
انا عن نفسي عاجبني الشكل الحالي
وهاشتري بسرعة قبل ما يخلص
ولو معايا تمن الاتوماتيك كنت جبته
بس سمعت ان اللي بيسوق جديد
افضل انه يسوق مانوال عشان يتعلم كويس
وانها ممتعة اكتر من الاتو بس الاتو اسهل
الاوتو كويسة وتجميعها كويس حتى مع التكييف وليس بالسيء
نظرا لطبيعة الشوارع و الحالة المرورية في مصر يبقى لابد من التوماتيك و سيبك من موضوع انك في الاول لازم تتعملمي على مانيوال دي
ايه لازمتوا تتعبي نفسك يعني ما كدا كدا هاتسوقي و موضوع السحب و الشد دا برضوا مش مهم لأن مصر مافيهاش مكان تعملي فيه كدا اصلا
توكلي على الله في الاتوماتيك محدش بقى ينفع يجيب مانيوال تاني في مصر ابدااااااااااااااااااا و عن تجربة الاتوماتيك مريح راحة و عمرك ما تتعبي من السواقة مهما كان المشوار طويل او زحمة
خلاص انا موافقة
:satelite:
بس جمعولي تبرعات بال 10000 جنيه الفرق
ويبقى كتر خيركو
:help1:
عليا ب 5897 جنيه .. و كدا عملت اللى عليا بقى ؟...؟ انطلقى و هاتى الأوتو بقى ... بس لو فيها رزاله .. عاوز لفه :)
هدفع انا ال 3 وكله بثوابه